مسافر الي مكه بعد يومين ومادل شي فرعتكم معاي

[almtere]

السلام عليكم هذي ثاني مره اروح فها مكه اخر مره رحت فيها قبل 12 سنه يوم كنت صغير ونويت الحين اروح انا والمدام وما ادل الطريق وتمني تعطوني الوصف يعني شنو اول مدينه راح تقابلني والمدينه الي بعدها الين اوصل مكه ولو في شرح مفصل يعني جم كيلو بين كل مدينه ومدينه يكون افضل وشكرا لكم

 

[almtere]

وابي اقطع نصف المسافه باليوم الاول واليوم الثاني باقي المسافه وين تنصحوني اريح في اي مدينه ؟

 

[bobcat]

اخوي اذا تبي الاقرب خلك علا طريق ضلم يقطعلك فوق ٢٠٠ كيلو عن اجمالي المسافه وتجيه بعد المجمعه بالضبط فيه جسر كمل من تحته اما اذا تبي الاوسع والامان خلك علا طريق الرياض وتجيه بعد المجمعه بالضبط نفس الجسر اصعده من اليمين وراح ينزلك علا اليسارعلا طريق الرياض واتبع اللوحات ليما توصل ومقبوله مقدما ..اي استفسار ٩٧٩٥٤٤٤٢

 

[almtere]

اخوي الله يرحم والديك اذكر لي المدن الي راح امرها عشان اسجلها بورقه عندي وماضيع تكفا ردو علي بسرعه مافي وقت باجر الصبح بمشي

 

[kwto_o]

اخوي ابعد عن طريق ظلم لانه طريق واحد ومنحنيات خطره ولا يوجد محطات بانزين او استراحات
اطلع من الكويت كأنك رايح الرياض اتبع لوحات الرياض فقط بعد ما توصل الرياض اخذ شقه وارتاح وبعدها اسأل عن طريق مكه يكون طريق مكه خط سريع الى مكه مباشره ما يضيع ابداا

 

[Q8_4ever]

عليكم السلام هلا اخوي

اقسم بالله توفى 16 واحد من جماعة رفيجي بطريق ظـــلــم ... الله يرحمهم ..نصيحه لاتروح لهالطريق ترى خطر وضيق

انصحك تمسك طريق الرياض مثل ما قالك الاخ توصل للمجمعه بعدين تاخذ الجسر يمين وتنزل تاخذ يسار اجباري وتكمل سيدا واللوحات ماتقصر واذا بغيت الخرايط اللي توديك من الكويت لمكه.. دش قوقل واكتب الطريق من الكويت لمكه

http://www.google.com.kw/search?hl=...urce=og&sa=N&tab=wi&ei=wcQzT-HEJ5T58QPXq7HRAg

اخوي دش هالرابط وتابع الصور وسجلهم بورقه ... وتنبيه لاتروح لطريق ظلم ... هو صج انه اختصار 200 كيلو ...بس ماتسوى لا سمح الله يصير شي بالطريق .. الله لايقوله ...اتبع طريق الرياض

والله ولي التوفيق

 

[Q8_4ever]

لقيت خوش رد بموقع قوقل اسئله واجوبه

إذا وصلت الحفر تتجهة إلى المجمعة مروراً بأم رقيبة والأرطاوية ومن المجمعة يجيك طريق القصيم الرياض السريع تتجة للرياض ومن الرياض فيه لوحات إرشادية ما تضيع تدلك على طريق مكة مروراً بالطائف حول 900 كيلو تقريباُ بس طريق سريع وحلو
ومن الطائف عندك ((طريقين))
1- طريق السيل سريع قبل ما تدخل الطائف يجيك لوحات ترشدك لهذا الطريق ولكن كن حذر في بدايته (السيل الصغير) من الشاحنات والمنعطفات
2- طريق الهدا وهي عقبة مزفلتة وسريعة والمسافة أقصر ولابد من دخول بداية الطائف وتجد أيضاً لوحات ترشدك إلى مكة

الطريق بإختصار واضح وسهل وآمن وفيه لوحات بأسماء المدن والمسافات ومحطات وإستراحات كل هذا سخرتة حكومتنا الرشيدة لخدمة زوار بيت الله ويمر بك على محافظات وهجر ولكن المدن الرئيسية التي تحول منها مسارك هذي هي
الحفر - المجمعة - الرياض - الطائف - مكة



----------------

اخوي انصحك برامج جي بي اس GPS حق الخرايط اذا حاب تتاكد من طريقك وعسى الله يسهل دربك

 

[Q8_4ever]

اتبع طريق الرياض مرورا بالمجمعه مرورا لخط القصيم والرياض السريع

 

[faisal134]

والله يخوك اشتر جريده اتلاقي تذكره والسكن 3 ايام ماتكلفك 250 واشتر راحت بالك انا توني راد
لان شوارع مكه ادوخ وعلى حسب مسافطه راح تطلع من عينك
وعمره مقبوله مقدما ودرب السلامه