أرباح الجمعية

[السمكة الذهبية]

السلام عليكم إخواني اذا تم زيادة مبلغ المساهمة في الجمعية التعاونية هل يكون له علاقة في زيادة الارباح في السنة القادمة او ان النسبة ليس لها علاقة بزيادة مبلغ المساهمة ؟
يعني اللي يساهم بعشرة دنانير نفس اللي يساهم بمئة دينار ؟

 

[بن عيدان]

الارباح تكون على حسب قيمة المشتريات​

كلما زات المشتريات , زادت الارباح​

 

[السمكة الذهبية]

انزين اخوي بن عيدان وبالنسبة لمبلغ الاكتتاب او المبلغ اللي مساهمة فيه ماله علاقة بزيادة الارباح مثلا :
اذا كانت مشترواتي تقريبا بالف دينار وكنت مساهمة بعشرة دنانير ارباحي نفسها تكون اذا كنت مساهمة ب ١٠٠ دينار ؟

 

[قلم حر]

حنا جمعيتنا دايما توزع ارباح وعندنا رقمين مساهمه
واحد كله من نشتري ندخل رقم المساهمه والثاني ماندري
عنه كلش
بالارباح من يصير ١٠ ٪ تقريبا الرقم الاول يطوف
ال ٢٠٠ دينار والثاني مايطوف ال ٣٠٠ فلس

انا مستنتج من هالشغله انه كل اسهم زياده تشاركين
فيهم يجي ارباح خرده مايتعدون ٣٠٠ فلس أما باقي
الارباح على المشتريات

هذا استنتاجي من مده

​

 

[نجوم777]

جمعيه سعد صارت مشكله وخفنا السنه هذى تروح علينا الارباح اشوى بالجرايد اعلنو اول 4 راح يوزعوون الارباح

 

[العاشق]

جمعيه الجهراء حراااااااااميه ومن ست سنين ماشفنااا ولا فلس منهم ​

والمصيبه ان احد الشخصيات اللي دايم يسوي عزايم بمزرعته طلع من جيس غيره وعلى ظهورنا من فلوس جمعيه الجهراء​

شكو فيه مادري ​

​

امااا عن كيفيه حسبه الارباح ​

تحسب على المشتريات وقيمه المساهمه ​

بنفس النسبه الميئويه يعني ماتسوا تدفع زياده عشان ترفع مساهمتك لانها ماتشكل فرق كبير بالارباح ​

 

[بن عيدان]

جمعيه الجهراء حراااااااااميه ومن ست سنين ماشفنااا ولا فلس منهم ​

والمصيبه ان احد الشخصيات اللي دايم يسوي عزايم بمزرعته طلع من جيس غيره وعلى ظهورنا من فلوس جمعيه الجهراء​

شكو فيه مادري ​

​

امااا عن كيفيه حسبه الارباح ​

تحسب على المشتريات وقيمه المساهمه ​

بنفس النسبه الميئويه يعني ماتسوا تدفع زياده عشان ترفع مساهمتك لانها ماتشكل فرق كبير بالارباح ​

أتوقع أغلب الجمعيات حرامية, بس منو اللى يحاسب ​

( حاميها ................... أكمل الفراغ بكلمة مناسبة )​

​

ما أقصد شىء ​

 

[nabhaan79]

أفضل إستثمار هذه الأيام

الجمعيه ...

بعض الجمعيات يعطي 7 و 10 بالميه

إذا عندك مبلغ كبير حطه بالجمعيه