شنو صاير يا شباب ؟؟؟؟؟؟؟؟؟؟؟

[samak72]

شنو صاير يا شباب إرتفاع الأراضي مره ثانيه ليش ؟؟؟؟؟؟؟
توه قبل إسبوعين كانت أراضي بو فطيره على 168 إلى 170 اليوم أجيك أشوفهم على 177 وفوق ليش شنو صاير ؟؟؟؟؟؟؟؟؟؟

 

[samak72]

شكل المنتدى صار كله إشريطيه وأصحاب مكاتب
ماكو أحد من الشباب يرد أدري إنكم مليتوا من الحجي الله يعين الجميع

 

[ابو غانم]

المنتدى كله شريطية هذا شي أكيد ،، ولحد يقص عليكم بالأسعار هذي ،، خلوها تطيح بجبودهم .
وبعدين فيه سالفة جديدة طايحين فيها .. يحط لك سعر من عنده ويقول فرق السوم بياع ،، طيب البياع مافرقت معاه وانه يقعد له شهر علشان واحد يفرق السوم ،، بيع وخلص !!!!!

 

[samak72]

المنتدى كله شريطية هذا شي أكيد ،، ولحد يقص عليكم بالأسعار هذي ،، خلوها تطيح بجبودهم .
وبعدين فيه سالفة جديدة طايحين فيها .. يحط لك سعر من عنده ويقول فرق السوم بياع ،، طيب البياع مافرقت معاه وانه يقعد له شهر علشان واحد يفرق السوم ،، بيع وخلص !!!!!

صدقت يا بوغانم الله يعين الشباب عليهم

 

[بــوعبدالله]

الأسعار حاليا ماتنفع الا للميونيرية والتجار منهم خصوصا
الشعب العادي مايشتري أبدا بهالأسعار
لكن خل يوزعون علينا أراضي حتى لو بقلعة وادرين بالتالي راح تطيح الأسعار وراح تطيح بيوت التجار اللي حولوها عمارات للاجار

الصبر هو حلنا الوحيد حتى نواجه هالشريطية وتجارهم

 

[q8_king1]

بعد رمضان في تجمع في ساحة الارادة لضغط علي الحكومة الطلبات 100 ألف. ومافي تحرك من الحكومة. حتي أراضي الدائري السابعة. عددها لأيتعدي 7 آلاف وكل سنة 8 آلاف شخص يتزوجون الحل بالضغط أما الانتظار والصبر اعتقد ماقامت تأتي بنتيجة

 

[متوازن]

اي شخص معول على الدائري السابع فهو قادم ... ولكن 4 الى 5 سنوات يرى النور حتى وان وزع على المخطط

انتم في الكويت