بوبيان والأولى للوقود

[زين العابدين]

السلام عليكم,

ياأخوان عندي قريب يبي يبيع أسهم بوبيان والأولى للوقود...............كم واصلة الحين؟ (بسوق الجت)

 

[بن تركي]

بوبيان 270 والوقود 180 وثق تماما أنه بالوقت الحالي البايع خسران والشاري ربحان.

 

[الضحاك]

اصبت كبد الحقيقة يا بن تركي .......

البايع خسران والشاري ربحان .....

 

[زين العابدين]

جزاكم الله خير...............

 

[Winchester]

يا جماعه ابي منكم استشاره ...

عندي صديق عزيز يبي يبيع اسهم الأولى للوقود وانا محتار في ..
1/ كم سعرهم الحالي .. مع العلم احنا لي الحين ما اتفقنا على سعر معين.
2/ متى سيتم أدراجها في البورصه
3/ بالعربي الشركه تسوى اشتري فيها ولا لأ ..

 

[بو بندر]

نصيحه

اخواني الاعزاء نصيحه لله
اسهم بوبيان و الاولي للوقود فعلن انها اسهم مربحه جدا بالنسبه الي اسعارها الحاليه الي تنباع في سوق الجت او غيره واشتري ونت امغمض ,,,,,,
لكن سؤال يطرح نفسه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هل انتا ضامن افلوسك او بلأصح الاسهم الي تشتريها من صاحبها الي بسمه في القوانين الي موجوده الحين الي محد عارف راسه من كرياسه حتي المقاصه ماتدري شنو السالفه امدوجين لو تروح تسأل الكل ايقولك ما ادري
اشلون تدمج الاسهم بسمك بعدين الايبيعهم لك بالسوق بعد الادراج واقبض عاد افلان امسافر وفلان امداوم وفلان ماله خلق ,,,,,,,, الخ
الدنيا حيات اوممات او محد ضامن عمره

هذي نصيحتي تقبل فيا او تتركها
اشتر من السوق بعد الادراج احسن واضمن ( حط فلوسك بالشمس واقعد بلظلال)

 

[bo-sahm]

انا أؤيد ما ذكره الأخ متداول الاوسط 100 / مليون
اما بالنسبة لإدراج الأولى للوقود فمو قبل الربع الثاني او الثالث و يمكن اطول
وبالنسبة لشراء او بيع فاعتقد الأخ "متداول الاوسط" وفى و كفى - لا تبيع ولا تشتري

 

[Winchester]

الله جزاكم خير على هل معلومات

بس الحين الناس اللي قاعد يشترون شنو الطريقه اللي قاعد يسوونها .

يعني هل في طريقه اظمن فيها حقي مع اني صديييييق عزيز بس مثل ما قلت اخ ( متدوال الأوسط ) الدنيا حيات وممات , وهم السعر اللي يبي يبيع في سعر مغري هذا اللي خلاني افكر بالموضوع......

 

[aadm1]

انا أؤيد ما ذكره الأخ متداول الاوسط 100 / مليون
اما بالنسبة لإدراج الأولى للوقود فمو قبل الربع الثاني او الثالث و يمكن اطول
وبالنسبة لشراء او بيع فاعتقد الأخ "متداول الاوسط" وفى و كفى - لا تبيع ولا تشتري

اخوي تقول الربع الثاني او الثالث . بس ما قلت اي سنه ؟؟؟؟؟

 

[bo-sahm]

اخوي تقول الربع الثاني او الثالث . بس ما قلت اي سنه ؟؟؟؟؟

اّسف ..أعتقد الربع الثاني او الثالث من السنة القادمة 2006 (بس هذا اعتقادي و تحليلي الشخصي)

لأن اذا تاخذهم بالترتيب
بنك بوبيان -الإكتتاب والتأسيس كان تقريباً شهر 6 أو 8 /2004
الأولى للوقود - الإكتتاب والتأسيس كان تقريباً بعدها ب 3 -4 أشهر
والقرين للبتروكيماويات - الإكتتاب والتأسيس كان تقريبا أخر 2004 اول 2005

فاذا كان بنك بوبيان سينزل السوق في الربع الأول من 2006 فمن المتوقع نزول الأولى للوقود بعده ب 3 الى 5 اشهر

وانا ذكرت يمكن الفترة تطول بسبب امكانية تطبيق مرور سنة مالية كاملة واعتقد كان في تأخير اما في اول جمعية عمومية تأسيسية او في استلام المحطات من البترول الوطنية. وما اعرف ان كان هذا سيوثر على نزولها للتدوال.
يمكن احد يقدر يفيدنا من المشاركين.

 

[بو بندر]

الله جزاكم خير على هل معلومات

بس الحين الناس اللي قاعد يشترون شنو الطريقه اللي قاعد يسوونها .

يعني هل في طريقه اظمن فيها حقي مع اني صديييييق عزيز بس مثل ما قلت اخ ( متدوال الأوسط ) الدنيا حيات وممات , وهم السعر اللي يبي يبيع في سعر مغري هذا اللي خلاني افكر بالموضوع......

الله يعطيك العافيه والعمر انشاء الله
لو الناس مو دايخه مع السهم او في دمج اسهم جان ماشفته بهالسعر ولا حتي بالحلم حتي ماتصيده حتي 700 فلس
انا الحين عندي اسهم بوبيان او حط ايدي علي قلبي ما ادري شيصير باجر
لا بعد ازيدك من الشعر بيت
واحد من سلمو الشهادات ليلحين مو صايده علشان يستلم الشهاده اشلون عند البيعه شبسوي فيني
نصيحتي السوق اسلم
الا اذا من اخوك او واحد اخو دنيا (((( مو الهيبي )))

 

[بوبيان]

السلام عليكم ....

صح كلامك اخوي متداول الاوسط اذا تشتري من واحد ماتعرفه راح يعلك
وراح تحط ايدك على قلبك بس اكثر الناس اللي يبيعون بسوق الجت
يوقعونهم على كمبياله وقيمة السهم الواحد دينار ......
يعني السهم جدا قوي (بوبيان)
ولا تشتري الا من واحد ثقة اخو دنيا مو الهيبي يعور راسك
والشاري الحين اهوا الربحان والبايع خسران

 

[كيفاني]

قال رسول الله صلى الله عليه وسلم:

قال رسول الله صلى الله عليه وسلم:
"اتق الله حيث ما كنت , و اتبع السيئة الحسنة تمحها , و خالق الناس بخلق حسن"

وقال صلى الله عليه وسلم: "ألا أنبئكم بخير أعمالكم وأزكاها عند مليككم وأرفعها في درجاتكم وخير لكم من إنفاق الذهب والفضة وخير لكم من أن تلقوا عدوكم فتضربوا أعناقهم ويضربوا أعناقكم؟" قالوا: بلى قال: "ذكر الله تعالى"

دعاء دخول السوق: (لا اله الا الله وحده لا شريك له ، له الملك وله الحمد ، يحيي ويميت ، وهو حي لا يموت ، بيده الخير ، وهو على كل شيء قدير)

 

[الناسجت]

اّسف ..أعتقد الربع الثاني او الثالث من السنة القادمة 2006 (بس هذا اعتقادي و تحليلي الشخصي)

لأن اذا تاخذهم بالترتيب
بنك بوبيان -الإكتتاب والتأسيس كان تقريباً شهر 6 أو 8 /2004
الأولى للوقود - الإكتتاب والتأسيس كان تقريباً بعدها ب 3 -4 أشهر
والقرين للبتروكيماويات - الإكتتاب والتأسيس كان تقريبا أخر 2004 اول 2005

فاذا كان بنك بوبيان سينزل السوق في الربع الأول من 2006 فمن المتوقع نزول الأولى للوقود بعده ب 3 الى 5 اشهر

وانا ذكرت يمكن الفترة تطول بسبب امكانية تطبيق مرور سنة مالية كاملة واعتقد كان في تأخير اما في اول جمعية عمومية تأسيسية او في استلام المحطات من البترول الوطنية. وما اعرف ان كان هذا سيوثر على نزولها للتدوال.
يمكن احد يقدر يفيدنا من المشاركين.

عفوا اخوي بوسهم السلام عليكم .. تحتسب السنة المالية لكل شركة بداية السنة الميلادية بعد اعلان تأسيس الشركة نهائيا وهو يوم انعقاد الجمعية العمومية ... وتستثنى السنة المالية الاولى من هذاالشرط مثلا بوبيان تاسس نهائيا شهر 10 أو 9 عام 2004 ... بس سنتهم المالية بدت أول 2005 .. وراح يدرج انشاء الله الربع الاول لعام 2006
أما الوقود فتأسست نهائيا شهر 12 لعام 2004 يعني بدت سنتهم المالية اول 2005 مع بنك بوبيان علشان جذي لا تستبعد نزول الوقود مع بوبيان
واللي ملاحظة ومن خلال علاقتي الشخصية مع أعضاء مجلس ادارة الوقود ..يبدو أن موضوع الادراج " سكاتي " .... دمتم

 

[Day_trading]

طيب متى اجتماع الجمعية العمومية الثانية لبنك بوبيان ومتى يستقبل الناس اللى تبي تفتح حساب عنده

 

[الناسجت]

طيب متى اجتماع الجمعية العمومية الثانية لبنك بوبيان ومتى يستقبل الناس اللى تبي تفتح حساب عنده

انشاء الله ايام قليلة .. ويفتح البنك " فرع الكويت " ... ابوابه للعملاء ...
دمتم