أكتتبت في دانا غاز ... اقولك شتسوي .. آخر الأخبار

[سوق واجف]

السلام عليكم

طبعا الحمدلله على سلامتي

راح اقولكم كل شي من طأطأ لي سلام عليكو ....

الأثنين تاريخ 19-9-2005

الإقلاع بتوقيت الكويت الساعه 6.25

الجهة : مطار الشارقه الدولي

الوصول بتوقيت الشارقه 9 مساءا

على متن خطوط طيران العربية
_________________________________

قعدت الصبح تاريخ 20-9-2005 يوم الإكتتاب

طبعا طق عصي والبنوك زحمة

بغيت افتح حساب علشان أودع المبلغ فيه

طبعا كل بنك قام يفتي على مخي

بنك ابوظبي الأسلامي قالي فتح الحسابات موقف حاليا إلى بعد الأكتتاب

بعض البنوك الأخرى قالولي نفتحلك بس ييبلنا شهادت راتب

قتلهم انا مو عايش بالإمارات قالولي مايصير لازم موظف
______________________________________-

طبعا في طريقتين

انا أكتتبت في بنك المشرق .. وأعتقد باجي البنوك نفس الطريقه

الطريقه الأولى بنك المشرق قالولي من غير فتح حساب

تقدر تعطينه المبلغ واحنه انصدرلك شيك حق دانا غاز

الطريقه الثانيه إللي انا سويتها

حطيت المبلغ في حساب صديقي بالإمارات وصدرولي شيك حق دانا غاز لكن

ينخصم من رصيد صاحبي.
________________________________________-

مدير الإكتتاب إللي اهو مركز الأوراق المالي 0097143436060

من داخل الإمارات 043436060

شركة تابعه لبنك الإمارات

قالولي أن التوكيلات موقفينها .. لكن حق الزوجه والأخوان يصير من غير توكيل

لكن لازم حضور الجواز الأصلي ... وانا خذيت جواز زوجتي الأصلي معاي

بنك الإمارات يمشيها لك لكن البنوك الثانيه لمن اتقولهم أن مدير الإكتتاب

قال عادي يقولون لك هذي قوانين البنك مايصير

يعني أي أستفسار عندك ودقيت على مركز الأوراق المالي وردوّا عليك

بأي شي بنك الإمارات تمشي عنده المعاملات والقوانين اليديده مالت الإكتتاب

لإن مركز الأوراق المالي شركة تابعه بنك الإمارات

أما باجي البنوك كله يقولون مايصير وكل بنك يفتي على كيفه وقوانينهم معقده

_________________________________

الخليجيين يقدرون يكتتبون بالشريحتين

بس مره رحت بنك سمعتهم يقولون الخليجيين يكتتبون بالشريحه الأولى

انت راح تسمع حجي وايد هناك وكل واحد يفتي على مزاجه

بس المهم أن أي شي يصير معاك أتدق على مركز الأوراق المالي

انا أشكثر دقيت عليهم وفادوني والله ...
__________________________________

البنوك تفتح الساعه 8 .. انت طبعا روح قبل الثمان

لإني أول يوم الأكتتاب رحت الساعه 9 طق عصي ماقدرت اكتتب

هم نفس الشي ثاني يوم رحت متأخر هم طق عصي طبعا هذا بنك الإمارات

آخر شي أكتتبت في بنك المشرق إللي بالشارقه شارع الملك عبالعزيز

ماطولت 5 دقايق ..... لكني أكتتبت حقي بس ماأكتتبت حق زوجتي

لإن هالبنك مايقبل التوكيلات .. ولازم حضور الشخص نفسه

لو رايح بنك الإمارات جان مشوها لي لكن زحمه وبيني وبينكم زهقت
_________________________________________

مركز الأوراق المالي قالي أن التوكيلات وقفت لإن في ناس أييبون توكيلات

من ربعهم وأصدقائهم ..

قتلهم انا بكتتب حق زوجتي قالولي الزوجه والأخوان والأم والأب مايحتاج توكيل

لكن لازم حضور الجواز الأصلي

قبل لا تروح تأكد من كل شي ودق على مركز الأوراق المالي مثل ما آنا سويت
_______________________________________

أي أستفسار انا حاضر بس قبل لا تسأل راجع هالرابط

أضغط هنا

 

[عذبي1]

حمدالله على السلامه والف الف شكر
وبالنسبه لاسالتي راح اتعبك شوي
لاكن مو الحين بعد شوي اوكي

 

[Wise]

ما ادري صحيح اللي سمعناه بخصوص ..... ان الشركه راح تدرج بعد سنتين ؟

 

[الفارس_Q8]

الحمدلله على السلامه 000اشرايك اللي يبي يكتتب برا الشارقه وابو ظبي ودبي 00مثلا راس الخيمه مو احسن وشنو البنوك اللي تقبل التوكيلات من الاهل والاصدقاء

 

[shark66]

مشكور وماقصرت
بس لوسمحت شنو تنصحنا ناحذ كاش معانا او كي نت كافي
واي بنك
والعنوان اذا سمحت

 

[صاعد نازل]

اولا الحمد لله على السلامه
وثانيا انا متجه الى ابو ظبى ( ما ادرى اذا عندك علم بالنسبه لضغط هناك كبير ول لا )
وللأخ عالمكشوف اقول ان قابلو واحد من مسؤولى الشركة وقال متوقع ادراج الشركة فى البورصه يتراوح من 3 شهور لسنتين ( بورصة ابوظبى )

وايضا قال المتوقع ان الاكتتاب يغطى 50 مره
وان الشريحة الثانيه المتوقع ان يصفى لمكتتب 75000 عدد اسهم يتراوح بين
5000 ~ 7000 سهم

 

[برق الشرق]

بصراحه:

الاكتتاب محرز إلى هالدرجة يعني سفر وفندق ومداحم مع خلق الله!
عندي انطباع ان الاكتتاب اذا صارت عليه زحمة بهالصورة الفظيعة مارح ينوب المساهمين الا حفنة قليلة جدا!!

كبّر الوسادة
وش لك بالغاز وسنينه!!

تحياتي للغازيين جميعا

 

[سوق واجف]

السلام عليكم ورحمة الله وبركاته

شباب أسئلتكم

متى راح يندرج بالبورصه

آخذ كاش ولا كي نت

أعتقد أسئله متكرره

وثانيا مالها علاقه بالموضوع

انا ذكرت أشلون طريقة الدفع .. وذكرت عنوان البنك إللي أكتتبت فيه

علشان أييني واحد ويقولي عطني العنوان

انا ادري أن في شباب بس يقرون عنوان الموضوع يدخل ويكتب تعليق من غير مايقره ولا كلمة

شباب انا أعتذر عن الرد عن أي أستفسار وسامحوني

لإن مو أول مره اتصير معاي أييني واحد يسأل سؤال وإجابته موجوده

بالموضوع

شباب غير الكلام إللي انا كتبته ماعندي شي أضيفه

انا قلت قبل لا أحد يسأل يزور الرابط إللي انا حطيته في نهاية الموضوع

في الأسئله إللي انتوا سألتوها

 

[سعود222]

الله يعطيك العافيه اخوي وكفييت ووفيت ومشكور

 

[MONEY ON FIRE]

يعطيك العافية اخوي سوق واجف والحمدلله على السلامة..
كنا ناطرينك ترجع لنا بالاخبار الطيبة..
الحين انت قلت ان بنك الامارات يقبل اكتتاب الزوجه والاخوان بدون توكيل صح..يعني انا اذا رحت راح اروح هالبنك علاطول انشاللة مع انة عندي توكيل عن زوجتي وعن اخواني مادام انك تقول سهالات...
انزين بسألك سؤال لوتكرمت..ادري ان بنوكهم وايد واساميهم تقريبا متشابهه بس بعرف شنو البنوك الللي مريتها؟؟؟؟؟ وهل البنك العربي المتحد وبنك دبي الاسلامي من ضمنهم؟؟؟؟؟
وشاكرلك على مجهودك
وموفق.

 

[bolbanat]

بنوك الاكتتاب
1. بنك أبوظبي الإسلامي

الفرع الرئيسي (أبوظبي) – العين – ديره، دبي – الشارقة – الفجيرة – مدينة زايد – الخالدية للرجال – الخالدية للنساء – راس الخيمة – بانياس – شارع الشيخ زايد – شارع الشيخ خليفه – دبّه – عجمان – المصفح
عناوين الفروع

2. بنك أبوظبي التجاري

منطقة النادي السياحي (أبوظبي) – الكرامة (دبي) – الفرع الرئيسي (العين) – الفرع الرئيسي (الشارقة)
عناوين الفروع

3. بنك الإتحاد الوطني

جبل علي – شارع الشيخ زايد – شارع خالد بن الوليد – شارع المكتوم – فرع الديره الرئيسي – البستان – فرع الشارقة – الرشيدية – فرع الملك عبد العزيز (الشارقة) – عجمان – راس الخيمة – الفجيرة
عناوين الفروع

4. بنك الخليج الأول

السلام (أبو ظبي) – الكورنيش (أبو ظبي) – دبي – عجمان – العين – الشارقة – سنايا، العين – الخالدية – عجمان (مركز المدينة – الشارقة (البحيرة) – الفجيرة
عناوين الفروع

5. بنك المشرق

فرع العين الرئيسي – هور العنز (دبي) – عجمان – راس الخيمة - فرع الملك عبد العزيز (الشارقة) – شارع إلكترا (أبوظبي) – فرع الشارقة الرئيسي – الرقة (دبي) – جميره (دبي) – السلام (أبوظبي)
عناوين الفروع

6. بنك دبي الإسلامي

الفرع الرئيسي (دبي) – السوق – أبو ظبي – العين – راس الخيمة – الفجيرة – الشارقة – بانياس – عجمان – شارع السلام – بر دبي – فرع الجميرة للسيدات – ند الشبا – مركز العين التجاري – خرفقان – شارع الشيخ زايد – شارع الوسيط – الدهيب – البرشاء – فرع الخالدية للسيدات – أم القيوان – فرع الشارقة للسيدات – مدينة دبي للإنترنت
عناوين الفروع

7. مصرف HSBC

أبوظبي – العين – دبي – الديره – جبل علي – الشارقة – راس الخيمة – الفجيرة – إبن بطوطة – العطار
عناوين الفروع

8. بنك الإمارات الدولي

بنك الإمارات للخدمات المالية – القصيص – المنخول – النجده (أبوظبي) – الشارقة – رأس الخيمة – الفجيرة
عناوين الفروع

9. بنك الشارقة

الشارقة – دبي – أبوظبي
عناوين الفروع

10. البنك العربي المتحد

أبوظبي – الشارقة – الوحدة – الديرة – شارع الشيخ زايد – جبل علي – رأس الخيمة – العين – عجمان
عناوين الفروع




--------------------------------------------------------------------------------


البنوك التي تقبل الطلبات بالبريد السريع

1. بنك دبي الإسلامي
www.alislami.ae

 

[سيزر كويتى]

السلام عليكم والحمدالله على سلامه

اول شئ معنى اخذ جوزات اخوانى ؟ بدون توكيل عادى يمشئ اناشالله يمشئ واذا صادونى المطار وقالو انته مهرب جوزات ترى ابذبحك

 

[mutiran]

عودا حميدا

ياللله الحمدلله على السلامه نور المنتدى برجوعك يا سوق واجف-------سلامة الاسفار

 

[كارتير]

الحمدلله على السلامه
انا بس انا رايح لبنك التمويل بكره وبساله عن طريقه الاكتتاب عن طريقهم
وارد لكم الخبر انشاءالله
ومشكور على كل حال

 

[نوط بو 1000]

السلام عليكم ورحمة الله وبركاته

شباب أسئلتكم

متى راح يندرج بالبورصه

آخذ كاش ولا كي نت

أعتقد أسئله متكرره

وثانيا مالها علاقه بالموضوع

انا ذكرت أشلون طريقة الدفع .. وذكرت عنوان البنك إللي أكتتبت فيه

علشان أييني واحد ويقولي عطني العنوان

انا ادري أن في شباب بس يقرون عنوان الموضوع يدخل ويكتب تعليق من غير مايقره ولا كلمة

شباب انا أعتذر عن الرد عن أي أستفسار وسامحوني

لإن مو أول مره اتصير معاي أييني واحد يسأل سؤال وإجابته موجوده

بالموضوع

شباب غير الكلام إللي انا كتبته ماعندي شي أضيفه

انا قلت قبل لا أحد يسأل يزور الرابط إللي انا حطيته في نهاية الموضوع

في الأسئله إللي انتوا سألتوها

اخوي سوق واجف اول شي الحمدلله عالسلامه

ثانيا شفيك ياخوي صاير جبريت ما تتفاهم..؟!

في ناس فهمها على قدها و ما تستوعب بسرعه

إحنا شنو ذنبنا تعصب علينا بسببهم..؟!

ياخي اذا في سؤال مكرر او مو عاجبك لا تجاوبه

لكن في ناس قاعده تسال أسأله جيده حرام تظلمهم

اتمنى ما تبخل علينا بمعلوماتك و لك الاجر ان شاء الله

 

[bigbin78]

اول شي صباح الخير علي الجميع
يا جماعة انا شايف ان الموضوع كل مالة يتعقد في ناس تقول التوكيلات ممنوعه وفي ناس تقول التوكيلات ماشيه وفي ناس ماتدري الله وين غاطها
المهم توني اتصلت علي مدير الاكتتاب مصرف hsbc
وقالي بالحرف الواحد حنه قبل يومين كنا نبي توكيلات بس ألحين التوكيلات واقفه
بس تقدر تكتتب حق زوجتك وعيالك فوق 21 سنة وأخوانك بدون توكيل بس انك اتجيب معاك الجوازات الاصلية مع نموذج طلب الاكتتاب من الانترنت وتعبية ويوقع عليه صاحب الجواز
واكدة علي لازم يوقعون علي نموذج الاكتتاب وله راح نرد الطلب وما نستقبل الطلب
يعني بالمقتصر المفيد يبون نجيب معانه
1 - الجوازات الاصلية حق الاب والام والاخوان والزوجه
2- طلب نموذج الاكتتاب موقع عليه من صاحب العلاقه تسحبه من الانترنت

والله ولي التوفيق

 

[الجبل الصامد]

السلام عليكم ورحمة الله وبركاتة .... الامور بدات تتعقد والاخبار تتضارب والاسهم قليلة من وجهة نظري ان العملية ما تستاهل اذا سوف يخرج لنا (500-1000) سهم حتي لو اكثر اذا كنت تبي تستثمر انتظرها حتي تنزل السوق واشترها بالكميات التي تريدها لان بهذة الكمية الصغيرة من الاسهم المستفيد الاول هم (الفنادق-المجمعات التجارية-المطاعم -الطيران-التكاسي ) صراحة الاماراتيين اذكياء.

 

[Next_Kw]

السلام عليكم ورحمة الله وبركاتة .... الامور بدات تتعقد والاخبار تتضارب والاسهم قليلة من وجهة نظري ان العملية ما تستاهل اذا سوف يخرج لنا (500-1000) سهم حتي لو اكثر اذا كنت تبي تستثمر انتظرها حتي تنزل السوق واشترها بالكميات التي تريدها لان بهذة الكمية الصغيرة من الاسهم المستفيد الاول هم (الفنادق-المجمعات التجارية-المطاعم -الطيران-التكاسي ) صراحة الاماراتيين اذكياء.

المشكله بالتخبط اللي صاير ،، ناس يقولون التوكيل يمشي وناس يقولون لا ،، وناس يقولون مو لازم توكيل // دخنا// انا إتصلت على بنك أبو ظبي (0097126442172) وقالوا لا نقبل التوكيلات ولازم حضور الشخص نفسه قلتله كل البنوك ولا بس انتم يقول كلهم . وأتصلت على بنك الشارقه (0097165694411) ونفس الكلام. أما بنك دبي الاسلامي فللاسف يحولني موظف البداله للموظفين مشغولين ومدير الفرع مايرد. والرقم (0097142953000) .
وفي واحد يقول واحد من ربعه اكتتب في البنك العربي المتحد بتوكيل مع الجوازات الأصليه وبطاقات الأصليه ، وأتصلت عليهم ما احد يرد (009765118527) .

اخر شي بصراحه بغض النظر عن هالآكتتاب اللي يدوخ وبعد يقولون حتى سكن مافي وزحمه ودوخه راس.

وسلامتكم.

 

[مراقب الاسهم]

السلام عليكم ورحمه الله

اخواني


المثل يقول (وش لك بالبحر واهوله وارزاق الله عالسيف )

والعراقي اللي مسكوه امن الحدود يقول (امس العصر دجيب وياليتني مادجيب )

اكتتاب دانه غاز دوخه راس وهرج ومرج والبنوك اللي هناك منتهزه الفرصه
بنك يقول افتح حساب عندنا ب 50 الف درهم وبنك يقول اقبل توكيل وبنك لا اقبل مع ان بالقانون اذا التوكيل مصدق ومستوفي الشروط والرسوم ومختوم عليه من جميع الجهات المعنيه لا يحق لاى شخص اعتباري رفضه
ولكن الحاصل ان الاخوان الخليجيين وبالذات السعوديين والكويتين ماخذ توكيل على مستوي (القبيله والجيران والعمل) مما يؤدي الى تغطيه نسبه كبيره من الاسهم الطروحه للاكتتاب قد تصل الى مليون مكتتب بالتالي تصبح العمليه نسبه وتناسب حتي على اقل شرحيه 3000سهم وهاذا لايريده
القائمين على الاكتتاب (ولو تلاحظون ماقاله البنك المدير قبل فتح الاكتتاب بأن نظمن 100% 3000 سهم لكل مكتتب وانا شخصيا سمعت هذا الكلام عن طريق الاتصال بهم ولكن الان الوضع تغير بعد التوكيلات) لذلك منعوها

ونقلا عن صحيفه سعوديه وعن منتدي سعودي
ان هناك قوافل من المستثمرين السعوديين متجهه الى الامارات برا بعد عدم تمكنهم من حجوازات طيران الي دبي من جده والدمام قبل يوم 29 الجاري ومن الرياض 30 الجاري وتم تسير لرحله اضافيه حيث بلغ عدد الرحلات 4 رحلات يوميا من جده والرياض والدمام تستوعب اكثر من 1000 راكب يوميا مستغلين عطله اليوم الوطني بالمملكه
وهاذا الرابطhttp://www.alibabaa.com/vb20/showthread.php?t=48009


اذا الوضع كله لعوزه ودخوه راس ومصاريف فندق وتكسي وطيران وكرت اتصال دولي وزحمه ودجه قوانين وتضارب اقوال
والزرق موجود بكل مكان والله يوفق الله اكتتب واللي ماكتتب
ويرزقهم الرزق الحلال ويبعدهم عن الحرام


(وعقلك براسك تعرف خلاصك)

 

[S500]

الحمدلله على السلامه يا سوق واجف هذا اول شي

بعدين وسع صدرك يا خوي السالفه فيها دراهم يا بعد جبدي

المهم شوف السؤال الصعب

الاول النموذج اللي بالرابط المرفق هل هو النموذج اللي انت اكتتبت فيه او ان الي بالبنوك عندهم غير؟

واذا كان غير هل استطيع ان املي البيانات كامله في هذا النموذج وأطبعه بالكويت واخذه معي ويقبلونه او لا؟

ممكن بس اتأكدلي ان الاب والام والاخوان استطيع ان اكتتب عنهم بدون حضورهم والجوازات الاصليه تكفي؟


http://www.ektetab.ae/PWS/index.jsp?changeLocale=Arabic