بنك التسليف و شروط الدفعات

[busalih]

ﺍﻟﺴﻼ‌ﻡ ﻋﻠﻴﻜﻢ ﻳﺎ ﺃﺧﻮﺍﻧﻲ ﺍﻷ‌ﻋﻀﺎﺀ،،،،

ﻋﻨﺪﻱ ﺳﺆﺍﻝ ﻋﻦ ﻗﺮﺽ ﺍﻟﺒﻨﺎﺀ ﻣﻦ ﺑﻨﻚ ﺍﻟﺘﺴﻠﻴﻒ ، ﺃﺻﻴﺮ ﺃﺑﻨﻲ ﺛﻼ‌ﺙ ﻃﻮﺍﺑﻖ ﻣﻊ ﺳﺮﺩﺍﺏ ﻭ ﻟﻜﻦ ﻣﺎ ﺃﺷﻄﺐ ﺍﻟﺴﺮﺩﺍﺏ ﻭ ﺍﻟﻄﺎﺑﻖ ﺍﻟﺜﺎﻟﺚ ﻭ ﺫﻟﻚ ﻟﻐﺮﺽ ﺍﻟﺘﻮﻓﻴﺮ ﺣﺘﻰ ﻳﺘﻮﻓﺮ ﺍﻟﻤﺎﻝ ﻓﻲ ﺍﻟﻤﺴﺘﻘﺒﻞ ، ﻳﻌﻨﻲ ﻫﻞ ﺃﺣﺼﻞ ﻋﻠﻰ ﺩﻓﻌﺎﺕ ﺑﻨﻚ ﺍﻟﺘﺴﻠﻴﻒ ﻛﺎﻣﻠﺔ ﻭ ﺗﻮﺻﻞ ﺍﻟﻜﻬﺮﺑﺎﺀ ﻣﻦ ﻏﻴﺮ ﺇﺷﻜﺎﻝ ﻭﻻ‌ ﻳﺸﺮﻃﻮﻥ ﺇﻧﻲ ﺃﺷﻄﺐ ﻛﻞ ﻃﺎﺑﻖ ﺣﺘﻰ ﺍﻟﺴﺮﺩﺍﺏ ﻭ ﺍﻟﺜﺎﻟﺚ؟

 

[busalih]

شدعوة محد رد ...سؤالي بسيط ...معقولة محد فكر في فكرتي لما بنا؟
للرفع يا جماعة الخير منو يقدر يساعدني؟

 

[الدينار]

ﺍﻟﺴﻼ‌ﻡ ﻋﻠﻴﻜﻢ ﻳﺎ ﺃﺧﻮﺍﻧﻲ ﺍﻷ‌ﻋﻀﺎﺀ،،،،

ﻋﻨﺪﻱ ﺳﺆﺍﻝ ﻋﻦ ﻗﺮﺽ ﺍﻟﺒﻨﺎﺀ ﻣﻦ ﺑﻨﻚ ﺍﻟﺘﺴﻠﻴﻒ ، ﺃﺻﻴﺮ ﺃﺑﻨﻲ ﺛﻼ‌ﺙ ﻃﻮﺍﺑﻖ ﻣﻊ ﺳﺮﺩﺍﺏ ﻭ ﻟﻜﻦ ﻣﺎ ﺃﺷﻄﺐ ﺍﻟﺴﺮﺩﺍﺏ ﻭ ﺍﻟﻄﺎﺑﻖ ﺍﻟﺜﺎﻟﺚ ﻭ ﺫﻟﻚ ﻟﻐﺮﺽ ﺍﻟﺘﻮﻓﻴﺮ ﺣﺘﻰ ﻳﺘﻮﻓﺮ ﺍﻟﻤﺎﻝ ﻓﻲ ﺍﻟﻤﺴﺘﻘﺒﻞ ، ﻳﻌﻨﻲ ﻫﻞ ﺃﺣﺼﻞ ﻋﻠﻰ ﺩﻓﻌﺎﺕ ﺑﻨﻚ ﺍﻟﺘﺴﻠﻴﻒ ﻛﺎﻣﻠﺔ ﻭ ﺗﻮﺻﻞ ﺍﻟﻜﻬﺮﺑﺎﺀ ﻣﻦ ﻏﻴﺮ ﺇﺷﻜﺎﻝ ﻭﻻ‌ ﻳﺸﺮﻃﻮﻥ ﺇﻧﻲ ﺃﺷﻄﺐ ﻛﻞ ﻃﺎﺑﻖ ﺣﺘﻰ ﺍﻟﺴﺮﺩﺍﺏ ﻭ ﺍﻟﺜﺎﻟﺚ؟

هلا أخوى بوصالح أولا بالتوفيق والله يعينك على البنيان
ثانيا لا أخوى ناس كثير فكروا نفسك لكن فى النهايه وقف البنيان لسنين طويله
أخوى 3 أدوار وسرداب اذا ماعندك نصيحه من واحد له تجارب لاتسوي شى أنت ماعندك مقدره عليه
وبالنسبه للدفعات لا يأخوى اللى أعرفه أنه الدفعات على حسب التشطيب ماتقدر تأخذها بالكامل
عندك فى البدايه دفعة الانجاز بحدود 8500
ودفعات الهيكل الخرسانى 24 ألف
دفعة بعد صب أرقاب الأعمده والشناجات
دفعة الدور الأرضي
دفعة الدور الأول
دفعة الدور الثانى
دفعة للمساح الداخلى
دفعة للمساح الخارجي
وفيه دفعه للواجهات بحدود 10 ألاف
ودفعه للسيراميك والبورسلان
هذا اللى أذكره وسامحنا اذا نسينا شي
لكن يا أخوي بوصالح تأكد اذا ما عندك كاش من البدايه شغلك كله يتعطل
لأن الاعتماد على دفعات التسليف مشكله اولا تأخير ثانيا فى دفعات مايعطونك الا بعد الكشف والانجاز
بالفعل الله يعين اللى ماعنده حتى دفعة الاوليه الانجاز ماتسويلك شي
وفى الأخير يأخوى بوصالح أنصحك اذا ما عندك شي فوق 70 ألف أقل أقل شي 35 ألف الى 40 ألف لاتفكر فى بناء 3 أدوار وسرداب لأن بس تخلص المساح الخارجى والداخلى تبدأ المشاكل
3 أدوار وسرداب راح تفهم وتعرف كلامي زين وعدل مدل وكم باقيلك من 70 ألف وتبدأ الحسابه تحسب
بالتوفيق لكم

 

[busalih]

هلا أخوى بوصالح أولا بالتوفيق والله يعينك على البنيان

مشكور و الله يوفق الجميع إن شاء الله ، و انت أخوي أنا ملاحظك تحب تشارك و تنصح الناس و مشاركاتك فعلا تفيد الناس ، الله يجزيك خيرعليها إن شاء الله

بس أخوي أعتقد إنك ما فهمت قصدي عدل ، أنا ما قلت ما عندي كاش فوق ال70 ألف ، لا عندي بس مفكر بصراحة أوفر شوي ، يعني شلون؟ أنا أقولك مثلا السرداب أخليه عبارة عن صالة وحدة عودة و خليه فاضي كلش يدوب صبغ و عواميد (بدون غرف و حمامات ومكيف يعني كأنه حوش ساقط) و هذا لغرض التوفير حتى الله يرزقني بالمستقبل إن شاء الله ، و نفس الشي في الدور الثالث أخليه عبارة عن صالة مفتوحة كأنها حوش و هذا للتوفير بس علشان على الأقل الأساس موجود و بالمستقبل إذا الله يسر راح يكون التشطيب الحقيقي أسهل من لو بنيت دورين ، و لكن..........الحين السؤال......هل لدي بنك التسليف أي اعتراض على هالطريقة؟ هل يشترط بنك التسليف إن الطابق الثالث و السرداب يكون غرف و حمامات و إلخ إلخ؟

 

[الدينار]

هلا أخوى بوصالح الحين فهمتك لكن لاتنسي أن التوفير بكون بسيط الهيكل الخرساني للسرداب من حديد وخرسانه مكلف لكن دامك عندك المبلغ وحاسبها عدل بالتوفيق لك يارب
بالنسبه للتسليف والله يا أخوى بوصالح ماعندى فكره بالضبط مابى أعشمك زياده لكن أقولك شغله على حسب المهندس اللى يكشف لك على القسيمه فى البعض يأخذ نظره سريعه
ومايصعد دور دور غرفه غرفه زنقه زنقه لاتلومنى يا بوصالح مادرى شلون طلعة معاى
مشكلة السرداب في دفعات السيراميك التبليط راح يعطلك والدور الثاني الحوائط يعنى الشراشيب دفعتها والسراميك وأكيد اذا راكب السراميك يسبقه الديكور السالفه مربوطه بعضها
بالعربي شوفلك أحد وبس غير جذى ماأعتقد راح تمشي كل دفعاتك لازم فيه شي بتعطل عندك لبعض بنود دفعات بنك التسليف وعسي ربي يوفقك

 

[طارق55]

اخوي

السرداب تكلفته عاليه واكثر مما تتصور
الربع الي بنوا من ثلاث سنين يقولون قطينا تقريبا 70 الف غير افلوس التسليف
لسرداب وثلاث ادوار وربع

وهالايام اغلي بوايد .. قول زيدهم 10 بعد ..
والسرداب نفسه اعرف ناس بعد ما خلص البيت واسكنوا .. يقول صار اكثر من شهرين مانزلت للسرداب ومااستعمله نهائيا

وفي ناس تستخدمه بشكل يومي او اسبوعي بمعناه محللينه عدل
فانت شوف نفسك واحتياجك هل فعلا تحتاجه ؟؟
السرداب يكلف اكثر من 30 الف تقريبا مع الاثاث ومن هالسوالف .. غير فؤايد ال 30 الف بعد
نقول 40 الف هل يسوي تبنيه وبعدين تسكره ؟؟

 

[s man]

اخوي

السرداب تكلفته عاليه واكثر مما تتصور
الربع الي بنوا من ثلاث سنين يقولون قطينا تقريبا 70 الف غير افلوس التسليف
لسرداب وثلاث ادوار وربع

وهالايام اغلي بوايد .. قول زيدهم 10 بعد ..
والسرداب نفسه اعرف ناس بعد ما خلص البيت واسكنوا .. يقول صار اكثر من شهرين مانزلت للسرداب ومااستعمله نهائيا

وفي ناس تستخدمه بشكل يومي او اسبوعي بمعناه محللينه عدل
فانت شوف نفسك واحتياجك هل فعلا تحتاجه ؟؟
السرداب يكلف اكثر من 30 الف تقريبا مع الاثاث ومن هالسوالف .. غير فؤايد ال 30 الف بعد
نقول 40 الف هل يسوي تبنيه وبعدين تسكره ؟؟

اخوي , انا سويت نص سرداب حوش ساقط ديوانية ومنافعها وغرفه سائق , مساحه 150 متر ,

 

[busalih]

هلا أخوى بوصالح بالعربي شوفلك أحد وبس غير جذى ماأعتقد راح تمشي كل دفعاتك لازم فيه شي
...
بتعطل عندك لبعض بنود دفعات بنك التسليف وعسي ربي يوفقك

مشكوووور ولد عمي على الرد و ما قصرت....و فعلا بنك التسليف غامض ...و كل ما أروح أسألهم كل واحد يقولي شي ثاني ، الله يعين

 

[busalih]

اخوي , انا سويت نص سرداب حوش ساقط ديوانية ومنافعها وغرفه سائق , مساحه 150 متر ,

هلا والله أخوي مشكور...الله يهنيك على السرداب و زين سويت ...انزين ممكن تفيدنا كم كلفك ؟ و الحوش الساقط مساحته من ضمن ال 150 متر ولا الغرف مالن السرداب بس 150؟

 

[busalih]

اخوي
...
السرداب يكلف اكثر من 30 الف تقريبا مع الاثاث ومن هالسوالف .. غير فؤايد ال 30 الف بعد
نقول 40 الف هل يسوي تبنيه وبعدين تسكره ؟؟

أخوي كلامك عدل حق البعض السرداب غير مفيد بالقدر اللي تتوقعه ، بس لي أنا مهم ، اذا اقدر أجمع الياهال عندي يلعبون بالسرداب و يستانسون هذي تسوى ال40 الف ، بعد شاليه أو مزرعة محد يقدر يشتري هالأيام

 

[s man]

والله بالضبط كم كلفني ماأدري , بس مع كلفة البناء الاجماليه وتشطيبي علي المفتاح والمتر كلفني 100 دينار , مساحه البناء بس 150 متر