استفسار حق واحد باع سيارته اقساط

[q_kush]

السلام عليكم

الحين انا كافل الأهل بسياره حلو ؟

اقساط طبعا وانا كفلتهم


المهم


الحين نقدر نبيع السياره مطلوبه ؟

ولا لازم نصكر اللي عليها وبعدين تنباع ؟


لان ودي ابيع السياره واستفيد من فلوسها لان ماقاموا يستعملونها واستغنوا عنها الحين وعندهم سياره


واخلي الاقساط تمشي دام باقي عليه سنه ونص


يصير ولا لأ ؟؟

 

[مضارب أون لاين]

يصير يالغالي

أنا أكلمك عن بيت التمويل

تروح لفرع الري ، وتطلب منهم يسوون لك كتاب أسمه (حق التصرف)

موجه للمرور

وتقدر بعدها تبيعها والمديونية لا تزال عليك

طبعا لها شروط :

أن تكون المديونية أقل من 5000 دينار

وأعتقد المده اللي مطلوبه عليها السيارة سنتين

هذا حسب علمي .. والله أعلم ..

موفق ، وتقبل مروري ..​

 

[q_kush]

أذا المده لازم سنتين اتوقع صعبه ؟؟؟؟؟؟؟؟؟؟

انا ابي المده تكون 4 5 سنين على الاقل ؟

 

[خالد34]

ياخوي الامر سهالات اذا بغيت تبيعها عالطلب عادي يعطيك الفرقيه واهو يتحمل الطلب تحوله بأسمه واذا بتبيعها كاش هم عادي تروح تسكر المديونيه وتاخذ الفرق اوتاخذ كتاب منهم وتبيعها كاش وتكمل اقصادك وكلها تصير

 

[q_kush]

ياخوي الامر سهالات اذا بغيت تبيعها عالطلب عادي يعطيك الفرقيه واهو يتحمل الطلب تحوله بأسمه واذا بتبيعها كاش هم عادي تروح تسكر المديونيه وتاخذ الفرق اوتاخذ كتاب منهم وتبيعها كاش وتكمل اقصادك وكلها تصير

شلون اسوي هالكتاب وأخذه منهم عشان ابيعها كاش وكمل اقصادها ؟

 

[خالد34]

تروح لهم وتقولهم هالكلام ويكتبون لك كتاب ويوقعه المدير وتاخذه بيدك عشان اذا حولت بالمرور تعطيهم ويحولونها عادي

 

[صوت الارض]

السلام عليكم
اخوى شنو نوع السياره وموديلها وجم عليها
اذا بى ام انا اشتريها منك مع الشكر

 

[q_kush]

انا سألت صاحبي يقول مايصير جان الكل قزرها بهالسالفه


احترت معاكم واحد يقول يصير والثاني يقول مايصير


وين استفسر بخصوص هالشغله ؟؟؟

 

[Rolls]

اخوى العزيز كان اول يصير وسكروا هذى السالفه صار الواحد يشترى السياره وحولها اقساط على ظهره وبيعها ويستفيد من الكاش وصارت السياره كل واحد يسوى هذى الحركه وكل جه تطلبها هذى السياره وتفقو ا المرور مع البنوك ان تسجل السياره بالدفتر مطلوبه للأقساط ولمزيد من المعلومات حرك ارجولك وروح بيت التمويل وستفسر من المصدر افصل والله وأعلم.

 

[باحث الانترنت]

خذ الكلام منى طال عمرك بيت التمويل من شهرين تغيرة سياسته بالاقساط

انا تونى بايع سياره مطلوبه 6890 وباقيلها اربع سنوات ونص بعتها كاش وشريت سيارة هم حولتها

على التمويل وسعرها فوق العشر الاف والدفتر غير مطلوب للاقساط يعنى باي وقت اقدر ابيعها

بس يكون الطلب على المعاش يعنى الله يعينك على القسط

بس ماانصحك لانى متضرر من هالسالفه صج تعب نفسي تقاسط وانت ما تملك السياره

لو تبيعها على الطلب افضل من واقع تجربتي لاكن كل واحد وظروفه

اي سؤال انا حاضر بالخاص طبعا

والله الموفق