الفزعه يا شباب الي عندة حل بذبحله خروف هدية

[ستايل مان]

تكفون يا النشامى بذبح خروف حق الي يحلي مشكلتي شريت لكزس ls460 بدون
شاشة ورقم شاص السيارة
JTHBL46F075016326
السيارة جاية من الوكالة وارد امريكا
بدون شاشة
وانا ابي اركب شاشة حتا لو تركب بدون كامرا وبدون خريطة يعني فقط مكيف ومسجل
في ناس قالولي يبيلك ضفيرة وفي ناس قالو مايبيلك ضفيرة الموتر بخاطري ولا ودي ابيعة
وابي الفزعه الله لا يهينكم
هذي الصور التوضيحية

http://img835.imageshack.us/img835/9556/phuppimagejfa.jpg

http://img96.imageshack.us/img96/8149/phuppimagetr.jpg

http://img849.imageshack.us/img849/8675/phuppimageznf.jpg

 

[msm]

ابشر الشاشة تركب وبدون لا تغير الظفيرة بس شيل الديكور وحط الشاشة وراح تشتغل معاك وزيدك الكامبرة راح تشتغل معاك بس تشترى الكاميرة وتشبكها على الشاشه اخوى شراء يوكن دنيلي بس مافى شاشه شراء شاشه وركبت نفس الوكاله بظبط ورفيجي شراء لاندكروز بدون شاشه وحط له شاشه حقت لكزس
رواح شرق وسال عن احسان مال تنجيد السيارات هو صار يركب شاشات

 

[Se7T]

روح المهلب شارع الزينة وحاول تروح للمهلب الجديد يكون بأخر شارع الزينة
انا مركب شاشات مو شاشة لسياراتي يكون وتاهو وغير سيارات الربع
على فكرة التمديدا جاهزة
كل السيارات الجديدة تمديداتها جاهزة لأن اهي مجرد لعب على المستهلك تبي شاشاة ؟ او ماتبي !
وعلى هالموال
يعني لما تبي تركب الظفيرة وحد والي يقولك غير اسمحلي مايفهم
يعني الوكالة بتحط لكل موديل ظفيرة بروح
يبه هذيل يحسبون غرام الحديد والنايلون لما يصنعون

 

[ستايل مان]

ياجماعه رحت حق الي تقولونه ومانفعوني كلش

 

[nawaf7007]

السلام عليكم

الشاشه تركب بس لازم تركب ظفيره طبلون ورسيفر خرايط وكامره خلفيه

في واحد في الشويخ هو اللي يفيدك بس لاتروح حق غيره يعطيك زبده الكلام مكانه اول مادش شارع الزينه من شارع كندا دراي ثالث دخله علي اليسار او رابع دخله بجانب البديع

اسمه ثامر علا ماضن متخصص لكزس 460 او بدر المانع سعودي هو علي طول متواجد في الكويت مهندس لكزس رقم تلفونه
00966509967776

 

[nawaf7007]

سعر الشاشه في الامارات رخيصه حيل يعني تقدر تخذها من الامارات وتركبها اهناك احسن

 

[ستايل مان]

تسسسسلم يا نواف بس وين مكانه الي بلشويخ بلضبط

 

[Q8 yes]

صباح الخير

اخذ النصيحه وخروفك قطعه للثلاجه.......
شاشه الكزس مو مثل اي سياره تركب واي بنغالي يركبها انتبه ...!
من ناحيه الشاشه للكزس الامريكي اللي اعرفه حق 430 2006
انا سيارتي بدون شاشه وحاولت ودورت اني اركبها ومافي احد فادني
بالعربي .......!
انسي تركب وفي واحد حاول يركبها وبدل الديكور وشرا ظفيره من الوكاله وباقي
امورها علي انها تضبط ........ واخر شي ماضبطت وخسارته علي
هالسالفه فوق 1500دينار لان اول ماضبط تمديداته وخلص علي كلامه شغلها وعلي طول الكمبيوتر ضرب وتقدر ترجع للموضوع
و تشوف موقع تويوتا عربيه راح يفيدك اكثر قسم الكزس

وافضل نصيحه وصلتني واقتنعت من بعدها من اهل الخبره طبعا يقولون اذا انت صامل علي الشاشه بيع السياره ودورلك علي وحده كامله

ودمت بخير....

 

[ستايل مان]

هلا اخري اذا عندك ٤٣٠ وتبي شاشة دق علي وانا احطلك فيها شاشة وشرط ماتكلفك اكثر من ٢٠٠ دينار
٥٥٩٨٢٨٨٨

 

[nawaf7007]

مكانه ياطويل العمر

اوا مادش شارع الزينه ثالث دخله علي اليسار جنب البديع

 

[560SEL]

شوف يبه اتاهو والتويوتا وباقي السيارات الامريكيه واليابانيه يركب لها كل شي اصلي وتجاري
اللكزس بالذات لا تلعب فيها يبي لها ديكور وشاشه اصليه وبرمجه ويمكن ما تضبط
المرسيدس الجديد بعد ما تقدر تلعب فيه ابداااا اما ابو عيون من 2003 الى 2009 والام ال تقدر تركب له شاشه تجاريه ب400 دينار او 300 حسب جودتها
لكن نصيحه لا لالا تلعب باللكزس واللي يقول تضبط اشرط عليه لو ما ضبطت ما ياخذ ولا فلس ولو خرب شي اهو يتحمله

 

[bader.kw]

باختصار المصنع يصنع السياره بشاشه ويصنع سياره بدون شاشه ... لان هذي سيارات فارهه والمصنع تفرق معاه اذا السياره بدون شاشه
البي ام القديم الي الان مايقدرون يركبون له شاشه ..مثل شاشه الوكاله واذا رهموها في شغلات كثيره ماتشتغل

 

[سالم العبيد]

نصيحتي لك بيع السياره واخذ وحده بشاشه لانك لو تركب شاشه راح تصير ترهيم ومو حلوه لكزس مرهم وعلى فكره الديكور والشاشه سعرهم شويه ؟ اكيد راح يكلف عليك وبالتوفيييق

 

[صقرالبحر]

دير بالك لاتتعبث بتيوتا تعلق فيك حد السرعه وتفيش بالعالم علبو شاشه

 

[القرب]

الله يجزيك مايجوز تقول ابي اذبح الصحيح ان تقول شكرا الله اذبح

 

[bo7amad-q8]

اخوي تركب وعادي ومافيها اي مشاكل وذا تبي انا مستعد اوفر لك الشاشه الاصليه مختوم عليها تيوتا لكزس مع الكاميرا الخلفيه
وعطيك كفاله عليها بالمده اللي تبيها اذا صار بسيارتك شي لاقدر الله
بس الموضوع يكلف عليك اذا مستعد انا حاضر وجاهز
وهذا رقمي 66855662 بوحمد