ربحية مركز سلطان للربع الثالث 200 فلس

[كويتي 2005]

يا أخوان هل صحيحة المعلومة أن ربحية مركز سلطان في الربع الثالث 200 فلس

يا ريت إذا أحد عنده خبر يأكد لنا هل المعلومة ، تدرون دايما قبل إعلان ارباح الربع الثالث تتسرب معلومات عن الأرباح .

ياريت تفيدونا إذا طلعت هل المعلومة صحيحة بإذن الله عز وجل ، كم يفترض يكون سعر سهم سلطان

وشكرا

 

[كويتي 2005]

للتذكير

 

[الوطواط]

يا أخوان هل صحيحة المعلومة أن ربحية مركز سلطان في الربع الثالث 200 فلس

يا ريت إذا أحد عنده خبر يأكد لنا هل المعلومة ، تدرون دايما قبل إعلان ارباح الربع الثالث تتسرب معلومات عن الأرباح .

ياريت تفيدونا إذا طلعت هل المعلومة صحيحة بإذن الله عز وجل ، كم يفترض يكون سعر سهم سلطان

وشكرا

اخوي انت لازم قبل لا تنشر المعلومة تفكر شوي
ارباح سلطان بالنصف الاول كله كانت 74 فلس تقريبا
خلنا نقول انها طلعت بالربع الثالث دبل النصف الاول يعني 74 + 74 = 148 فلس
خلنا نقول 150 فلس
يعني 150 هذة فوق الممتاز
اما انت تجي وتقول ارباح الربع الثالث فقط 200 لا هذة وبصراحة ما تتصدق
وياريت لو انك بالمرة القادمة تذكر مصدرك لان بهلفترة يا كثر الاشاعات الي تطلع

 

[كويتي 2005]

انزين الحين انتوا طايحيله نقاش عن اشاعة حول ربحية سهم المخازن ان 100 فلس
هم ناقشوا اشاعة ربحية سلطان يمكن صاحب خبر ربحية المخازن عنده عن ربحية سلطان ويقولنه جم ربحيته خل انقرر من الحين انبيعه او ننطر

بس انا اشوف الاخبار الي من تحت الطاولة حول سلطان والمخازن قلت ليش
وين نبيل وين السهم الأخضر وين الكندري ... الخ وين اصحاب الاخبار الحلوه عن سلطان الي دايما يفرحونه ويعطونه امل عن صعود سهم سلطان

ياريت تطمنونه حول السهم بارك الله فيكم ، تراني من دشيت البورصة اخذت سلطان وماسكة وكل ما ابي ابيعه اخف اني لو انطر جم يوم راح يبدأ صعوده .
يقولون عنتر كان دايما يفوز بلعبة عضم الإيد ومن يهد ايد الثاني قبل ، فسألوه اشلون دايما تفوز ، قال : الشخص الي عاض ايدي وانا عاض ايده اهو لو ناطر اشوي كان انا هديت ايده وفاز لأني انا كنت بفقد صبري ، بس اهو يهد قبلي بثواني فأفوز واطلع انا اكثرهم صبر على تحمل الم عضة الإيد .
فوايد منه يخاف يبيع سهمه ويصير حاله حال خصوم عنتر ، يعني لو يكونون مثل عنتر ويصبرون اشوي فراح تمل المحافظ ويبدأ السهم يصعد
هذي حكمة من تاريخ عنتر حق سوق الأسهم

شرايكم نمشي على نصيحة عنتر ولا شوووووووووووووو

 

[عبدالله2]

والله ما عرفنا

السلام عليكم انا ناوي اشتري السهم السبت بس كلامك خوفني يا خوي والله ما عرفنا ناس يقولون سهم زين وسعره الحين نازل وفرصه للشراء وانت تبي تبيع يا جماعه يا مشرفين يا محللين حللونا سهم سلطان وانا نيتي انشالله اشتري للاستثمار وليس للمضاربه وجزاكم الله خير

 

[leesaeed]

يا أخوان هل صحيحة المعلومة أن ربحية مركز سلطان في الربع الثالث 200 فلس

غيـــــــــــــــر صحيـــــــــــــــــــــــح

أبوسعيد

 

[الوطواط]

السلام عليكم انا ناوي اشتري السهم السبت بس كلامك خوفني يا خوي والله ما عرفنا ناس يقولون سهم زين وسعره الحين نازل وفرصه للشراء وانت تبي تبيع يا جماعه يا مشرفين يا محللين حللونا سهم سلطان وانا نيتي انشالله اشتري للاستثمار وليس للمضاربه وجزاكم الله خير

مادام انك تبي تشتري كاستثمار ماكو اي مشكله
فاختيارك صحيح

 

[الشكر]

الله يعيننا على الاشاعات

.. والله لو كل انسان مايتكلم الا بضمير
ان جان الحين حنا بخير وستين نعمه ..

يااخي اتق الله ... 200 فلس !!!!!!!!!!!!!!!!!!!!

ترا وراك ناس مساكين يقرون شنو تكتبه ومنهم يصدقون على طيب نيه

اتق الله في اخوانك .. ولاتروج اشاعات خيالية

لاحول ولاقوة الابالله...