منو جربها (طيران العربية)

[Day_trading]

منو جرب طيران العربية

 

[دكتور]

انا بصراحه ماجربتها
لاكن ولد عمي سافر عليها اكثر من 10 مرات
يقول طيران ممتاز لاكن ماعندهم أكل يعني مشي حالك

 

[kooonan2002]

حي الله بو راشد.

طيران العربية بين دول الخليج هو طيران ممتاز جدا حيث يحوي طائرات حديثة و أنيقة و مزودة بالتلفاز و وسائل الراحة.

و هي اقتصادية جدا و رخيصة ( 25-50% أقل من باقي شركات الطيران).

و لكن طائراتها التي تنقل خارج دول الخليج هي طائرات قديمة نوعا ما.

بالنسبة للأكل فيتم بيعها في الطائرة بأسعار مناسبة، حوالي دينار واحد للوجبة.

 

[Day_trading]

مشكورين يا اخوان

 

[الوطني2]

احجز عن طريق النت
http://www.jazeeraairways.com/

 

[kooonan2002]

هذا موقع طيران العربية.

http://www.airarabia.com

و لكن يبدو ان طيران الجزيرة الكويتي سيكون منافس قوي لها و الرابط قد وضعه أحد الأخوة في الاعلى و سوف اكتبه مرة ثانية للفائدة.

http://www.jazeeraairways.com

 

[Penny$Maker]

انا جربتها بكل شي بمشاكلهم

السلام عليكم ورحمة الله وبركاته...

يسعد الله مساكم يا شباب


سؤال في محله وعشان تكون الطريقه سليمه وبسيطه

طبعا الحجز يتم عن طريق النت طبعا انا دايم اشتري بالدرهم الاماراتي

وكل ما كان حجزك قبل اسبوع الى قرب موعد الطيارة ب 4 ايام تكون الاسعار اعتيادية أما اذا بعد ياخذون عليك عموله وتشوف السعر اشويه غالي


بالطائره المقاعد جيده جدا وتفي بالغرض اما بالنسبه ماذا تقدم فقط علبة ماء ربع لتر يعني عالطاير تشربه ويبيعون مشروبات غازيه وساخنه وياخذون كل العملات الخليجية ادفع بالدرهم ارخص من الدينار الوجبات من 10 دراهم وفوق على ما اظن بس كانت الوجبات بالنسبه لي اللي اطلبها 20 درهم

طيب في حالة انك شريت التذكره وبكره موعد الطياره وكنسلتها الغيتها يعني تروح عليك فلوس الذهاب (((((((((فانتبه))))))) والعوده تتوقع بيردونها لك انسى يعتبر المبلغ محجوز عليه والى المدة المسموحه وهي سنه كامله والا تروح عليك اذا ما سافرت فيها طبعا اشلون احجز وفلوسي محجوزه سهله يا جماعه تتصل عليهم بالدولة اللي انت فيها

واذا بتغير موعد السفره بياخذون عليك عموله مو اقل من 60 درهم طبعا انا صارت معاي هذي القصه مع الشركة العربيه للطيران واذا تناقشة معاهم حول المبلغ يقولك انت مع الشركة العربيه للطيران

طبعا هذا اذا ساءت الظروف معاهم

اما في الاحوال العاديه لا مشكله بما انك ملتزم بالموعد والحجز والطيران

والله يوفق الجميع

طبعا الدفع يا فيزا او ماستر

 

[S500]

يا جماعه انا حجزت عن طريق النت لكن اشلون اعرف ان الحجز ok

ومن وين اخذ التذاكر

لما حجز عن طريق النت مشيت معاهم خطوه بخطوه لكن الخطوه الرابعه قالوا ادفع بالفيزا

انا ادفع ماعندي مشكله لكن ابعرف حجزي ok او لا

 

[kooonan2002]

تدفع بالفيزا و يعتبر حجزك مؤكدا و لا تحتاج لتأكيده مرة أخرى.

و هناك صفحة سيطلب منك طباعتها تكون عبارة عن التذكرة.

 

[S500]

والله تعقدت من العالم

شلون يقولون ان تذكره عند العربيه رخيصه

انا حجزت عندهم عن طريق النت ودفعت بالفيزا

تدرون بكم

84 دينار
ممكن تفسير للوضع من الشباب اللي جربوها خاصه


كويت شارقه كويت

ويفيدونا بالسعر الله لا يهينكم

 

[kooonan2002]

كلما كان الحجز بوقت مبكر كان ارخص.

و كما يعتمد على عدد المسافرين، فكلما كانت الطائرة ممتلئة كانت التذكرة أغلى.

بالاضافة الى انك انت الذي تختار سعر الرحلة التي يعرضها.

يعني ممكن رحلتين بفرق يوم واحد الى نفس الجهة و هناك فرق يصل الى نصف السعر.

فاختار اليوم التي يكون بها السعر الرخيص.

 

[Day_trading]

انا اليوم حاجز واحد من الربع بسعر 69
s500 اخذ رقم الحجز اللى يطلعلك بعد ماتسوي كل شي دقة برنت وروحلهم فى الفحاحيل اذا ماتعرف عطهم رقم الفيزا والا الماستر اللى حاجز عليها ياشيخ ويدبرونك تدل مكانهم بالسوق اللى يم الكترونيات البابطين من جنوب الراس مكان الغانم القديم

 

[hassankoc]

انا ان شاء الله بجرب الجزيره نهاية الشهر
http://www.jazeeraairways.com