تفتيش الشؤون الباب الخامس

[Legaler]

السلام عليكم

اخواني

انا عندي رخصه مطعم من الشؤون بجمعيه ومأجر المطعم على شخص

اذا بسجل بدعم العماله باب خامس هل يحق لي ذلك قانونيا على هالوضع

ناس قالوا لي عادي بس انا خايف انها تكون بالحرام يعني تحايل عالقانون



وبغيت اعرف تفتيش الشؤون على شنو اذا سجلت بدعم العماله على المحل بس او لازم اكون انا بالمحل

الله يرحم والديكم ارجو تحري الدقه بالمعلومات لان المسأله فيها حلال وحرام

مع العلم شهادتي متوسطه

 

[yas10ser]

وعليكم السلام ورحمة الله وبركاته

التفتيش على المستفيد للدعم العمالة الوطنيه فقط
لازم وقت التفتيش يكون المستفيد موجود بالمحل طبعا و التفتيش يكون مفاجئ
اذا المستفيد مو موجود بالمحل راح يعطون استدعاء (انذار) للموظف الموجود للمحل حق المستفيد
وبعدها اييب ورقة الاستدعاء للشئون ويسوي اعادة التفتيش

 

[silencee]

السلام وعليكم ورحمة الله

الاخ الكريم رغم أن موضوعك صار له قرابة الشهرين بس قلت أنزل الرد عل وعسى أحد يستفيد منه مستقبلا

علاوة الباب الخامس هي لآصحاب الرخص نفسهم

طالما الرخصه عندك والمحل لك وين الحرام ؟؟؟

بس وزارة الشؤون نزلت قانون أعور وهو الزمت صاحب العمل للشغل وحنا واثقين من عمم هالقرار يقصدون فيه ( الباب الثالث وهم الكويتيين العاملين بالقطاع الخاص )


الباب الخامس طالما الرخصه قائمه والمحل قائك فأنت صاحب العمل وهذا دعم من الحكومه لك رسمي توكل على الله وسو لنفسك عقد عمل وحدد موعد بالخدمه الهاتفيه عند اعادة الهيكلة وهذي طلباتهم .

عشان تحصل على العقد أتبع الاتي
1/ سو عقد عمل بأسمك على رخصتك وحط مهنتك مدير
2/ وحدد راتب من الرخصه لنفسك وهذي أنا عاملها لرخصه أعمل عليها وجائزه شرعا طالما أنه الرخصه لي وهذا شرط عشان أصرف الدعم حاط راتبي 200 دينار على شركتي .
3/ ورقة من التأمينات .

أتجه لمركز الشؤون خلف جمعية القرين مركز الشؤون هناك تقدم الطلب فيه قسمين (قسم الباب الخامس أصحاب العمل) (قسم الباب الثالث الموظفين بالقطاع الخاص) ويسالونك كونك صاحب عمل متى تتواجد تحدد الوقت صبح أو مساء وتتوكل بعد 3 أيام يجيك المفتش يشوف بطاقتك المدنيه ويبلغك تراجعهم بعد يومين تجيهم تجد عقد عملك جاهز تأخذه وتروح لشؤون الرميثية خلف الجمعيه وبمحاذات مركز الطالب
تقدم لهم عقد العمل + الرخصه + اعتماد التوقيع + بطاقتك وخلال ربع ساعه يعطونك كتابك لدعم العماله تروح لهم وهذي طلباتهم بالاسفل بربع ساعه تنجز معاملتك وخلال حد اقصى 60 يوم راح ينزلك راتبك وهذا حقك كصاحب عمل شهريا بالبنك

تمنياتي لك بالتوفيق

http://www.nwkuwait.com/upload//uploads/images/domain-ec6f9303e4.jpg



========================

http://www.nwkuwait.com/vb/attachment.php?attachmentid=1007&d=1313028801

 

[القراشي]

الله يعطيك العافيه على التوضيح أخوي