راح يعطونك اللى سددته
وبعد الأطلاع على أوراقك وأولهم وثيقة الأرض وصدور قرار البناء
يطلعك شيك مباشرة الأنجاز أعتقد 8500 دينار على ما أذكر
ويعطونك كتب موجهه الى وزارة التجارة مجمع الوزارات فوق الدور الثالث قسم التموين
45 طن حديد ( 3 كتب كل كتاب تسحب فيه 15 طن ) وتقدر بالكامل تسحبهم لكن ما أنصحك نزل كل ماتخلص مرحلة بنيان شويه وأرفع الحديد على خشب وطربال أكيد عشان الأمطار والماى طبعا حساب الطن 75 دينار جميع أقطار الحديد )
80 متر طابوق أبيض العازل ( 4 كتب كل كتاب تسحب فيه 20 متر )
4500 كيس أسمنت مدعوم ( تطلب هالكمية اللى تبيها للموقع من عمارة الأسمنت شرق بعد فتح حساب عندهم وتسحب الكمية اللى تبيها طبعا راح يحسبون لك الكيس المدعوم 800 فلس واذا سحبت كمية أقل من 400 كيس راح يحسبون لك الكيس على 820 فلس زياده 20 فلس للكيس الواحد أذا تبي شوري نزل 400 كيس أول مره عشان بناء الهيكل الأول بناء الطابوق الأسود المداميك راح تستهلكهم واذا زاد كمية بسيطة راح تبيعهم لأني أنصحك نصيحة لله الأسمنت بذات لا تخزنه عندك لمرحلة التشطيب المساح والعازل وتركيب السيراميك لأن الماي والحرارة راح تخرب الأسمنت لك )
حسبة بسيطة لك أنت فى الهيكل الأسود ما راح تطوف تقريبا 300 كيس الى 350 كيس على حسب الأدوار والكمية الزايده تعتبر هدر عليك وسوء تصرف من معلم الطابوق المساح اذا كان شغل المقاول سليم ومعلم الطابوق سليم ومافى جسور مضروبه فيها أعوجاج وصف الطابوق سليم راح تسحب تقريبا من 1000 كيس الى 1500 كيس بدون سرداب للمساح الداخلى والخارجي والعازل راح تحتاج كمية على حسب كم حمام عندك لكن كمية بسيطة وكذلك السيراميك راح تحتاج كمية ممكن تصل الى 500 تقل أو تكثر علي حسب الأدوار عندك لكن أحب أقولك أخوى كمية الاسمنت كافية بأذن لله وتزيد عندك
وأى سؤال أنا حاضر عسا الله يوفق الجميع