للأسف نحن السبب في أرتفاع أسعار العقار !!

[ابو غانم]

نعم نحن السبب في أرتفاع أسعار العقار ،، ونتذكر هنا حادثة الخليفة عمر بن الخطاب رضي الله عنه وأرضاه عندما أشتكوا اليه الناس غلاء اللحم

وحينها جاء الناس إلى عمر بن الخطاب -رضي الله عنه - وقالوا : (غلى اللحم فسعره لنا ،فقال: أرخصوه أنتم ؟ )
فقالوا :نحن نشتكي غلاء السعر واللحم عند الجزارين ونحن أصحاب الحاجة فتقول :أرخصوه أنتم ؟ وهل نملكه حتى نرخصه ؟وكيف نرخصه وهو ليس في أيدينا ؟) قال :اتركوه لهم..)

ونحن هنا يجب أن نترك لهم بيوتهم وأراضيهم لكي يرخصوها ،، كيف لبيت حكومة كان قبل ٤ شهور بقيمة ١٧٠ والآن ٢١٠ وفوق !!!

وكيف لأرض قاحلة ٤٠٠ متر أرتدادها ٤ أمتار فقط بقيمة ١٩٠ ألف وفوق !!

والله لو وافقنا على كل سعر يعرض علينا لوصلت البيوت والأراضي الى أرقام فلكية لن تصلوا اليها أبداً

السبب نحن نرضى بأي سعر يعرض علينا ،، لذا نصيحة لكل أبناء الكويت أن يتوقفوا على الأقل شهرين عن شراء أي عقار وأنظروا الى النتائج كيف ستتغير بأذن الله .

المقاطعه ولمدة شهرين فقط والله ستأتي بنتائج طيبة لكم .

إذا أردتوا أن تعرفوا بأن هناك فعلا خلل بالديرة ،، شوفوا أسعار صفقات البيع الحقيقية من إدارة التوثيق العقاري قبل سنة بالضبط

http://www.moj.gov.kw/RealEstate/census2011/july/3-7-7-7.pdf


أنشروا الموضوع في كل مكان وفي شبكات التواصل الأجتماعي إذا أردتم الفائدة

 

[مدني حر]

والله يابوغانم لا حنا السبب ولاشي السبب احتكار الدوله للاراضي وترك الشركات والمؤسسات الخاصه تضارب بالسكن الخاص لايمكن تجعل الحل هو بمقاطعة الافراد بعدم الشراء منازل لهم يسكنون بها لايقبل هذا الكلام

 

[ابو غانم]

كلام سليم أخي العزيز نعم لايقبل أن نقاطع شراء المنازل بتاتاً وهذا لم أتطرق اليه أبداً .

أنا طلبت وقف الشراء لمدة شهرين فقط لمصلحتنا جميعاً .

 

[q8loving]

لا مو الناس السبب ولا قاله الله...الشعب بحكم الدستور توفر له الرعاية السكنية التي حددها القانون...الحكومة متحيزة وعالمكشوف مع التجار على حساب الضعوف...بل ولا تستحي الحكومة اللي كل يوم قاعدة تكذب وتصرح في الجرايد بأمور ووعود أقل ما يقال عنها هو (ضحك على الذقون) ومستمرة على ذلك وللأسف عشان تردع أي كلام يقال عن عدم انجازها...فلا تلقي باللائمة يا أخي على ناس ينتظرون صدق الحكومة...ولو الحكومة معلمتنا من اول كان وفرنا مية وخمسين دينار كل شهر وشرينا اراضي وخذينا قرض البناء من بنك التسليف من زمان...

 

[مدني حر]

الشهرين لاتسمن ولاتغني من جوع راح يشتغلون عليكم تجار العقار بصفقات الوهميه واساساً المشكله تكمن في قل المعروض وكثرة الطلب توقف شهر شهرين لو سنه العقار قليل والبشر بإزدياد

 

[ابو غانم]

نعم الحكومة متحيزه للتجار في كل أمر يمس مصلحتهم الخاصة وهذا الكلام صحيح ،، ولكن نحن يجب أن يكون لنا دور في ردهم عن أهدافهم ،، والمقاطعة هي أحد الطرق القوية والحضارية التي لايطبقها الشعب الكويتي للأسف .

 

[q8loving]

اخوي بوغانم شلون مقاطعة؟ البضاعة مو شامبو او جبن او لحم الخ...اذا تقصد بالمقاطعة انه نسكن بالخيام اوبيوت الشعر فلازم نستورد ناس ماتعودوا على المكيف والحياة النظيفة

 

[Kaubar]

شنو الحل ملينا الصبر والأجار اكلنا كل كم شهر صاحب العقار يرفع الاجار وين مانروح الذبح شغال
واصحاب القرار عندهم شقه بسويسرا فيلا باسبانيا ااا يخت صافط بمرسى موناكو ناطحت غبار بالديره
غير الشاليه والمزرعه
تهقون بفكر فينا بفكر لو مايفكر بفكر لومايفكر
يالله شباب بفكرلومافكر بفكر لومايفكر بينا

 

[اساهيم]

لو الحكومه سمحت بالبناء فى صباح الاحمد وجابر الاحمد والصليبيخات ووزعت النسيم ومنطقة الدائرى السابع ووصلت الكهرباء لجميع قسائم جابر الاحمد ثق بالله راح ينزل العقار رغما عن انوف التجار ومعاهم المصريين اللي بمكاتب العقارات ..

 

[ابو غانم]

المصيبة إن العقار بالكويت يرتفع شهريا بمعدل ٥ آلاف دينار بدون توقف ،، نحن إذا بحثنا عن البدائل بأنفسنا لأننا يأسنا من الحكومة التي لاتريد أن تحل هذه المشكلة أبدا .

ولكن لو وصلت فكرة المقاطعة لمدة شهرين فقط لاغير الى مجموعة شباب ( ناطرين بيت ) يمكن يتبنون الموضوع أو يشوفون حل .

الحكومة لن تحل المشكلة بوجود التجار الجشعين .

 

[q8_king1]

المشكلة تراكمية من 10 سنوات لم تحلها الحكومة حتي صارت الطلبات فوق 93 الف طلب ..التجار يستغلون حاجة الناس وهذي تجارة ولهم الحق لاكن كل اللوم علي الحكومة الي ماطلت في حل القضية لاكن ابشركم في حملة في تويتر ناطر بيت وفيها من الشباب الي فية الخير والي حاب يساعد علي التغير لاكن مالنا غير الصبر الانة بناء المدن يحتاج اقل شي 4 سنوات

 

[ابو غانم]

على الجميع أن يرفض الشرلء بهذه الأسعار وأن يجبروا أصحاب العقار على العودة للأسعار المعقولة التي كانت للأسف قبل أشهر وليست من سنين ،، موكل مايعرض عليكم توافقون عليه ،، يجب علينا أن نتعاون على هذه الفئة التي أكلت الشعب الكويتي وقضت عليه ،، والحكومة لامشاريع جديدة وأرتفاع دون رقابة والشعب مديون وكله قروض !!!!

في جميع الدول إذا أرتفع العقار تكون النسبة ٢ أو ٤ بالمية فقط كل كم سنه ،، ونحن بالكويت يرتفع العقار ٧٠ بالمية في ٤ شهور فقط !!!

 

[q8_king1]

سبب الزيادة الكبيرة هي زيادة الرواتب معة كل زيادة في الرواتب في زيادة في الاسعار المدرسين رواتبهم علي 1200 وموظفين البترول 1800 والمعروض قليل

 

[ابرك الساعات]

الناس شتبيهم يسوون؟ قاعد يدفعلي اجار 700 دينار.....تكفه جم يبقى من معاشه؟ لا المشكله وين تبي تلقى اجار...روح دور تعجز وانت ما لقيت....بالواسطه عن طريق معرفه ويالله يالله...انا اعرف معاريس مو لاقين شقه كل ما طق باب قاله ب350 والا 400.........وين يسكن يعني؟......تدري وين؟ لازم يسكن بعمارة احد التجار ويدفع 250 او 300 ..وهذا اللي يبونه لان بانين عماير يبونك تسكن فيها غصب عليك

الحكومه راضخه للتجار.....والا اخوي طلبه من سنة 96 لي الحين ما حاشه الدور...اخر شي قالوله صباح الاحمد تبي والا انطر.......شسالفه؟ لي متى؟ انزين صباح الاحمد اللي خذوا فيها بيصير لهم سنتين ما بنو ولا قادرين يبنون....يا جماعه البلد فيها مشكله اسكانيه عظيمه والنواب المشكله لاهين بالقبيضه وكأنه من زمان ما عندنا قبيضه؟ انزين طالب لنا بالسكن...خلها القضيه الاولى وخل القبيضه القضيه الثانيه...اللي قاعد تهايط في هالقضيه وسوف تنحرهم...لا شفناك نحرتهم ولا علمتنا براعي اليوكن ولا هشيت ولا نشيت بس هياط بهياط ومضيع على البلد مليارات و داو كيمكال والفحم المكلنس والمصفاه الرابعه....يا اخوي يا ليتك ساكت احسن


الحكومه والنواب اهم السبب في ارتفاع الاسعار واهم السبب في عدم توفير مسكن للكويتيين....أتحدا اي واحد بالكويت يحصل سكن ب150 دينار....واذا لعايله اتحداه يلقى حتى ب500 او 600...الحكومه تحتاج تعديلات جذريه كثيره....بس المشكله اللي تخلينا ننقهر ان النواب ساكتين او قاعد يملطشون الحكومه على قضايا لا تهم المواطن


السكن يا جماعه ارهق الناس ولا قادرين عليه....وزعوا مناطق حلونا ما صارت...وين نسكن يعني؟ بالشارع؟ ما نبي عماره لا تذلونا يا قوم....نبي بيت نسكن فيه حرام عليكم...الواحد يطق عمره ال40 ما طلع بيته...بالله متى بتعطونه بيت؟ لما يخرف؟

 

[ابو غانم]

الزبدة ,, أياكم والشراء بهذه الأسعار الحالية .

أرفضوا لأسعار وبينوا للعالم أنكم رافضين لها .. وأرغموهم على تنزيل الأسعار .

لنتعاون جميعا

 

[ابرك الساعات]

اوكي يا بو غانم تمون علينا حاضرين................بو غانم اللي يسمعك يقول نقدر نشتري تكفه في احد يقدر يشتري؟

 

[مدني حر]

جزاك الله خير يابوغانم تصدق ماراح احد ياخذ بكلامك لان الي يملك فلوس راح يشتري وماهو ناطر واما الباقي مرغماً اخاك لابطل والله يعين وتنحل المشكله الاسكانيه

 

[q8_king1]

حملة ناطر بيت علي تويتر تناشد الحكومة الاسراع في حل تراكم الطلبات وتنادي الي الاعتصام في ساحة الارادة في حالة عدم تحقيق مطالبها @na6er_bait

 

[ابرك الساعات]

خوش حمله نتمنى لهم التوفيق

 

[kont]

السلام عليكم ورحمة الله وبركاته
اخواني الافاضل

الحل الوحيد بزمن الفوضه ان تطلع مجموعه كبيره للمظاهره السلميه لتوصيل هذي القضيه لابو الجميع امير البلاد والله قضيه الاسكان افه.
دمرت الكل مكاتب العقار. عباره عن وسطاء يعرضون الي يلاقونه ومالهم سلطه علي تحديد سعر البيع لكن انتم يامشترين لكم سلطه. لما الكل يرفض. الشرا والكل يطالب بوضع سقف اعلا للاسعار ويكون البيع عن طريق مقيمين عقارين ويتحدد قيمه العقار علي شان يجبر المالك علي سعر معين لعقاره
اما يغبل اما يرفض
اما ان تكون سمردحه كل شخص بكيفه يعرض السعر الي يبيه ولا الموضه الجديده البيت علي السوم وكل ماجاب سعر قال قريب. هذي مهزله من المفترض ان نحاسب فيها اولا نوابنا الي رشحناهم لمجلس الامه لان اهم عباره عن صوتنا عند الحكومه وبيدهم جزئ من القرار
ان كنتم فعلا تبوون تحلون المشكله اولا ابدؤووو بنوابكم فهموهم وحاسبوهم والمظاهرات السلميه حق للجميع حق للجميع
هذي وجهت نظري