سؤال لخبراء الكابريس ltz 2003

[الموسوي81]

السلام عليكم ورحمة الله وبركاته

عندي سؤال بخصوص كابريس ltz 2003
شنو مشاكله وعيوبه ؟؟ وهل يصلح للاستعمال اليومي ؟؟
وهل قطع غياره وتركيبهم ياخذ فلوس وايد ؟؟
والحراره والمكيف شلونهم بالصيف ؟؟
وشنو احسن الكابرس ولا الفورد ؟؟


واسف على الاسأله بس حبيت اخذ رايكم بالموضوع ومشكورين

 

[S c O r P i O n]

الفورد احسن من الكابرس بمراحل
والكابرس زين بس بعد خمس سنوات يبلش خرابات واللي بتاخذة قديم وبيتعبك

 

[الموسوي81]

تسلم اخوي على مرورك اللطيف

 

[قريدر]

الفورد احسن من الكابرس من جكيع النواحي وارخص قطع غيار بالكويت اقصد فورد فكتوريا وماركيز

 

[قطار الشرقي]

الكابرس أحلى من الفورد بمراحل من حيث الشكل والمركب والرزة... بس عيب الكابرس انه كل5 شهور تقريبا يحتاج تصفية وتبديل سفايف واحتمال اذرعة المعاونات الصغيرة نسيت اسمها...
قطع غياره وصيانته رخيصة بس لاتفكر انك بتتم 6 شهور بدون لاتمر الصناعية
الفورد يدخل هوا من الدرايش وسيارة عادية جدا ، بس ميزته صيانته رخيصة وياخذ مدة طويلة بدون صيانة.. خصوصا اذا كان فيكتوريا.
انا جربت الكابرس2003 والفيكتوريا99 والجراند ماركيز2006

 

[B.A]

السلام عليكم
يالغالي نصيحه من اخ لاناخذه كان عندي واحد نفس القصه بس موديل اقدم خرابات عد وخربط كل يوم شي خربان
مستحيل يمر شهر او شهرين وشي مو خربان والقطع متوفره وسعرها جدا معققول

والمكيف ابرد من جمييييييع السيارات
استخدمتها سنتين الحراره ١٠٠٪
بس كان عندي تهريب ماي والماي يفضى وترتفع سويت الخرير و١٠٠٪

اقولك اعطال السياره عاللسريع

طرمبة ماي
طرمبة بانزين
طرمبة زيت
تراكشن
بككس
قير
باورستيرنق
دينمو