كل مغطى مشفوق عليه

[قلم حر]

دعونا نستمع ونناقش بإرتقاء ونستمتع ونستفيد من
التوافق والاختلاف في وجهات النظر

من خلال هذا الفيديو استنبطوا الاسئله وأجيبوا عليها

​

 

[جواهر]

كلامها حكم ماقدرش اوئول حاقه عنه

ايه الحين نجوم يقول يبغي خبز تنور هههههههههه

بس حتى رجال اول مو مثل رجال الحين
يعني كله مكمل بعضووو

ثانكس قلم

 

[ورد و هيل]

كلاااامها درر -------

بس حساااافة مااا يااابت طااااري لرياييل اووول وووقااارنتهم ب رجل اليوووووووم

 

[قلم حر]

جواهر / ورد

يمممممه منكم حشرتوا الرجال قصب !
الموضوع عن المرأه وأوعدكم فيه موضوع عن الرجل
يبين لنا الفرق بينه وبين رجل الماضي

الموضوع تكلمت فيه ام عبداللطيف عن

المكياج / الملابس / الطبخ / المعامله والملجه
وزيدوا اللي تبونه
​

 

[abobader q8]

لبا قلبش يا ام عبداللطيف وان كنت اختلف معها في بعض النقاط

 

[قلم حر]

لبا قلبش يا ام عبداللطيف وان كنت اختلف معها في بعض النقاط

ليتك يا بوبدر ذاكر لنا نقاط الاختلاف

مشكور طال عمرك على المشاركه
​

 

[جواهر]

​

جواهر / ورد​

​

يمممممه منكم حشرتوا الرجال قصب !​

الموضوع عن المرأه وأوعدكم فيه موضوع عن الرجل​

يبين لنا الفرق بينه وبين رجل الماضي​

​

الموضوع تكلمت فيه ام عبداللطيف عن ​

​

المكياج / الملابس / الطبخ / المعامله والملجه​

وزيدوا اللي تبونه ​

​

ليه غصب مو الرجال كمان من جيل المستقبل
خلاص ننتظر ابو عبد اللطيف او قلم يحدثنا عن الفرق

يابوي الجيل الاغلب اختلف عن اللي قبل سواء بنات او شباب
وقليل جدا ويمكن نادر تحصلهم فيهم من عبق الماضي وماتأثر بتغيرات العصر
وان كان في يقولوا عنه او عنها متخلفين وماهم عايشيين بهالعصر طبعا اتكلم بشكل عام

 

[abobader q8]

ليتك يا بوبدر ذاكر لنا نقاط الاختلاف

مشكور طال عمرك على المشاركه
​

هلا وغلا بالحر
اختلف مع ام عبداللطيف في رايها ان المرأه اهم واجباتها الطبخ والكلام الزين علي قولتها في نظري ان المراه لديها اكثر من ذالك بكثير
واختلف معها في موضوع تجمل المرأة لزوجها ام عبدالطيف ضد المكياج وسوالف التطور الجديده وانا اقول ان الزوجه لازم تتمكيج لاكن بحدود يعني مكياج اجنبي
واختلف معاها ان الرجال مايشوف المرأه الا بليلةالدخله انا ضد هالموضوع لازم يشوفهاولو مره او مرتين في بيت اهلها وبين اهلها ناس واجد تطلقو والسبه انها ماعجبته او اهو ماعجبها اعرف واحد طلق من من اول اسبوع لانها متينه مو نفس كلام اهله

 

[العاشق]

اسمحلي بوعبيد بدخل الرجال لان الموضوع يتكلم عن علاقه المره فيه ​

​

الاولين يقولون المره من رجالها والفرس من خيالها ​

​

اكثر الناس الحين يجيبون عيال ويازرع الله يرعاك الله مايدري عنهم ولاهم حاطهينهم من اولوياتهم ​

الرجال لاهي بصوب ومكبر دماغه والمره بالمثل او المره دابسه بروحها بالتربيه وتربيه الحريم انت عارفها​

​

ف طبيعي ان الجيل هذا من شباب وبنات ماعندهم اي احساس بالمسؤليه ​

الشاب يبي مزيونه وكشخه ​

والبنت تبي مزيون وذرب وإيده بمخباته ​

محد فيهم يفكر بالدين والاخلاق الا ماندر منهم ​

​

انا اطلع وشوف بعيني مناااظر من بعظ البناات ورجالهم معاهم صدقني ماشره عل مره اشره ع السمنديقا اللي معاها ​

​

فيه بنات تلقاها من احسن مايكون عند اهلهااا رجلهاا يخربهاا من رقالته عباله الذرابه والكشخه بالتفصخ وقلة الحيا ​

​

هالجيل صعب صعب صعب والله يستر منه ​

 

[فضل]

رايئ الشخصي ان هناك ثوابت وهناك متغيرات

الامور الثابته هي الدين والاخلاق مثل ما ذكر عويشق

والامور المتغيره هي فرق الظروف والحياة بين الاجيال

فما ينطبق علي المرأه في السابق ليس بالضروره ينطبق عليها الآن ..

 

[رابح رابح]

نعيب زماننا والعيب فينا
المرأه هي الام والاخت والبنت
هي التي تلد وترضع وتسهر
وتبقى المرأه هي المرأه
ويبقى الرجل هو الرجل
قال تعالى ((الطيبون للطيبات والخبيثين للخبيثات))

 

[الذيبة]

​

دعونا نستمع ونناقش بإرتقاء ونستمتع ونستفيد من
التوافق والاختلاف في وجهات النظر

من خلال هذا الفيديو استنبطوا الاسئله وأجيبوا عليها

عن أنس بن مالك - رضي الله عنه - قال: قال رسول الله- صلى الله عليه وسلم :

(يأتي على الناس زمان القابض على دينه كالقابض على الجمر) رواه الترمذي.​

​

فكيف المجتمع ؟؟​

​

​

تبدلت المفاهيييم اصبح المجتمع اكثر تفتح عقلياً في الممارسات اليوميه والاجتماعيه​

فقادهم هذا التفتح الخاطئ الى مفاهيم اكثر خطأ​

انتشار الفتن ودخول التطور تكنلوجي ,دخول عادات غريبه اسفرت​

عن ضعف تمسك بمفاهيم السابق وادى الانعكاس على الاسره ومدخلاتها​

الاب والام وانشغالهم عن البيت والابناء , الابناء وتأثرهم في مفاهيم الشارع , المجتمع اصبح هش ​

سهل التفكك , و لا يوجد ما هو أفضل من التمسك بكتاب الله و سنة نبيه ​

هو الحل لما نواجه الآن من فتن و تبدل للمفاهيم و تغيرات
تطبيق الشريعة على مجتمعنا يؤدي به الى الصلاح و التماسك .​

​

​

​

الــذييييــبــه​

 

[دنياء غريبه]

هلا وغلا بالحر
اختلف مع ام عبداللطيف في رايها ان المرأه اهم واجباتها الطبخ والكلام الزين علي قولتها في نظري ان المراه لديها اكثر من ذالك بكثير
واختلف معها في موضوع تجمل المرأة لزوجها ام عبدالطيف ضد المكياج وسوالف التطور الجديده وانا اقول ان الزوجه لازم تتمكيج لاكن بحدود يعني مكياج اجنبي
واختلف معاها ان الرجال مايشوف المرأه الا بليلةالدخله انا ضد هالموضوع لازم يشوفهاولو مره او مرتين في بيت اهلها وبين اهلها ناس واجد تطلقو والسبه انها ماعجبته او اهو ماعجبها اعرف واحد طلق من من اول اسبوع لانها متينه مو نفس كلام اهله

رايئ الشخصي ان هناك ثوابت وهناك متغيرات

الامور الثابته هي الدين والاخلاق مثل ما ذكر عويشق

والامور المتغيره هي فرق الظروف والحياة بين الاجيال

فما ينطبق علي المرأه في السابق ليس بالضروره ينطبق عليها الآن ..

ابوبدر وفضل مــــــــــــآقصرو بــــــــــــــالرد وماعلى كلامهم زود ​