طلب نصيحه

[yoyo1983]

السلام وعليكم

انا عندي مبلغ صغير ودي اسوي مشروع اصغير بس ما ادري شنو اسوي

ودي اتشاركوني افكاركم او تنصحوني

وشكرا لكم ​

 

[waham]

بر الوالدين !! مطعم او كهرباء وبنشر او كراج ميكانيك واذا فلوسك وايده دش العقار ..

 

[Faris]

إن أردت النصيحة , لا تدخل أي مشروع كان إن لم تتوفر لديك خبرة سابقة عن المشروع وخباياه , مهم جدا ...

لا تتبع أحد! بمعنى أن لا تجعل لنفسك تابعاً للمال والسبب هو جهلك لمشروع أو شخص يُدير المشروع لأنك فى النهاية سوف تخسر الكثير ..

حاول أن تستعين فى الله أولاً ومن ثمّ على نفسك واتبع ما تُحب ؟ كيف , إسئل نفسك ماهي هيواياتك؟ ما الشيء الذى تتمناه أن تدخل به مشروع؟ بمعنى أخر: اجعل من هوايتك هي مشروعك , هواتف , كمبيوترات , سيارات , عقار , أياً كان الاهم انت ماذا تُحب؟ والذى تُحبة سوف تُبدع فيه .

وأخيرا ابتعد عن الاستعجال والقلق من المستقبل فهي مفتاح خسارتك فى كل شيء وليس فقط فى التجارة! إستعن بالله ولا تتعجّل , خذ وقتك فكّر كثيرا , إدرس أي مشروع تُريده من كل النواحى "ولا تعتمد على أحد" ومن ثم توكّل على الله ..

وبالتوفيق بإذن الله .

 

[إبن الوليد]

ياهلا والله

يامرحبا سويت ليلى

والله اللي اعرفة انج تعلمين بلد كامل ودولة ببشرها


ولكن الان الوضع صار صعب حيل بتجارة

اقل شي للمردود براس المال 500 الف دينار حتى تتمكن


عليج بالعقار ثم العقار مافية غيرة هو الثابت الذي يزيد ولا ينقص

اقل شي شقة تمليك

قليل مستمر ولا كثير منقطع

اما المحلات يشكون الحال في الاسواق ودفع الاجارات

 

[زهره]

افتحلك حلاق وييبلك جم تركي
ماراح يخسر لانه الكل اظل لازم يحلق
اهم شي يكونون من جنسيه وحده عشان ما يختلفون

 

[نجوم777]

السلام وعليكم

انا عندي مبلغ صغير ودي اسوي مشروع اصغير بس ما ادري شنو اسوي

ودي اتشاركوني افكاركم او تنصحوني

وشكرا لكم ​

يويو منين طلعتى حمدالله على السلامه .......جيبى اغراض من دبى جم شنطه واقعدى بيعى على الحريم رفيجاتج جيرانكم

 

[زهره]

الحين يويو هي والا هو؟

 

[away1979]

الحين يويو هي والا هو؟

يويو بنيه يعني هي بالسابق اسمها سويت ليلى

ليلى قبل 12 سنة حطيت مبلغ صغير 52 ألف بمشروعين كنت متحمس ومتأمل بالمردود تصديق شفتج ولا شفتهم

ف انصحج اتجهي للعقار واتمنالج كل التوفيق

 

[yoyo1983]

جزاكم الله الف خير واتمنى المزيد من المشوره

 

[فضل]

عاش من شافج ليلى


بالنسبة للاستثمار ، لازم نعرف بالاول كم المبلغ او بشكل تقريبى

وعلى كل حال ، ما يعلى على العقار

اذا المبلغ كبير اخذى بيت واستثمريه واذا اقل اخذى شقه تمليك

او حتى لو جاخور ب جبد ، واقسميه نصين واستثمري ايراده ..

​

 

[العاشق]

افتحلك حلاق وييبلك جم تركي
ماراح يخسر لانه الكل اظل لازم يحلق
اهم شي يكونون من جنسيه وحده عشان ما يختلفون

ان اتفقو اتفقوووو عليج

فرق تسد

وخصوصا الحلاقين ماكو فواتير​

 

[العاشق]

مابي احبطكم بس الفلوس تعرف اهلهااا

سافروووو وستانسووووو ودعولي

حياكم الله وعاش من شافكم اخوي واختي ​

 

[Navigator]

الحمدلله ع السلامه

عليج بالصين مع واسطه بالجمارك

او

اذا فيه منحه بالطريج اشتري كم ايفون وايباد كمية وبيعيها اذا نشفوا السوق

 

[العاشق]

الحمدلله ع السلامه

عليج بالصين مع واسطه بالجمارك

او

اذا فيه منحه بالطريج اشتري كم ايفون وايباد كمية وبيعيها اذا نشفوا السوق

حي الله بوسلماان

ذيب على هالنصيحه

وعن تجربه اشتريهم من لندن ارخص من الكويت بفرق كبير

بس حطي في بالج ان حدج خمس اجهزه لكل واحد بالطياره لان التاكس فري مالهم بعد البوردنق

تقدرين تستغنين عن التاكس لان حتا وانتي دافعه ارخص بمبلغ يسوا
اخذي الكميه المسموحه معاج داخل الطياره
والباجي بالجنطه ​

 

[قلم حر]

صري فليساتج شعب كله بالبورصه وعنده محلات

منو يبيع على منو ؟


الحمدلله ع السلامه أوخيتنا

​

 

[kwto_o]

مصبغه أو حلاق بس