مالأفضل تجفيت المكينة ام تبديلها

[qadsawi]

السلام انا سيارتي بليزر 2002 قبل اسبوع تقريبا وديت سيارتي الكراج وفحصها قالي الريت مخلوط مع الماي ومافي الا تجفيت قتله ماشي اروح واردلك وانا راد طفت علي بالطريق وانا صارلي اسبوع محتار بين التجفيت او اشتري مكينة مستعملة الي عندة خبرة بهاالسوالف ينورني واذا عندكم كراج زين وثقة ياليت تدلوني عليه .

 

[al.loord]

والله اخوي اذا مكينتك حلوه وتعرفها من رايي تجفتها وعلى فكره التبديل ارخص من التجفيت

 

[houseonmars]

اخوى اذا نيه بالبيع دق على

********

 

[qadsawi]

الله يعطيكم العافية بس ودي اعرف جم اسعارهم لاني رحت امغرة لقيت من 450 الي 370 والتجفيت علي ٤٥٠ الاسعار زينة ولا مبالغ فيها

 

[بو حمد2010]

اخوي شوف اذا تبي تجفت احسن لك بس لازم تكون عارف الميكانيكي ..

وفي مكاين بالسكراب استعمال امريكا تراها زينه واستعمال الكويت ترا اغلبها مجفتينها

 

[القديم 22]

اخوي فيه واحد سوري يخاف الله مصلي مظبوط ​

اقوله عن تجربه اسمه نادر في الفحيحيل ت 99484083​

على فكره سعره مناسب​

 

[slmaan]

نصيحتي حاول تبعد عن امغرة وبلاوي امغرة بين عشر مكاين تلقى مكينة سليمة
اذا بتشتري مكينة من معرفة وثقة وموماشية ماعندك مشكلة
ومازيد على كلام الشباب اذا المكينة جيدة جفتها احسن وانا جفت سيارتي الصيف اللي طاف ولقيت مكاين ارخص من التجفيت والحمدللة ماندمت السيارة ماشاء الله رجعت وكالة بس اهم شي اتابعهم
مر الشويخ عند النجم الثلاثي بشارع الهوندات واسال عن ناصر الميكانيكي وقولة بجفت وقولة جايك من طرف العدواني وراعنا بالسعر ومن هالكلام ماراح يقصر وياك

 

[joblak]

اخوي فيه واحد سوري يخاف الله مصلي مظبوط ​

اقوله عن تجربه اسمه نادر في الفحيحيل ت 99484083​

على فكره سعره مناسب​

والله ونعم نادر ابو محمد عز الله انك ما كذبت وانه مصلي وامين ابن الحلال

 

[طلال701]

نصيحتي لك انك تجفت المكينه على الاقل انك تكون عارف ان كل الاغراض جديده مو نفس المكينه المستعمله ممكن يكون فيها ربل صباب مع الوقت تصير تدخن

 

[المساهم 9]

نصيحه جفت الماكينه. ( عند ميكانيك مضبوط )

 

[qadsawi]

الله يعطيكم العافية علي النصايح

 

[mrhbaa]

واخوي نفس ما قالولك الاخوان ونعم النصيحة التجفيت احسن لك لعدة اسباب​

عمر المكينة بالسكراب غير محدد ولو فحصتها ولويتها لوية عن خبرة والله اقولك هالكلام الا في حالات مستعصية مثلا قطع غيارها مو متوفره او نااااار بالسوق وبما انه سيارتك عادية التجفيت احن لك لانه على الاقل اتعرف اشكثر راح اتعمر معاك المكينة​

وعندي ميكانيك امين ابشغله وايد ويخاف الله حيل وشغله تجفيت مكاين بكراج بيتهم واسعاره جدا مناسبه واهو يشور عليك بالاحسن ​

دق علية واستفسر 99466384 اسمه عباس قوله من طرف جارك محمود ابو علي واكيد ما راح يقصر معاك​

 

[hamad99]

ممكن أحد ينورنا بكراج فيه ميكانيكي ممتاز ويخاف الله حق جيب فورد ، كابرس وكامري....ما أقصد تجفيت مكينة ميكانيكي حق كل شغل الميكانيك

وشكراً.......​

 

[Se7T]

اخوي اذا الفرق 20 او 50 لاوالله جفت احسن
لأن امغره مالهم شغل بالفك والتركيب او انهم ياخذون فلوس على التركيب او يقولك في كراج يركب روحله وطبعا هالكراج بأمغرة وتابع لهم عشان تكمل فصول المسرحية
التجفيت احسن اذا مافيه فرق بالسعر

 

[mrhbaa]

ممكن أحد ينورنا بكراج فيه ميكانيكي ممتاز ويخاف الله حق جيب فورد ، كابرس وكامري....ما أقصد تجفيت مكينة ميكانيكي حق كل شغل الميكانيك

وشكراً.......​

السلام عليكم اخوي hamad99 بالنسبة للميكانيك وايد ويحدد الشغل بالمكينة على حسب العطل كهراباء اوميكانيك كل واحد على حده على العموم
ميكانيك جيبات اسمه محمود وهو سوري بالشويخ يخاف الله وجاري اعرفة حق معرفة قوله من طرف جارك ابوعلي كراج الفرنسي يشتغل جيبات ووانيتات وامريكي ورقمة 99703483
اما بالنسبة للكامري ما ادري شنو فيها ولكن في كراج ميكانيك ياباني تخصصه تويوتا و بجميع انواعها حتى اللكزس شغله ممتاز وباكستاني ولكن دق علي اوصفه لك اخوك بوعلي 66286464

 

[al.loord]

اخوي التجفيت اذا في واحد يظبطه جفت احسن لان مكينتك وتعرفها

 

[الهاشمى 1]

نصيحة لاتبدل بالسكراب انا بدلت والله مكينة قبل 3 شهور بالسكراب وبعد شهر طلعت تصرف وماردوها