النصيحة يا أهل الخبره بخصوص BMW

[بوو علي]

السلام عليكم

يا جماعة الخير انا عندي BMW موديل 2006 حجم 523i
انا سمعت من شخصين ان مواتر ال BMW يضرب فيها (مخ القير) او الي يسمونه (كمبيوتر القير)
وانا موتري ماشي 113 الف الحين وبصراحه ما اشتكي منه بشي كبير الامور الي فيه بسيطة واستهلاكيه ولله الحمد

انا خايف يضرب عندي مخ القير وقالولي يكلف 700 دينار
يا جماعه
يالي اتعرفون بالألماني و ال BMW خصوصا شتشورون علي
أنا ادري اني اجهز الدوا قبل الفلعه بس لاني ابي اعرف هلا فعلا قصة مخ القير هذي؟

ارجو تنصحوني ولكم الشكر

 

[mrhbaa]

بوو علي السلام عليكم ورحمة الله بركاته ​

اخوي بالنسبة لسالفة مخ القير وانه يضرب ويكلف اسمحلي سؤالك واستفسارك مو ابمحله لانه اشياء واير تضرب بالمواتر من اي ماركة كانت​

ماكو شي يعمر يعني خوفك بلا اي معنى ولو كنت اتجهز الدوا قبل الفلعة ​

اما علشان تتطمن الالماني قيره ممتاز وما تحتاج الشك فيه بشكل عام الموديلات القديمة والحديثة ولكن لنقطع الشك باليقين ​

ادليك حق شخصين بالصناعية بالشويخ تخصصهم كهربة قيرات وراح تسمع منهم الكلام المضبوط اللي يجمد على الشارب​

​

1- ((كراج الربيع)) ((المعلم رافي )) نار على علم ابصناعية الشويخ موقعة دوار الاكسجين تكون جاية من كنددراي تاخذ الدوار يمين بنص الشارع على اليسار اتلاقي محله اسألة كل اسألتك لما اتغني بطنك ​

​

2- الكراج الثاني كذلك متخصص يجميع كهربة القيرات ((المعلم هاروت)) وكراجة يصير على دوار شهرزاد بالشويخ وموقعة الشويخ الصناعية الثانية​

كانك جاي من جيون او اسواق الميرة تخليها على يسارك وقبل ما توصل الدوار تقريبا 4 او5 كراجات اتلاقيه يمينك يعني تصعد يمين قبل ما توصل الدوار بشوي ​

​

​

ارجوا ان يكون الوصف كافي وواضح لك ولاخواني بالمنتدى الكرام وسامحوني على الاطالة بالشرح​

والتقصير ابحقكم واي استفسار انا حاضر اخوكم المهندس محمود الصالح 66286464 ​

 

[بوو علي]

بوو علي السلام عليكم ورحمة الله بركاته ​

اخوي بالنسبة لسالفة مخ القير وانه يضرب ويكلف اسمحلي سؤالك واستفسارك مو ابمحله لانه اشياء واير تضرب بالمواتر من اي ماركة كانت​

ماكو شي يعمر يعني خوفك بلا اي معنى ولو كنت اتجهز الدوا قبل الفلعة ​

اما علشان تتطمن الالماني قيره ممتاز وما تحتاج الشك فيه بشكل عام الموديلات القديمة والحديثة ولكن لنقطع الشك باليقين ​

ادليك حق شخصين بالصناعية بالشويخ تخصصهم كهربة قيرات وراح تسمع منهم الكلام المضبوط اللي يجمد على الشارب​

​

1- ((كراج الربيع)) ((المعلم رافي )) نار على علم ابصناعية الشويخ موقعة دوار الاكسجين تكون جاية من كنددراي تاخذ الدوار يمين بنص الشارع على اليسار اتلاقي محله اسألة كل اسألتك لما اتغني بطنك ​

​

2- الكراج الثاني كذلك متخصص يجميع كهربة القيرات ((المعلم هاروت)) وكراجة يصير على دوار شهرزاد بالشويخ وموقعة الشويخ الصناعية الثانية​

كانك جاي من جيون او اسواق الميرة تخليها على يسارك وقبل ما توصل الدوار تقريبا 4 او5 كراجات اتلاقيه يمينك يعني تصعد يمين قبل ما توصل الدوار بشوي ​

​

​

ارجوا ان يكون الوصف كافي وواضح لك ولاخواني بالمنتدى الكرام وسامحوني على الاطالة بالشرح​

والتقصير ابحقكم واي استفسار انا حاضر اخوكم المهندس محمود الصالح 66286464 ​

أشكرك يا باش مهندس كفيت ووفيت وان شاءالله راح امر واحد فيهم في أقرب فرصة.
وشكرا مره اخرى على الوصف الدقيق

تحياتي