بوادر نقص في بعض السلع الاساسية

[al7bebe]

اليوم دزيت السائق على الجميعة ابي روب ولبن ولاحصل اي منتج يعني شنو ذنبنا ماأشرب لبن ولا احط الروب على العيش ليش
ليش
ليش يبه ليش ؟

 

[away1979]

انا احسن حال منك حصلت روب

بس ماحصلت حليب ولبن

 

[بوغمازات]

موظفين عندهم جشع وطمع ولا حمدا ولا شكورا !!! اللي يضر المواطنين ويعطل مصالحهم انقوله حسبي الله عليك والله لايوفقك !!! مبدأ نبي فلوس وبالطقاق بالناس !!!

 

[al7bebe]

انا احسن حال منك حصلت روب

بس ماحصلت حليب ولبن

زين ياحظك تكفا اذا عندك زيادة عطني واشتريه دبل في سعره

ارسل على الخاص اذا انت مستحي تبي اكثر

 

[al7bebe]

ابي اركب سيارتي واقز جمعيات الكويت ادور روب ولبن

مع السلامة ما اقدر اكل الغدا الا ومعاه روب ولبن

 

[زهره]

اي لاحظت أمس بالجمعيه أدور أدور ماكو فاضيه الارفف
عاد انا ادمان روب فوقه عسل وفواكه مقطعه بالليل
الحين شسوي
اذا حصلتوا قولوا لنا
والا نقعد بعد نروب بالبيت

 

[al7bebe]

ياجماعه شيء مو طبيعي توني راد وحصلت رووب من مركز سلطان بس شنو توها شاحنة كي دي دي تنزل الرووب والناس حويلها بشكل مو طبيعي ويوم نزل العامل كل واحد اخذ كم صندوق رووب والعامل يقول بس واحد علشان غيرك ياخذ
للعم أتصلت على شركة الالبان وقالوا الشركة فضت وماكو شيء في الوقت الحالي

الشيء على طرأ على بالي أهمية الشركات المحلية للمواد الغذائية والسلع الاساسية في البلاد وانه يجب دعمها من قبل الحكومة بشكل واسع النطاق حتى تكون هناك أكتفاء ذاتي لعامة كافة الشعب

فعلا هذا المخزون الاقتصادي للسلع الغذائية والاساسية يكون تحت بند مهم وهو (الامن القومي) للدولة