افيدوني عن عقد وتسجيل شراء شقة تمليك، هل الإجراءات سليمة؟

[Righterette]

يعطيكم العافية ..
ناوين نشتري شقة تمليك بالكويت إن شاء الله ..
وفي شركة قاعدة تبني عمارة ... وباقي لهم تقريبا شهور على انتهاء التشطيب والتسليم ..

1) طريقتهم قاولوا لي أدفع نصف المبلغ ويسوون لي عقد بيني وبينهم ..

2) وأقسط نص المبلغ الثاني على الأشهر الباجية ... وتكون وقتها العمارة خلصت .. وأنا أكون سددت القيمة كاملة

3) بعدين يسجلون لي الشقة رسمي بوزارة العدل ما تكون العمارة انتهت واكون انا سملت التكلفة كلها

قلت لهم أدفع لكم المبلغ كامل وسجلوا باسمي الحين ... قالوا ما يقدرون يسجلونها باسمي في وزارة العدل والعمارة مو خالصة


بصراحة الواحد يخاف يشتري سمج بالماي!
أنا رحت شفت العمارة وبالفعل شغالين فيها ..
بس بعرف هل هذه الطريقة سليمة ؟ وعادي ما أسجل الا لما تخلص العمارة؟

شنو الأشياء اللي لازم اتأكد منها في العقد؟

يا ريت تفيدوني .. واجاباتكم راح تكون مفيدة لكل اعضاء المنتدى لأن هذي امور لازم كل واحد بيشتري يعرفها .


فلا تبخلون علي بأي معلومة تفيدني

وشكرا لكمــــــــــــ

 

[تأبط خيرا]

أشتر شقة جاهزة و حولها رسمي حتي لو غالية شوي

ولا تشتري سمك في بحر

 

[fayoona74]

طريقتهم سليمه واللي يحفظ حقك العقد اللي بينك وبينهم والوصولات