.
... السلام عليكم .. يالله أنك تحييهم شلونكم يا أحلى أعضاء ...
أنصح الكل يجيك ع أسمه يمكن يحصل بيوت بأسمه مو بيت واحد ويروح ياخذ الوثيقه من الأسكان
........ الموضوع... صار لي يومين مراكض ورا تخليص أجراءآت بيتي الحكومي اللي صار لي أنتظره أكثر من 15 سنه وبعد أستلامي المفاتيح قالوا تراجع وزارة الأسكان
رحت أمس الأثنين وخلصنا وحولوني لوزارة الكهرباء والماء طلبوا أستخراج براءة ذمه .. لما طلع البرنت قالوا روح الصندوق أدفع المبالغ اللي على بيوتك ههههه أي بيوت..! الموظف طلع عدد 2 برنت بعنواينهم طلعوا قسيمتين بأم الهيمان رقم 569 و 570 يعني جنب بعض
ياسلام قلت والله ماعمري شريت بيت ولا صار بأسمي بيت ألا اللي أنا بشغل كهربته قال لا يبا عندك مبالغ ولازم تدفع عشان تطلع براءة الذمه وتخلص قلت وين المسؤل بشرح لهقال يبا والله ماراح أحد يفيدك هذا الأسم الرباعي متطابق مع الرقم المدني
المهم رحت المسؤل ونفس كلام الموظف ودزني حق مدير آخر بنفس الإداره
ونفس الكلام طلعت لقيت ولد شباب برا مع السكرتاريه قلت سالفتي قال معاك أثبات فيه الأسم كامل اللي بالجنسيه قلت موجوده أعتقد معاي بالسياره صورة الجنسيه قال جيبها وإن شاء الله تنحل المشكله رحت السياره دورت مالقيت والساعه تقريبآ 12.30 الظهر قلت ماكو ألا باجر أروح لهم .. المهم رحت اليوم الثلاثاء وسيدا ع الموظف سلام هلا والله كيف حالك ياغالي بخير الله يسلمك قلت هذي الجنسيه وجبناها قال أبشر بس دقايق خمس دقايق جان يقول يلا مشينا رحنا حق المسؤل الأولاني ونفس الكلام اللي أمس قاله هني الأسم في خمس أسماء غير العائله أكيد يختلف عن اللي بالبرنت وطقطق شوي ع الكمبيوتر مره ثانيه وإن أحتمال ممكن ع النظام القديم ماطلع معانا شئ قال خل نروح المركز الآلي رحنا الموظف ع الباب واقف وممنوع الدخول لغير الموظفين دخل صاحبنا بعد شوي طلع برنت لونه غير وفي الأسم متطابق مع الرقم المدني وإن ماكو كلش نفس أسمك بالديره
يعني دافع دافع .... الأخ حاول بكل الطرق وقالي والله ودي أفيدك بس روح لفلان ممكن يقدر يساعدك قلت الشكوى لله وصدفه ولا في واحد يمشون وراه خمسه يمكن مهم وأنا بس ودي أحد يحس باللي أحس فيه ههههههه
لو سمحت ممكن ثواني تفضل قلت ع السريع المبالغ هذي ماتخصني قال طلع عنواينهم وتعالي من دوخت الراس نسيت أن العنواين معاي رحت أطلع العنواين قالي الموظف معطينك أمس ههههه قلت مشكور أخوي قال العفو بس ياأخوي صدقني ترا محد راح يقدر يسويلك شئ نصيحه أدفع وخلص نفسك ياولد من صجك تحجى
قال أي والله أوكي مع السلامه طلعت منه قلت بروح أدفع بالصندوق وأفتك .. عطيت الموظف المعامله
وأقوله سالفتي وألا هذا أخينا اللي قالي طلع عناوينهم جاي قلت بو فلان هذي العناوين طلعتهم قال ليش ماجيتني ؟ قلت جيت هني أجيك قال هذا مكان دفع ليش ماجيت عندي قلت أنت شتبي توصله إذا تقدر تحل مشكلتي يلا حلها وماله داعي تقول ليش جاي هني ... أبن الحلال سكت وقال أنطر دقيقه بس ... بعدها قال تعال معاي رحنا مكان فيه فوق 50 كمبيوتر بغرفه كبيره وخذا الأوراق وهات تسجيل الأسم حرف حرف وبيانات البيوت يمكن فوق نص ساعه حاول بكل الطرق أثناء ذلك أتصل عليه واحد من ربعه ويسولف معاه وألا يتكلم بخصوص المنحه الـ 2000 مالت الكهرباء سكر منه قلت له بومحمد ماتشملني الـ 2000 ع سبيل المزح قال ألا بس أول شئ تروح لوزارة الأسكان تجيب وثائق بيوتك هههههههه قلت والله ثم والله
أنه ماعندي ولاعمره صار بأسمي بيت ألا قبل أسبوعين طالع لي
شفيكم مو مصدقيني..؟ جان يضحك وأعتذر مني بكل أدب وشكرته وودعته
ع الساعه وحده بعد الظهر رحت الصندوق وأدفع المبلغ خلصت قلت الحين خلاص أروح براءة الذمه أطلعها قالي أي خلاص رحت السلام عليكم وعليكم السلام
أخوي دفعت الحين أبي براءة ذمه قالي والله السستم واقف هههههههههه
يبيله جوله مره ثانيه بإذن الله ..........
السؤال ... فواتير من سنة 1992 إلى اليوم ألم يكن للوزاره معرفة عنوان سكني لكي يبلغوني لأدفع لهم أستحقاقهم المترتب علي..؟
.. المهم بقولكم أستنتاجي عن اللويه اللي من أمس لاحظت أن جميع الموظفين والموظفات كويتين ..
وأشهد الله بأنهم كانوا قمه بالأخلاق والأحترام وجدآ متعاونين مع الجميع وحاولوا بكل الطرق يخدموني لما حسوا أني صادق وأن المبلغ مايخصني
.. كذلك أختفاء العنصر المصري من جميع موظفي الدور الأول بوزارة الكهرباء
ولا يوجد أجنبي غير البنغالي للقهوه والشاي والتنظيف ... وبعض المراجعين
.. مصافط السيارات بـ الوزراره قليله ولاتستوعب أعداد الموظفين وهي وزارة خدماتيه ..
يعني اللي يروح محتمل يوقف على بعد كيلو متر لـ يستمتع برياضة المشي
... ممكن تخلص معاملتك وتروح سيارتك وتلقى كابح الداخليه ينتظرك هههههههههه
.. نقطه أخيره / آسف ع الإطآله .. ودمتم بحفظ المولى ,,
.
.... مشكور مشرفنا ,, 
