سؤال بخصوص تخفيض رأس المال

[KUWAIT_V]

طبعا قبل السؤال احب اوضح الي مفهوم عند الكل

اذا عندك 80 الف سهم بعد التخفيض يصير 40 الف

وسعر السهم ضعف من 20 الى 40

هذا الي اعرفه

لكن السؤال

هل يختلف تخفيض رأس المال من شركه الى أخرى ؟؟

يعني بعض الشركات تقولك تعطيك فقط 30% من اموالك بشيك ! وال30% تعتبر خساره وال30% الأخيره تاخذها الشركه

 

[Navigator]

السلام عليكم ورحمة الله وبركاته

اخفاض رأس المال لا يختلف من شركة واخرى

لكن الاختلاف يكون بنسبة الخفض يعني فيه شركات خفضت راس المال بنسبة 50% وهي اللي يتبقى وياك نص عدد اسهمك لكن بنفس السعر عند الاقفال اي يضاعف السعر بعد الخفض

وفيه شركات قامت بتخفيض رأس المال باكثر من 50% وسعرها بعد الفسخ يكون موازي لنسبة التخفيض

والشركه ما تسلمك شيك ولا تاخذ من اسهمك شي

اللي يحصل ان الشركه تقوم باطفاء الخسائر المتراكمه والمرحله بعد استنفاذ كل الاحتياطات وعلاوات الاصدار من الخصم من راس المال وهو يساعد الشركه على الخروج من تعثرها ويقلل راس المال وتقل معه الاسهم المصدره

بالتوفيق

 

[KUWAIT_V]

اذا كانت 70 % او اكثر

شلون يصير التخفيض وشنو يصير بفلوسي ؟؟

 

[Navigator]

اذا كانت 70 % او اكثر

شلون يصير التخفيض وشنو يصير بفلوسي ؟؟

اذا تملك 100 الف سهم يصيرون 30 الف

ويتفسخ بسعر اعلى من اغلاقه قبل التخفيض شنو اللي حصل ؟

عدد اسهمك قل لكن سعرهم نفس سعر الاغلاق قبل التفسيخ