كيف تاخذ ميراثها من اخوانها؟

[Righterette]

السلام عليكم ..
وحدة من قريباتي توفت والدتها ...واخوانها خذوا بطاقتها المدنية علشان يسوون اجراءت التركة ..
بس مرت أشهر وما عطوها شي !! وشكلهم يماطلون ..وما قاعدين يقولون لها شنو صار .. وهي شاكة

فبعرف ... شنو الاجراءت اللي تتم في حالة الوفاة؟
يعني يطلعون قسام شرعي وحصر ورثة .. وبعدين؟

يقدرون الاخوة يالكون نصيبها ؟ ولا من وين تقدر تستلم ورثها ؟
هل يحطونه لها في وزارة العدل مثلا؟

أظن المتوفية لها فلوس بالبنك بس ... ويمكن لها عقار ..
فشلون الطريقة اللي تتسلم فيها قريبتي نصيبها لو اخوانها كشتوا ؟

علما بأنها تبي تحلها وديا .. وما تبي قضايا وسوالف ... بس تبي تعرف شنهي الخطوات اللي قاعدين يسونها اخوانها علشان تعرف اهمه صاجين ولا قاعدين يماطلونها ؟

وشكرا ..

 

[rahaly]

اذا ما كان عندهم وكالة عنها - لن يتمكنوا من استلام اي شئ عنها

التركة تكون بحسب نوعها
العقار في التسجيل العقاري
البنوك - في البنوك
الاسهم في المقاصة
وهكذا
وكل هذه الجهات تحتاج لحضور الورثة او وكيل عنهم بتوكيل رسمي

 

[Righterette]

شكرا يعطيك ألف عافية.
لأ، ما عندهم وكالة.
انزين، يعني لو للمتوفاة حساب في البنك، لازم كل الورثة يروحون البنك؟ ولازم كلهم في نفس الوقت؟
وبعدين؟ هل يستلم كل واحد نصيبة من البنك مباشرة؟
ولا البنك يحول التركة لوزارة العدل، ويروح كل واحد يستلم نصيبه من هناك؟

وآسفة على كثرة الأسئلة ... ويعطي ألف عافية.

 

[rahaly]

البنوك تتشدد في مثل هذه المسائل
يصدرون شيك لكل واحد من الورثة وكل واحد يستلم شيكه
اي واحد فيهم يقدر يمشي في المعاملة
لكن ما يستلم الشيك عن غيره الا عنده وكالة

 

[ahmadq8]

شكرا يعطيك ألف عافية.
لأ، ما عندهم وكالة.
انزين، يعني لو للمتوفاة حساب في البنك، لازم كل الورثة يروحون البنك؟ ولازم كلهم في نفس الوقت؟
وبعدين؟ هل يستلم كل واحد نصيبة من البنك مباشرة؟
ولا البنك يحول التركة لوزارة العدل، ويروح كل واحد يستلم نصيبه من هناك؟

وآسفة على كثرة الأسئلة ... ويعطي ألف عافية.

بالنسبه لحساب البنك تاخذ البطاقه المدنية وتروح المحكمه مع ورقة حصر الورثه وفي هذ الحاله يعطونها ورقه تروح حق البنك بهذي الورقه البنك يعطيها الرصيد الموجود وترجع حق المحكمه مره ثانيه ويقولون لها تعالي بعد اسبوع وعند المراجعه بعد اسبوع يعطونها كتاب رسمي حق البنك يسلمها نصيبها الشرعي العملية سهله ولا فيها اي شي

 

[Righterette]

مشكوووورين والله يبارك فيكم على المعلومات أخويrahaly واخوي ahmadq8 : )
واعتذر على اني ما رديت في وقتها ..

سؤال بعد اذا تكرمتم :
العقار لو اتفقوا الورثة يبيعونه لمشتري من السوق ...
شلون كل واحد ياخذ حصته ؟
هل ياخذها مثلا بشيك بشكل شخصي من المشتري؟ ويروح يوقع له على البيع في ادارة التسجيل العقاري ؟
ولا الشمتري يودعها في وزارة العدل وكل واحد يستلم نصيبه من هناك؟
ولا شلون؟

علما بان عمل وكالة لأحد الورثة نيابة عن البقية شي غير وارد.

شكرا.