باترول الجديد v8

[اللوبي]

مرحبا اعزائي،،

منو استعمل نيسان باترول الجديد v8

نبي من عندة معرفه به عن تجربه يذكر

لنا مزاياه وعيوبه

ثباتة في الطريق ،،، ميول السياره بالطرق المنحنية

قوته ،، هل هو جامد ديكوراته لها اصوات وقرقره معا الاستعمال



استهلاكه للوقود ،،، عزم الماكينه


تجربته في الصحراء


اتمنى اجد الاجابه عن تجربه في موقعنا هذا ومن اعضائه*

وشكراً

 

[اللوبي]

لايوجد رد
غريبه هالسياره ما فيه احد جربها
متوقع جذيه
وبالشوارع شكثر 

 

[سلطان الخليج]

باختصار شديد

توكل علي الله واخذها

 

[الاحمـد]

موتر كد ومد
وعملي لابعد الحدود

 

[الجووف]

السلام عليكم
عندي موتري 2010 صار له سنه ونص ولله الحمد ممتاز فئة الستي ابشن كامل المواصفات ماعدا الرادار
من ناحية البانزين فوق الممتاز مايصرف سافرت عليه ونزلت فيه للبر جامد مافيه اصوات مزعجه وناعم بالخط وقوي بالممشى والقومه يعني يسوا وافضل من الاند ك شكل ولون داخليه وعزم وممشى ونعومه بالخط مواصفات عاليه من ناحية الدفع الرباعي يعني يسوا قيمته
السلبيات الي شفتها فيه استهلاك السفايف يعني كل 20 الف احسب احسابك انك اتبدلهم وسعرهم بالوكاله 31 دينار أمامي وعوامة البانزين فجئه اختربت وتم تبدليها على الكفاله والحمدالله مكفول 5 اسنين من غير تحديد مسافه انا اتكلم على فئة الـle الستني النوع الأخر ما اعلم عنه شي
أتمنى اني افتك ببعض المعلومات
واسف على الأطاله .

 

[تاجر جملة]

اذا بتاخذ اخذ الستي لانه كشكل احلى و مواصفات اكثر ،،، انا عندي ٢٠١٢ البيسك حاس ان وايد ناقصته مواصفات مثلاً الكامرة الخلفية تحكم ااستيريو بالسكان مكان النفيجيشن حاطين درج لكن كشكل ديكور خارجي فخم
الحين فرصة نازل نسخة تذكارية الدايموند اديشن

 

[احمد عبيد]

السلام عليكم
الاخوان ما قصروا بالافادة واحب اضيف عليه انا عندي ال اي فل اوبشن مع الرادار والقيادة الالية بالاضافة لاربع كاميرات سياره بكل اختصار تستاهل قيمتها وكاستعمال وقوه عندك اليوتيوب شوف مقارنته باللكزس كسعر ومواصفات وكفاله انا اتكلم عن فئة سيارتي .
ففئة ال اي كمواصفات تقارن مع اللكزس وفئة الس اي تقارن مع الفي اكس ار .
السلبيات لا يوجد بالسياره لحد الان وان وجدت السيارة مكفولة خمس سنوات عالوكيل .
وللاسف .
واخيرا اتمنى التوفيق للجميع.

 

[بوخالد350]

انا كان عندي لكزس 2009 وبعته وشريت النيسان ال vip2010 فرق السما عن الارض !! الكزس شكل خارجي وجماده بس,, النيسان اخف وتمشي عليه 220 كاءنك واقف ثابت وعلى المنحنيات ثبات الماني ومايميل وفخامه داخليه ووساع وبالابر روعه يعني بكل المقايييس افضبل من اللكزس ,,الى في شغله وحده ماقدر اجزم فيها وهي الخرابات وجماده الموتر بالمستقب يعني بيكون قوي والى يهرقل مثل القديم الله اعلم,,

 

[اللوبي]

اشكركم علي الردود



استفدنا من تجاربكم والاراء كلها ايجابيه







ماقصرتوا