ليش المبالغه بأسعار العقار بالمنتديات

[9اوربيه]

لاحظت بالأوان الاخيره المبالغه بالاسعار بالمنتديات
اقل بيت 200 ألف اسوء ارض 170 ألف ولكن الواقع يختلف

مثلا بجريدة الراي اليوم صفقات تمت بسجل العقاري 143 ألف في ابو فطيره هل شاهدتو هذا السعر بالمنتديات
وشخص يحلف بالله بان اخوه شره ارض زاويه بضاحيه 400 متر ب400 ألف
يا إخوان قبل لا تشنري ارض أو بيت تأكد من الاسعار ولا تدع من لا يخاف الله يضحك عليك ويشعرك بان هذه الاسعار المرتفعه هيا حقيقيه بل مزيفه
ومبالغ فيها وبشكل كبير بس الواحد شنو يقول إلا حسبي الله ونعم والوكيل

 

[AZIZ77]

اخوي ارض الضاحية اي ضاحية؟؟؟

 

[كابتن كويتي]

اي والله بالمواقع الاراضي شابه نار ...

 

[s man]

صاحبك مقزرها عليكم شكله , الضاحية ب400

 

[9اوربيه]

والله يقول ضاحية عبدالله مالت الجخخخ والمشكله زاويه
بس والله يمكن كلكجي إزقمبي بعد
بس والله كلشي جايز

 

[s man]

والله يقول ضاحية عبدالله مالت الجخخخ والمشكله زاويه
بس والله يمكن كلكجي إزقمبي بعد
بس والله كلشي جايز

هههههه , تقدر تشوف الاسعار الحقيقية علي موقع وزارة العدل كل اسبوع البيعات اللي صارت

 

[ابرك الساعات]

انا اقول لك ليش....لأن اللي يبي يبيع الارض تاجر وعنده ملايين يحسب الناس مثله

والدلال مو كويتي ويحسب الكويتيين عندهم........ما يدري ان الكويتي شقه اجار ومتضايق من الاجار ولا يدري وين يحصل اجار اذا طلع من شقته

والسبب الرئيسي اهو الحكومه وقفت توزيع الاراضي والمناطق السكنيه الجديده كله على شان خاطر التجار....وحتى لو شريت ارض مايخلونك تبنيها واذا بنيتها ما يوصلون لك كهربا واذا وصلولك كهربا ما عندك جيران...والجيران يبون فلوس والفلوس عند العروس والعروس تبي عيال والعيال من الله.....لا اله الا الله

والقهر العظيم من النواب اللي يوقفون مشاريع تنمويه للبلد وكل شي اقتصادي قاعد يضربونه.......ولم يتكلم شخص واحد فيهم عن هالغلاء الفاحش والتشتت الاسري...تصدق انا اعرف شباب مو متزوجين اقوله ليش؟ يقول وين اسكنها؟ خلني جذي يالله يالله

 

[9اوربيه]

هههههه , تقدر تشوف الاسعار الحقيقية علي موقع وزارة العدل كل اسبوع البيعات اللي صارت

يا خوي يريت تحطلنا رابط السجل العقاري أنا والله ما أعرف تعرف إحنا شياب جيل الاتاري
من قبل شوي دخلت على موقع السجل العقاري فتحت الصفحة الرئيسيه ولكن مو راضيه تفتح معي الصفحات ألي فيها تاريخ البيع

 

[s man]

يا خوي يريت تحطلنا رابط السجل العقاري أنا والله ما أعرف تعرف إحنا شياب جيل الاتاري
من قبل شوي دخلت على موقع السجل العقاري فتحت الصفحة الرئيسيه ولكن مو راضيه تفتح معي الصفحات ألي فيها تاريخ البيع

http://www.moj.gov.kw/reports_real.htm

 

[9اوربيه]

حصائية 2012 ما تطلع معاي بس تطلع 2011 وأنت نازل
على العموم تسلم لي وكثر الله خير حبيب قلبي

 

[Knights]

اي والله انصدمت من الاسعار النهضه بهالموقع والمواقع الثانيه لا يقل عن 190 الف وبالصج 158 الف فقط فرق فوق ال32 الف مو شويه !!

 

[K.KHALED]

ويل للمطففين ..

 

[zidantheking]

ارض زاويه بضاحيه 400 متر ب400 ألف, ان شاء الله مو جذي ,

لعلمك هلارض تنباع بنص مليون علراهي و مو موجوده اصلا , قله الي يفرزون بلضاحية و اغلبهم 375 375 و يبنون بيتين حقهم ما يبيعونه بعد

 

[ابرك الساعات]

ما راح يخليهم رب العالمين

ويل للمطففين

 

[meteb40]

لو المشاركة متاخرة ... بس لي وجهة نظر ... الاسعار بالمنتديات نااااااااااااار ... واخذت جولة على المكاتب العقارية بالكويت كلها وجدتها . ناااااااااااار + قااااااااااااز = حريق
وين نروح ؟؟ كيف نشتري ؟؟ .......... لجأت للايجار وجدت : البيت يؤجر على 1000 دينار... الشقة تؤجر 400 دينار ... !!! رحت بيت التمويل بأخذ منهم بنظام التقسيط العقاري
طلبوا مني طلبات لو هذه الطلبات عندي صرت من الاثرياء .... بالعالم ؟؟ ........... عطـــــــــــــــــــونا حـــــــــــــــل .... ؟؟ ( ربي .. أرزقني .. من واسع .. فضلك )

 

[samak72]

يا جماعه شنو إلي صاير خلال عشر أيام ترتفع الأراضي ١٠ دينار ليش شنو إلي صاير ؟؟؟؟؟؟؟؟؟؟؟؟

 

[samak72]

عفواً إرتفاع ١٠٠٠٠ دينار

 

[ابرك الساعات]

الدلال مصري والبايع تاجر والا شيخ...........شتترجى

اكيد بيرفعون ولا هامهم.......كأنك مريض وعلاجك ضايع بين الطبيب والصيدلي وكل واحد قاعد يرفع السعر عليك

المشكله اللي محتاج كحاجه قصوى...........الله يعينا وانا اتمنى من نفس الحمله اللي تطالب الحكومه بلإسقاط القروض انها تطالب بتوزيع مناطق جديده

 

[maath]

اسمحوا لي ادش عرض
سبب ارتفاع الاسعار منا احنا
لان الواحد قاعد يزايد على الاخر
لاتقولي مكاتب ولابطيخ

 

[بــوعبدالله]

التجار هم اللي قاعدين يزايدون على بعض مو احنا المواطنين العاديين اللي مانقدر على هالاسعار عشان نزايد