ليش مايكون فيه موقع علي الانترنت اقدر اطلع علي محفظتي منه ؟؟

[kuwait2world]

لازم تتصل علي المحاسبه وضغط عليهم وينتهي دوامهم بعد الاقفال بنص ساعه

موقع وقاعدة بيانات وكل واحد يشوف محفظته متى مايبي وممكن اتضيف لها خدمة الحسابات يعني كل مايشتري سهم يدخله وينحسب له العموله والسيوله وعدد الاسهم

وعند البيع يحسب الربحية او الخساره لاسمح الله وتقدر تدخل عليها عن طريق رقم التداول ورقم سري ....

لازم يكون فيه تطور بالخدمات ...

 

[Q8 Stock]

السلام عليكم

انا اتداول عن طريقة بنك الاوسط
واقدر ادخل للمحفظه
واشوف عدد الاسهم و الكاش
ويحسب لك قيمة الاسهم لآخ اقفال
وتقدر تشوف الخسارة الغير محققه والخساره المحقق
واتابع متى تمت اول صفقه لك
ووووو
اعتقد الخدمه مثلها للأوسط

 

[بو بندر]

الله يعطيك العافيه
انا كنت اعاني مثلك تماما انك عايم ماتدري عن احسابك الا ثاني يوم حتي ماتدري جم العموله بس الحمد لله الحين اتداول بالاوسط حدي مرتاح من الدلال او زحمة السوق واللغوه الزايده باعلي غلط شرالي سهم غلط لا تسويات ولا هم يحزنون انا دلال نفسي ادخل الامر الي ابيه واركد لي
او اي وقت ادش علي المحفضه مالتي بلاوسط واشوف كل شي حتي العمولات
والربح والخساره او متوسط السعر
انصحك بالاوسط والله احسلك ابواجد


هذي نصيحتي والامر راجعلك

 

[ابو غانم]

ياعزيزي أنا أقعد بالديوانية وعندي خوش رطيبات وقهوه وشاي واللاب توب عندي وأشوف كل شي قدامي محفظتي وأسهمي وأبيع وأشتري بدون اي تلفون او مشاكل تذكر طبع عن طريق الاوسط .

 

[سيف العشق]

السلام عليكم شلونكم شباب

شباب انا سجلت بشركة الاوسط بس تعقدت بالاوامر وطبعا اذا كلمتهم ( يقطعون قلبي على مايردون ) يقولون لي حنا مالنا شغل انت اللي اشتر وانت اللي تبيع يقولون بس اللي علينا نتمم العمليه وانا مشكلتي عليمي رحم الله امرن عرف قدر نفسه مافيها شيء بس ياليت واحد يعلمني شلون اشتري الاسهم عن طريق الاوسط واكون شاكرله والله

 

[بو بندر]

اخي العزيز
انتا معتبرها مشكله ترا محد طلع من بطن امه عالم
الشغله يبلها ممارسه بس و البرنامج جدا بسيط وللاستفاده اكثر
ادخل منتدي الاوسط ابنفس هذا المنتدي واتشوف طرق التداول خطوه ابخطوه او لو عندك اي استفسار بيردون عليك لانه هذي منتدي الشركه انا ابصراحه استفدت منه حيل وضحلي امور واااااااااجد

 

[kuwait2world]

ياشباب الاوسط عن طريق النت مأخوذ خيره لي طاح السوق او شلع ماشتغل متي راح يفيدني ؟؟

انا كنت اقصد انه موقع البورصه يقدم هذي الخدمه لكل المتداولين

 

[سيف العشق]

يعطيكم العافيه ومشكور اخوي متداول الاوسط على ارشادك

 

[Q8 Stock]

ياشباب الاوسط عن طريق النت مأخوذ خيره لي طاح السوق او شلع ماشتغل متي راح يفيدني ؟؟

انا كنت اقصد انه موقع البورصه يقدم هذي الخدمه لكل المتداولين

السلام عليكم

بس انت يا عزيزي ذكرت المحفظه ما ذكرت التداول
تقدر اتابع محفظتك قبل لا يفتح السوق او بعد ما يغلق
علشان تحط لك احتمالات اذا صعد واذا نزل
وتعرف متى توقف خسارتك لا سمح الله
وبجذي تقدر اتدير محفظتك وتعرف الارباح

وفي برامج مسوينها الاخوان حق المحفظه
كل شي فيها يدوي
يعني
اسم الشركه وتاريخ الشراء والكميه وعدد الاسهم
تقدر تستفيد من البرنامج حق المحفظه

http://www.indexsignal.com/vb/showthread.php?t=27953

 

[بو بندر]

ياشباب الاوسط عن طريق النت مأخوذ خيره لي طاح السوق او شلع ماشتغل متي راح يفيدني ؟؟

انا كنت اقصد انه موقع البورصه يقدم هذي الخدمه لكل المتداولين

حبيب قلبي تفائلو بالخير تجدوه

اشدعوا الدلال حزتها برد عليك او تلحق اتبيع ترا منت بالسوق ابروحك
حنا قدمنا لك نصيحه وانتا ابكيفك

لو ابتنطر البورصه انسويه انطر بعد عشرين سنه

 

[ChuCky]

ياشباب الاوسط عن طريق النت مأخوذ خيره لي طاح السوق او شلع ماشتغل متي راح يفيدني ؟؟

انا كنت اقصد انه موقع البورصه يقدم هذي الخدمه لكل المتداولين

سايت البورصه في محفظتي !!
تقدر تجربها

 

[kuwait2world]

يعطيكم العافيه اخواني علي المشاركه

انا اقصد الاطلاع على بياناتي الموجوده عند الوسيط يعني تم امر الشراء او البيع او لا

يعني الامر مايصير يدوي ...

وبخصوص محفضتي الموجوده في سايت البورصه انا اللي لازم احط البيانات وماتعمل حساب نسبة العمولة