سؤال لاهل الميتا ستوك

[Day_trading]

سؤال مثلن انا ابي اعرف حركة سهم فى سوق مصر مثلن وعندى اقفالات السهم لمدة ست اشهر شنو اسوي عشان اقدر اخلى الميتا ستوك يقراها الله يخليكم اللى يبي يشرح يحط فى بالة ان اللى قدامة عليمي يعني حبة حبة

 

[CHART TRADER]

هلا بو راشد ... أشلونك


هالموضوع كاتبه الاخ مؤشراتي في موضوع ..

بس ما أدري وين الموضوع


تحياتي لك ...

 

[Day_trading]

مال مؤشراتي صعب على شوي ابيلي واحد يشقطبني وهو واقف

 

[Day_trading]

شدعوه نص اللى بالمنتدي يعرفون الاجابة والا مانستاهل احد يرد علينا

 

[Q8 Stock]

السلام عليكم

بسيطه اخوي
بعطيك مثال بسيط
اكيد الميتا ستوك يحتاج
Open الافتتاح
High أعلى
Low أدنى
Valume الكمية

تفتح برنامج الاكسل
وتسوي مثل التقسميه المرفقه
TICKER اسم الشركه
DATE التاريخ
OPEN
HIGH
LOW
VOLUME
وتكتب اسم الشركه في TICKER
مع تكرارها في كل الجدول
مثلا التاريخ 1/1/2005 الى 28/8/2005
وتكمل باقي البيانات
وان شاء الله
قدرت اوصل لك المعلومه الصحيح

وللعلم موضوعك قريته الصبح
بس كان باقي دقايق على افتتاح السوق
علشان جذي قلت ارد عليك بعدين

 

[user76]

على فكره شباب في نقطه مهمه في السوق المصري لازم تنتبهون لها اذا ما ني غلطان الاقفال لا يعتمد على اخر صفقه

 

[Day_trading]

السلام عليكم

بسيطه اخوي
بعطيك مثال بسيط
اكيد الميتا ستوك يحتاج
Open الافتتاح
High أعلى
Low أدنى
Valume الكمية

تفتح برنامج الاكسل
وتسوي مثل التقسميه المرفقه
TICKER اسم الشركه
DATE التاريخ
OPEN
HIGH
LOW
VOLUME
وتكتب اسم الشركه في TICKER
مع تكرارها في كل الجدول
مثلا التاريخ 1/1/2005 الى 28/8/2005
وتكمل باقي البيانات
وان شاء الله
قدرت اوصل لك المعلومه الصحيح

وللعلم موضوعك قريته الصبح
بس كان باقي دقايق على افتتاح السوق
علشان جذي قلت ارد عليك بعدين

مشكور اخى الكريم دعبور يعني مثلن الاوسط مافى فى الاقفالات حسب شرح الاخ مؤشراتى رمز الشركة وانت حاط جدول فيه رمز الشركة ولاكن فيه عدد الصفقات شرايك ارفعلك الموضوع يوم الاربعاء وتتمخخ عليه شوي وتفهم اخوك المسلم شوف لما نسخت الاقفالات فى موقع الاوسط شلون طلعلى

 

[Q8 Stock]

السلام عليكم

على راحتك اخوي
خلنا انتناقش اشوي
عشان انت تستفيد وانا استفيد وغيرنا يستفيد
وانا معاك لين ما تعرف الطريقه

انت ركز باللي قلت لك فوق
الميتاستوك يحتاج
الافتتاح والاعلى والادنى والاغلاق والكمية
واللي اخذته من الاوسط
احذف القوائم الغير مطلوبه
يعني من الصوره اللي انت رافقها
نحتاج منها
Open Price
High Price
Low Price
Close Price
Valume
والباقي نحذفهم من الجدول
بالضغط على الحرف من فوق مثلا
قائمة Number شوف فوقها ترقي حرف G
اضغط عليه وكليك يمين وختار حذف Delete
ونفس الشي للباقي
انا طلب منك انك تضيف
TICKER اسم الشركه
علشان الميتاستوك يسوي ملف خاص للشركه
ولازم تكتب رمز خاص فيها علشان تقدر تحدث البيانات
ويكون في قائمة منفرده مثل اللي سويته لك بالضبط
في الرد السابق

اختصر في الاكسل لرمز الشركه
يعني اكتب لك عشر مرات اسم الشركه
وبعدها ظللها وسو لها نسخ Copy
وبعدها اضغط على الكيبورد مع بعض CTRL + V
وبجذي تقدر تلصق اسرع من تكتب الرمز في كل قائمة

ان شاء الله
فهمت علي
واذا في استفسار انا بالخدمه
بس ترى اخوك مو خبره في الاكسل
بس اعرف اقزر حالي فيه

 

[سهم السنه]

صحيح اخوي السوق المصري يعتمد علي المتوسط في الاقفال وهذا الشي ممتاز للي يجربه

مثلا احسب متوسط اسعار سهم لمدة عشر ايام وراح تشوف شي يعجبك للسهم وتبين حركته بشكل 80%وشكرا

اخوي

Da3BoOR

يعطيكم العافيه

 

[Day_trading]

مشكور ياخوان والله يعطيكم العافية

 

[بو صالح]

السلام عليكم

بوراشد لك رساله بالخاص