تساؤلات بخصوص البنتلي

[قانوني]

للمختصين بالسيارات عندي كم سؤال بخصوص البنتلي :

1 - متى يتغير شكل السياره اي سنه ( و اذا بالامكان ارفاق صوره للشكل الجديد ) ؟

2- للمستخدمين : شلون استخدامها و اسعار قطع غيارها ؟


و شكرا

 

[جلاردو]

هلا فيك اخوي
بالنسبه للإستخدام جدا جدا ممتازة وكراف مشاءالله عليه قوي ويتحمل جو الكويت

من ناحية الخرابات تطمن مايخترب بسهوله بس اهم شيء ركز على السيرفس اول باول

بالنسية للشكل تحت 2012 يعتبر شكل قديم 2012 يعتبر شكل جديد وصعب يتجدد الموتر لأنه الإختلاف بالجامات الرئيسية وليس فقط الإسطبات

بالنسبة للسيرفس زيت وفلتر 140

سفايف 600

تصفية كامله للسيارة 700 دينار شامل زيت فلتر + فلاتر هواء بانزين + بلاكاات امور التصيفة متعارف للجميع عنها
باجي الامور مثل سناسنر وسوالف برمجيات سهلة يعني موذاك الزود بالسعر
وسعر الشكل الجديد 2012 بالوكالة إبتداء من 70 الف
وبالتوفيق

 

[جلاردو]

طبعا انا اتكلم عن البنتلي الجي تي الباب واحد الكونتيننتال

 

[قانوني]

مشكور اخوي جلاردو ..
معلومات قيمه جدا ...

جزاك الله خير

 

[sound blaster]

صراحه خُوش مُوتر وواضح أنّه عَملي.. سفايف بَس ب 600 يابلاش ...أكيد الهَيئه ..بأربع ألاف

بالتّوفيق وتكسرها بالعَافيه ..

 

[بوخالد350]

اخوي لغيايت 2012 ماتغير فيه شي جايد من برا الليات الاماميه صار بطرافها لمبات ال اي دي..يعني الخبره يصيده وعامت الناس ماتفرق فيه ,,نزلت فأه جديده اسمها مولسان,,واهي اربع بيبان واكبر من الفلاينج سبير وسعرها حوالي 98 الف,,انا عندي فلاينج سبير واهي نفس مكينة الجيتي ابدل لها الزيت مع الفلتر كل 10 الاف ب 50 دينار والسفايف الخلفيه بدلتها ب 70 دينار هاذ عند ميكانيكي اسمه والفي بالري,,فلته وكراجه على قده بس يوفر لك بالشغل عن الوكاله حوالي 70 بالميه او اكثر ,,اذا بتشتغل بالوكاله الله يعينك انت شاري بنتلي قيمتها جديده 70 الف لازم سيرفسها يجوي اللكزس سيرفسه يوصل بالوكاله 400 شتوقع من البنتلي البورش الي اقل من نص قيمه البنتلي سفايفه ب 450 دينار مع الشغل بالوكاله!! اتمنا لك التوفيق وكثر من الاستخاره..

 

[تاجر جملة]

اخوي لغيايت 2012 ماتغير فيه شي جايد من برا الليات الاماميه صار بطرافها لمبات ال اي دي..يعني الخبره يصيده وعامت الناس ماتفرق فيه ,,نزلت فأه جديده اسمها مولسان,,واهي اربع بيبان واكبر من الفلاينج سبير وسعرها حوالي 98 الف,,انا عندي فلاينج سبير واهي نفس مكينة الجيتي ابدل لها الزيت مع الفلتر كل 10 الاف ب 50 دينار والسفايف الخلفيه بدلتها ب 70 دينار هاذ عند ميكانيكي اسمه والفي بالري,,فلته وكراجه على قده بس يوفر لك بالشغل عن الوكاله حوالي 70 بالميه او اكثر ,,اذا بتشتغل بالوكاله الله يعينك انت شاري بنتلي قيمتها جديده 70 الف لازم سيرفسها يجوي اللكزس سيرفسه يوصل بالوكاله 400 شتوقع من البنتلي البورش الي اقل من نص قيمه البنتلي سفايفه ب 450 دينار مع الشغل بالوكاله!! اتمنا لك التوفيق وكثر من الاستخاره..

لاخوي متغير الليتات الامامية اصغر و الخلفية مربعة و الدبة صار لها حدبة و على الجنب قصة الجام تختلف ،،، الموتر بالنسبة لاسمه سعره مناسب بس انصحك تتعب على اللون الداخلي و الاكسسوارات الخارجية و الكيبات و الشبك يعني قط 5000 دينار زيادة بس طلع الموتر مميز

لون قوي بالنسبة لي على البنتلي شفته بهونج كونج بني غامق باكسسوارات ذهبية شبك و نياكل و كيبات لون ذهبي كروم شادو ،،، من داخل تان ،،، مافي ولا سيارة بنتلي بالكويت نفس اللون

 

[قانوني]

الشكر لكل من شارك بالموضوع ...

فيه سؤال بخصوص الشكل بيتغير مثلا بسنة 2013 ولا هالسنه او اي سنه
و كل كم سنه يتغير الشكل ..

و شكرا

 

[تاجر جملة]

اخوي ٢٠١٢ توه متغير يعني يبيله اقل شي ٥ سنين علشان يتغير اذا الله احيانا ٢٠١٧ ممكن يتغير ،،، ما تقدر تتنبأ متى بالضبط لان شركة فولكسواجون اشترت شركة البنتلي من ٧ سنين و مافي خط واضح لوقت التغيير لكن مو اقل من ٥ سنين

 

[560SEL]

هذي بنتلي واسعار السيرفس عليها معقوله
الطوارق سفايفه مع الدرامات ب 500 دينار مع شغلها بالوكاله وينباع ب3500 وفوق شلون البنتلي

 

[جلاردو]

الفرق كبير واضح بالجامات الجانبية كبروها اللي خلف جامات الباب المثلث والسكان متغير كلي
والجام الخلفي ساحبينه لي تحت شوي والقزوزات و الليتات والشبك
والداخلية فيها فرق بفتحات التكيف وحجم الكشنات و الشاشه اكبر والرنقات
فعلا كلام بعض الاخوان السيرفس برة ارخص بس صدقني اغلبهم ترهيم جمبالا ومونتانا وربعهم والبنتلي مع الاسف طاحت سمعته وهيبته لان الكل قام يركبه ويصلح فيه بكراجات الشويخ
وهاذي الصور 2012

http://im11.gulfup.com/2012-01-09/1326103868571.jpg
http://im11.gulfup.com/2012-01-09/1326103868212.jpg
http://im11.gulfup.com/2012-01-09/1326103869383.jpg
http://im11.gulfup.com/2012-01-09/1326103869474.jpg