ميزانيتي 170 الف وين الاقي بيت بالقيمه هاذي المشوره منكم

[حـمـيـدان]

سلام عليكم

الموضوع ومافيه يخوان حبيت استشيركم الصراحه ناوي اشتري بيت والميزانيه حدها مثل مابينت لكم بالعنوان 170 الف

ادري انه كان يعتبر مبلغ كبير في الماضي القريب لكن وش نقول حسبنا الله ونعم الوكيل

وين ممكن الافي بيت بالقيمه هاذي اهم شي مايكون بالجهرا او ام الهيمان او الفردوس او الظهر

 

[صقرالبحر]

اذا ماتبي بهالمناطق وين تبي بالله ؟ بالسره ؟
ماعندك الا هالمناطق بس

او شقه تمليك دورين

 

[حـمـيـدان]

انا ماطرحت الموضوع للاستهزاء او العبث في مناطق كثير اتوقع ان اسعارها معقوله لكن ماعندي خلفيه كبير بها جابر العلي القرين العدان القصور جليب الشيوخ حكومه العارضيه النهضه الاندلس حكومه هذا اللي اقصده ياريت تطول بالك موحلو هالاسلوب على فكره

 

[fuphcr]

أذا قدرت تاخذ بالنهضه احسن لك على الاقل منطقه جديده وقريبه

 

[ابو غانم]

شوف أخي الغالي ،، المبلغ هذا جداً ممتاز وفي دول العالم تستطيع أن تشتري فيه بيت في أرقى المناطق .

ولكن في دولتنا الحبيبة لاتستطيع لأن حكومتنا الموقرة تفضل التجار وأهدافهم على مصلحة الشعب ،، لذلك المبلغ الذي لديك عليك أن تضيف عليه ٥٠ ألف علشان تشتري بيت ،، ولكن لاتفعل ذلك ونصيحة ،، أصبر قليلاً وسوف يأتي الفرج بأذن الله ،، وأعرض قيمتك الحالية على بيوت الحكومة وأرفض أسعارهم ،، ترى مولاقين أحد يشتري لاتحاتي .

 

[أبو عبد الرحمن]

عندك جابر العلي + الرقة + صباح السالم + عموم القرين ... الجميع حكومة ، لو تدور وتتعب راح تحصل بالقيمة إلي ذكرتها ، حط لك اعلان بنفسك بالجرايد واشترط عدم تدخل الوسطاء ، بالعربي اشتغل شغل مكاتب العقار وراح تحصل بإذن الله .

 

[ArabiaGuy]

نصيحه من اخ لك انطر توزيع الحكومه وافتك من الديون .... بيوت خرابات باسعار خياليه

 

[ابرك الساعات]

نصيحه من اخ لك انطر توزيع الحكومه وافتك من الديون .... بيوت خرابات باسعار خياليه

انا مؤيد لهالكلام وبقوه ولا تنسى انك مو بروحك وياك 100 الف اسره كويتيه ماعندهم مسكن والعدد في تزايد مستمر

170 ما تجيبلك الا بالمناطق اللي ذكرتهم و زيد عليهم الرقه يمكن تحصل ويمكن ما تحصل وصباح السالم....اما جابر العلي اردى بيت سد لد وضع الحكومه يبدأ ب 170...والمشكله مو بس باللي في جابر العلي حتى اللي في الظهر....يحطلك سعر ولما تجيه تبي تشتري يقولك اذا بعته وين اروح؟ لا ابي زود...المشكله عارضه ب120 ومحد جاله صارله سنه او اكثر ولما تجيه يقولك لا ابي 160... الطمع ذبح الناس.....والدوله تساعدهم وتزيدهم على هالطمع تعطي الاراضي بالمواقع القويه للتجار والتاجر حاط فبطنه بطيخه صيفي ان باعها والا ما ضر فلوسه وكل يوم يزيدون 10 الاف...السنه اللي طافت ارض بطن وظهر في ابو فطيره ب130 الحين ب200...شدعوه؟؟؟ زين وين وزارة التجاره و وين الرقابه و وين الفتوى والتشريع و وين نواب الاصلاح؟؟ ذابحينا كل يومين بتصريح وينهم عن المواطن؟

 

[q8_king1]

اول سؤال اسئلك عنة طلبك اي سنة ؟ اذا كان قبل 2002 انصحك الانتظار الانة الدور قرب وفقط 3 سنوات تقريبا علي كلام الاسكان انك ان شاء الله اقل شي تدخل قرعة وتعرف اي منطقة اما اذا كنت فوق 2002 وماتبي تنطر انصحك بمحافظة مبارك الكبير مناطق حلوة وموقعها حلو وقريبة علي البحر والسالمية او بيوت سعد العبدالله ممكن تحصل

 

[بومنيرة]

الصبر زين

التجار صارت بينهم

هم الي يبيعون وهم الي يشترون

المواطن خارج المعادله هذي

والعرض راح يكون اكثر من الطلب بعدها

طب وتخير في ١٧٠ مثل اول

والله يرزقك بالقسيمه على ٣ شوارع قول امين

 

[ابرك الساعات]

الوسمي.....يعني تبشر المواطنين في نزول العقارات؟ مانبي تنزل خل ترتفع مو فارقه لان ما نقدر نشتري...نبي اراضي تبيعها علينا الحكومه احنا نبنيها

والمشكله الاراضي غاليه ولو تقدر تشتري و تقدر تبينها لو دور واحد.....ماكو كهرباء....على شنو غاليه؟؟؟؟

 

[خالد32]

بدل بطلبك وادفع الفرقيه اذا كان عندك طلب كثير فلل جاهزه بفهد الاحمد والمنقف ياخذ طلبك وتزيده لفرضنا 100 او 120 وتتحمل قرض البيت وكان الله غفور رحيم

 

[المحترم الاول]

خذها نصيحه من اخوك المخضرم ومجرب البدل والبيع ...الوضع الان غير الامس الحين ارقام خياليه سواء للبيع او البدل وحرام تضيع المستقبل بسبب بيت تقعد 30 سنه ماوفيت مع العلم بان قيمة اى بيت فى العالم ايجاره لمدة10 سنوات ماعدا الكويت رواتب العائله جميعا فى50 سنه؟؟؟ الخلاصه اذا عندك طلب حتى لو حديث انتظر دورك واذا كنت بائع سابق فالله يعينك (لك رساله على الخاص)

 

[xgroupx]

نصيحة اذا عندك طلب اشتر بالمناطق اللي ماتبيهم واجره وانطر دورك وبس .