الطيران القطري

[السبيطي]

السلام عليكم
قررت بعد التوكل على الله السفر لماليزيا على الطيران القطري
وارجوا ممن لديه خبرة حول الطيران القطري والترانزيت كويت قطر ماليزيا
هل طيران قطر مريح
هل خدمات جيدة
وشكرا

 

[abdullah6868]

طيران قطر ممتاز من كل النواحى انا سفراتى لامريكا واسيا عن طريق القطريه
بس احذر لايكون الترانزيت فى مطار قطر طويل لان مطارهم صغير وخدماته عاديه

موفق خير ان شاء الله

 

[away1979]

بحفظ الرحمن

حلوة ماليزيا انا رحتلها ع الاماراتية بس عيبها البعد وبخصوص الطيران القطري والترانزيت ماجربته وفي من الربع راحوا عليها بس ماذكر احد ذمها !!

توكل على الله رحله موفقه تروح وترجع بالسلامة ​

 

[bo hazm]

نصيحه لوجه الله لاتسافر الا بالقطريه خدمه روعه ومواعيد بالضبط وطيارات جديده ونفسيه المضيفين روعه وشي راقي انا كل سفراتي لماليزيا عن طريقها بس اهم شي مايكون الترانزيت مدته طويله مثل ماقال الاخ عبدالله وتروح وترد بالسلامه

 

[al7bebe]

انا جربت الخطوط القطرية والصراحة ممتازة ومريحه وكراسيها وسيعه واذا طرت من الكويت لازم تطب في الدوحه وبعدها تطير الي الدولة المسافر لها

 

[السبيطي]

اشكركم على مشاركاتكم
والردود ولله الحمد تشيد بالطيران القطري
وبعون الله راح تكون رحلة ممتعة

 

[العاشق]

الكل يمدح القطريه بس للاسف انا تجربتي معاهم كانت عذاب

قعدونا بمطار الكويت 10 ساعات وعقب سكنونا فندق بالكويت

وقالو راح نوديكم ك تعويض الصبح بطياره دايركت وتالي ودونا قطر وهم سكنونا فندق ولا وصلنا ماليزيا الااا عقب يومين

راح علينا يومين من السفره ونص الشباب جناطهم ماوصلت الااا عقب ثلاث ايام من وصولنا​

 

[(طموح وقنوع)]

توكل على الله
طيران متفوق

 

[saadkuwait]