مساء الخير جميعًا اليوم بتكلم عن نصايح لمشروع ( المطعم ) هو مشروع جدًا ناجح لكنه يحتاج راس مال لا يقل عن ٤٠ الف د.ك اذا كان بمجمع و١٥ الف د.ك اذا كان بمحل صغير بمنطقة سكنية اولاً : الموقع : انجح المطاعم معتمدة على الموقع لازم تختار الموقع اللي يكون فيه ناس وااايد سواء كان ويك اند او يوم من ايام الاسبوع . ثانياً : الديكورات : ديكور المطعم الداخلي يجذب الناس لعامل نفسي وهو الشعور بالارتياح والسعادة . ثالثًا : النظافة : وهي عامل جدًا مهم الاكل لازم يكون نظيف وطازج والطباخين لازم يلبسون دس وغطا الراس وزيت القلي يكون نظيف وعدم قلي اكثر من نوع طعام بنفس الزيت واستخدامة لاكثر من ٣ ايام . رابعًا : الاكل : يكون بقائمة طعام متنوعة وعالمية وأصناف لذيذة وكتابة مكونات الطبق بالمنيو لتعريف الناس بمكونات الطبق وتخيل تجانسها ولازم كل اسبوع ينزل طبق أسبوعي عشان يشجع الناس انها تحضر المطعم وتذوقه . خامسًا : السعر : لازم يتماشى مع نوع الاكل معروف انه السي فود غالي واللحم ارخص والدجاج ارخص شي فلازم يكون السعر مناسب لكل فئات المجتمع مو بس الطبقات المخملية . سادسًا : السيرفس : يعني خدمة المطعم تكون سريعة وفيه طلبات خارجية واللي يشتغلون بالمطعم لازم نفسيتهم تكون حلوة وعلى طول يبتسمون . سابعًا : التوصيل والبوفيه : وهذا الشي يتم بعد استمرار ونجاح المشروع واقبال الناس عالمطعم . ومثل هالنوع من المطاعم ما يقل دخلها بالشهر عن ٦٠٠٠ د.ك اتمنى الكل يستفيد وانشالله لي معاكم رجعة بنصايح لمشاريع ثانية 
)))
)))
