مطلوب صكوك فندق زمزم

[ukhrep]

السلام عليكم​

​

وكل عام وانتم بخير​

​

والله يتقبل منا ومنك شهر رمضان ويرزق الجميع قيام وقبول ليلة القدر​

​

وبغيت اسال عن صكوك فندق زمزم في مكة المكرمة​

​

منو عنده فكره شنو نظامهم​

​

سعر شنو يشمل؟​

و​

بخصوص الرسوم السنوية, اشلون طريقتهم؟​

​

واذا بغيت من وين احصلهم؟​

 

[مهندس وافتخر]

هلا اخوي ..انا مأجر شقة بزمزم من 5 سنين وهي عبارة عن تاجير بطريقة التايم شير تقريبا ومادري اذا لازالت عندهم شقق للحين بس بحاول اوضحلك الموضوع قدر المستطاع :-
اولا :- وكيل التسويق :- شركة ماس العالمية هي وكيل تسويق الشقق بالكويت رقمهم 1820111 ومكانهم ورا الشيراتون .
ثانيا :- نوع الشقق :- عندهم غرف وشقق مختلفة مثلا عندهم الغرفة مع حمامها عزك الله مساحتها 38 م2 وعندهم الشقة اللي فيها غرفتين وصالة مساحتها 76 م2 وفي شقق مطلة على المدينة وفي على الحرم وفي على الكعبة مباشرة وكل شي بسعره .
ثالثا :- ايام التأجير .. هي ان تختار اسبوع بالسنة الهجرية ( مثلا من 1 رمضان الى 8 رمضان او 15 رجب الى 22 رجب ...الخ) طبعا يحسبون التوقيت حسب تقويم ام القرى وهو تقويم هجري تقريبي يحدد تواريخ الاشهر الهجرية جميعها منذ بداية السنة بغض النظر عن رؤية الهلال ليساعد على تحديد الايام منذ بداية السنة وبالتالي تعرف مايقابلها بالميلادي ولا يوجد تأجير اقل من اسبوع سوى الفترة من 13-16 ذو القعده وهي 3ليال عشان جذي انا اجرت فيها لان العمرة عادة 3 ليالي
رابعا :- اسعار الشقق تختلف باختلاف نوع الشقة والفترة يعني انا خذيت شقة غرفتين مطلة على الكعبة طلعت 1400 دينار كانت قبل 5 سنوات اما المصاريف السنوية فهي 45 دينار
خامسا :- الرسوم الاضافية .. اذا حبيت تخلي واحد غيرك يروح ( صديقك او تبي تاجرها على احد) تدفع 20 دينار عشان يحطون الفواتشر باسمه واذا حبيت ماتروح هالسنة وترحله السنة اليايه ايضا ياخذون 20 دينار ويخلونك تاخذ شقتين السنة الجاية بنفس الفترة او تقدر تاخذها على فترتين .
سادسا :- مدة التاجير ... العقود كلها مدتها 25 سنة هجرية من 1428 الى 1452 تقريبا يعني اذا بتشتريها الحين حط ببالك ان عقدك مو 25 سنة راح منه الحين 7او 8 سنين يعني باقيلك 17 سنة هجرية وبالتالي مفروض الاسعار الحين ارخص
سابعا :- طريقة السكن :- قبل شهرين تقريبا من بداية فترتك بكل سنة تتصل او يتصلون عليك شركة ماس يقولولك تبي تسكن ولا ترحلها اذا تبي تسكن يسوولك فاوتشر باسمك تستلمه قبل سفرك بكم يوم وتروح فندق زمزم عادي كانك حاجز منهم وتسكن عادي ولما تطلع ايضا تشيك اوت عادي حالك حال النزيل العادي .
ثامنا العيوب :- بصراحة المشكلة الاساسية ان لو صادف التاريخ الهجري فترة اختبارات او مثلا لو ماجر 3 ليالي مثلي تطلعلك مرات من السبت للثلاثاء وصعبة للي عنده دوام ..اما لو تأجر بنفسك من اي فندق تقدر تتحكم بالوقت ... العيب الثاني لا تتفاجئ من طريقة تعامل شركة ماس الجماعه حالفين محد يبتسم لك ضاربينها حزن الظاهر مايقبضونهم رواتبهم ..فطنش عادي حدك معاهم سؤال جواب وبس
وسامحنا على القصور .. رقم شركة ماس موجود فوق ... عندك اياهم بالاستفسارات

 

[ukhrep]

هلا اخوي ..انا مأجر شقة بزمزم من 5 سنين وهي عبارة عن تاجير بطريقة التايم شير تقريبا ومادري اذا لازالت عندهم شقق للحين بس بحاول اوضحلك الموضوع قدر المستطاع :-
اولا :- وكيل التسويق :- شركة ماس العالمية هي وكيل تسويق الشقق بالكويت رقمهم 1820111 ومكانهم ورا الشيراتون .
ثانيا :- نوع الشقق :- عندهم غرف وشقق مختلفة مثلا عندهم الغرفة مع حمامها عزك الله مساحتها 38 م2 وعندهم الشقة اللي فيها غرفتين وصالة مساحتها 76 م2 وفي شقق مطلة على المدينة وفي على الحرم وفي على الكعبة مباشرة وكل شي بسعره .
ثالثا :- ايام التأجير .. هي ان تختار اسبوع بالسنة الهجرية ( مثلا من 1 رمضان الى 8 رمضان او 15 رجب الى 22 رجب ...الخ) طبعا يحسبون التوقيت حسب تقويم ام القرى وهو تقويم هجري تقريبي يحدد تواريخ الاشهر الهجرية جميعها منذ بداية السنة بغض النظر عن رؤية الهلال ليساعد على تحديد الايام منذ بداية السنة وبالتالي تعرف مايقابلها بالميلادي ولا يوجد تأجير اقل من اسبوع سوى الفترة من 13-16 ذو القعده وهي 3ليال عشان جذي انا اجرت فيها لان العمرة عادة 3 ليالي
رابعا :- اسعار الشقق تختلف باختلاف نوع الشقة والفترة يعني انا خذيت شقة غرفتين مطلة على الكعبة طلعت 1400 دينار كانت قبل 5 سنوات اما المصاريف السنوية فهي 45 دينار
خامسا :- الرسوم الاضافية .. اذا حبيت تخلي واحد غيرك يروح ( صديقك او تبي تاجرها على احد) تدفع 20 دينار عشان يحطون الفواتشر باسمه واذا حبيت ماتروح هالسنة وترحله السنة اليايه ايضا ياخذون 20 دينار ويخلونك تاخذ شقتين السنة الجاية بنفس الفترة او تقدر تاخذها على فترتين .
سادسا :- مدة التاجير ... العقود كلها مدتها 25 سنة هجرية من 1428 الى 1452 تقريبا يعني اذا بتشتريها الحين حط ببالك ان عقدك مو 25 سنة راح منه الحين 7او 8 سنين يعني باقيلك 17 سنة هجرية وبالتالي مفروض الاسعار الحين ارخص
سابعا :- طريقة السكن :- قبل شهرين تقريبا من بداية فترتك بكل سنة تتصل او يتصلون عليك شركة ماس يقولولك تبي تسكن ولا ترحلها اذا تبي تسكن يسوولك فاوتشر باسمك تستلمه قبل سفرك بكم يوم وتروح فندق زمزم عادي كانك حاجز منهم وتسكن عادي ولما تطلع ايضا تشيك اوت عادي حالك حال النزيل العادي .
ثامنا العيوب :- بصراحة المشكلة الاساسية ان لو صادف التاريخ الهجري فترة اختبارات او مثلا لو ماجر 3 ليالي مثلي تطلعلك مرات من السبت للثلاثاء وصعبة للي عنده دوام ..اما لو تأجر بنفسك من اي فندق تقدر تتحكم بالوقت ... العيب الثاني لا تتفاجئ من طريقة تعامل شركة ماس الجماعه حالفين محد يبتسم لك ضاربينها حزن الظاهر مايقبضونهم رواتبهم ..فطنش عادي حدك معاهم سؤال جواب وبس
وسامحنا على القصور .. رقم شركة ماس موجود فوق ... عندك اياهم بالاستفسارات

مشكور اخوي على التوضيح​

​

والله يجزاك الف خير على التوضيح​