الحمدلله و مبروك لطلبات2001 وقبل صبرنا و نلنا غرب عبدالله المبارك

[أعرابي]

غرب عبدالله المبارك وصلت و احلى موقع متوسطه البلد طلبي 97 وانشاء الله اسكنها مع اني من الجهرا لكن خلاص طفشت بطلع من الحفره الجهرا حفره تقطعك عن الديرة و المناصب و الوظايف الزينه . بس ميزتها اهلها الطيبين .

 

[9اوربيه]

ألف ألف مبروك منزل المبارك إن شاء الله

 

[الدكتور بو فيصل]

يا أخوان على أي أساس أفترضتوا إنه بيوصل طلبات ٢٠٠١؟؟؟

 

[sharks]

نتمنى الخير للجميع ولكن لغاية طلبات ٩٨ العدد ٨٠٠٠ طلب ( ! )

انشاء الله تغطي لغاية ٢٠٠١ ( نتمنى )

 

[أعرابي]

مدري . لكن دايم المعطلين لدورهم في الاسكان بالالوف مع ان الدور واصلهم من زمان و المشاريع الحاليه مع غرب عبدالله المبارك راح تخلص نسبة عالية لكن يبقون الذين قتلهم طول الامل و يبون خيطان . فتوصل ل2001 احتمال كبير.

 

[عيسى الطلحي]

السلام عليكم ....... لا للتبديل
اخوي الأعرابي .... اخذني معاك الى غرب عبدالله المبارك
انا طلبي 97 ومن مواليد الجهراء ومن سكانها اب عن جد ..... أولاً المنطقه قريبه للجهراء والكويت باي مكان كلهم اهلنا واخواننا وملينا احنا ناطرين بيت واهل الطلبات القديمه ( 94 و ماقبل ) ولاهم بحاجة سكن ويبون يبدلون صاروا يتاجرون باراضي الدولة وباسعار خياليه لا ويبيع طلبه اكثر من مره
وانا اطلب من الأخوان اللي طلباتهم لغاية 98 انهم يتوكلون على الله وياخذون بالمنطقه واكيد نعرف بعض وكاننا بالجهراء ومثل ما قاالو ( خلوا قنيبر على شداده )

 

[الدكتور بو فيصل]

يا أخوان احد فيكم عنده احصائية تبين كل سنة وعدد الطلبات المتبقية فيها ؟ يفيدنا الله يجزاه الف خير.

 

[أعرابي]

الله كريم الله يجيب الخير

 

[كويتي و افتخر 777]

اضن اذا استمرينا بهالطريقه ماراح نحصل سكن الا بعد 100 سنه و اذا حصلنا سكن راح يقولون ما نقدر نوصل كهربا و ماي و اذا وصلو الكهربا و الماي راح يقولون ما نقدر نوفر خدمات و اخرتها النفط يخلص و نروح نشتغل سواقين و خدم عند الاجانب الخلاصه الحل بيد الشعب مو بيد الحكومه عطو اصحاب الطلبات الاسكانيه قروض سكنيه و اراضي و خلهم يسنعون انفسهم

 

[lawyer1111]

http://www.housing.gov.kw/Attachments/Talabat_Stat_jun_2012.pdf

هذا رابط بعدد الطلبات الاسكانيه

 

[faisel 2]

المشاريع التي سيتم ستخفف الضغط ...٦٩٦قسيمه بالنسيم -١٤٥٠بيت حكومه بجابر الاحمد-٣٩٦بيت يشمال غرب صليباخات...

 

[العاشق]

المشكله تجيك اليوم بموقع الاسكات تحصل جدامك لنفرض 6000​

بعد شهر تجيك تحصلهم 6700 منين جو هالسبعميه مادري ​

 

[كويتي و افتخر 777]

المشاريع التي سيتم ستخفف الضغط ...٦٩٦قسيمه بالنسيم -١٤٥٠بيت حكومه بجابر الاحمد-٣٩٦بيت يشمال غرب صليباخات...

يا اخي و ليه راضين علي هالحال شهالضغط الي راح اتخففه هالمشاريع محنا كم قسيمه في بوحليفه علي كم قسيمه في الصباحيه و و غرب عبدالله المبارك يا اخوان انتم ليه متخاذلين و الله لو انها حفره تحت رجولكم ما شفتوها هالحين كل شي متوفر الاراضي و الاموال خلونا انطالب بالاراضي و الفلوس و نعمرها و نضبط اعمارنا ما يصير هذي الاتكاليه الي احنا عايشين فيها يا اخوان تحركو و الي يرحم والدينكم

 

[انوار النور]

ان شاء الله الى طلب 98 راح يحوشهم اكيد

 

[أعرابي]

اقتراح لمن طلبه بعيد .وعن تجربه ياجماعه لما لقيت السالفه مطوله و البيوت غاليه . شريت ارض بكبد . ليش عشان هذا هو العقار المقدور عليه بعدين تقدر تبيعه و مع قرض الاسكان يمكن تشتري بيت . او و يعذرني المتحفظين من هالراي . تسكن فيه و احنا اولى من البهايم و الصراحه حاسدينها على المساحه . و مشروع غرب عبدالله المبارك راح يقرب الخدمات من تعليم و صحه لكبد .و حط صخلتين او بعير احتياط من التفتيش .

 

[كويتي و افتخر 777]

اقتراح لمن طلبه بعيد .وعن تجربه ياجماعه لما لقيت السالفه مطوله و البيوت غاليه . شريت ارض بكبد . ليش عشان هذا هو العقار المقدور عليه بعدين تقدر تبيعه و مع قرض الاسكان يمكن تشتري بيت . او و يعذرني المتحفظين من هالراي . تسكن فيه و احنا اولى من البهايم و الصراحه حاسدينها على المساحه . و مشروع غرب عبدالله المبارك راح يقرب الخدمات من تعليم و صحه لكبد .و حط صخلتين او بعير احتياط من التفتيش .

يا ويلي ويلاه يعني اخرتها نسكن مع البهايم و الله منعم علينا بالخيرات حسبي الله و نعم الوكيل في الي كان السبب جعله ما يتهني بكل فلس طلعه من وري السكن و انشاء الله يصرفه علي علاجه

 

[أعرابي]

يارجال البهايم ماهي عندك باخر الجاخور بشبك.صدقني راح تعيش جو ريفي و عيالك راح يستانسون بالحيوانات و يمكن تحقق اكتفاء ذاتي من الحليب و اللبن و اللحوم شي طبيعي و طازج .وهذا اسمه عقار يعني رصيد لك و تقدر تبيعه و تفرط فيه لانه.جاخور مو بيت عمر.بعدين منه متنفس و منه بيت .عباره عايش بعزبه بالصعيد .يعني ابشرك راح تصير عمده .بدت احلام اليقظه اسمحلي . موفق خير .

 

[كويتي و افتخر 777]

يارجال البهايم ماهي عندك باخر الجاخور بشبك.صدقني راح تعيش جو ريفي و عيالك راح يستانسون بالحيوانات و يمكن تحقق اكتفاء ذاتي من الحليب و اللبن و اللحوم شي طبيعي و طازج .وهذا اسمه عقار يعني رصيد لك و تقدر تبيعه و تفرط فيه لانه.جاخور مو بيت عمر.بعدين منه متنفس و منه بيت .عباره عايش بعزبه بالصعيد .يعني ابشرك راح تصير عمده .بدت احلام اليقظه اسمحلي . موفق خير .

يا اخي ما يصير الواحد ما يصير عنده طموح و تحدي لازم تطالب بحقك الاسكاني مو ترضي بجاخور تعيش فيه مع عيالك كل من له حق ياخذه و بالقانون و في ظل الدوله المدنيه الي تضمن حقوق الفرد

 

[أعرابي]

فيه عوايل عايشه باسطبلات الجهرا منذ سنوات علما بان منطقة الاسطبلات تفتقر لخدمات النظافه و المزابل تحرق ليتم التخلص متها و جيف الكلاب النافقه اعزكم الله في كل مكان لكن شنقول هذي قدرة الانسان على التكيف مع البيئه مهما كانت سيئه.هذي نعمة التكيف ستجعل المواطن يعيش في اسوء الظروف حتى لو كان بعيدا عن مجتمعه و علاقات الجيره و المجتمع و الخدمات .

 

[المارد 2]

فيه عوايل عايشه باسطبلات الجهرا منذ سنوات علما بان منطقة الاسطبلات تفتقر لخدمات النظافه و المزابل تحرق ليتم التخلص متها و جيف الكلاب النافقه اعزكم الله في كل مكان لكن شنقول هذي قدرة الانسان على التكيف مع البيئه مهما كانت سيئه.هذي نعمة التكيف ستجعل المواطن يعيش في اسوء الظروف حتى لو كان بعيدا عن مجتمعه و علاقات الجيره و المجتمع و الخدمات .

يعني تبينا انعيش معاهم مع البهايم شاركو بحملة ناطر بيت و خلو التجار يعيشون مع البهايم و الاذناب