أخي الكريم
تحية طيبة
انا حديلك فكرة صغيرة عن الموضوع ككل
المؤسسة:
تقدر تفتحها بدون رأس مال ضخم وتستخدم للأعمال الصغيرة طبعاً دون أن تفرض عليها ضرائب المقرر العمل بها مع السنة الجديدة
إذا كانت المؤسسة رأس مالها صغير فلن تستطيع الدخول في المناقصات التي تشترط أن تكون مصنف للدخول بها وإذا اردت الحصول على تصنيف الدرجة الرابعة اللي هو اضعف شئ لازم تجيب شهادة رصيد بمبلغ 20 ألف دينار كويتي في رصيد المؤسسة فقط علشان تقدر تاخد التصنيف
المؤسسة في الغالب عدد العمالة الوافدة اللي تقدر تشغله عليها قليل بعكس الشركة فكلما كبر رأس مالها كلما زادت نسبة العمالة الوافدة الي ممكن تشغلها عليها
الشركة أفضل بكثير في الوقت الحالي من المؤسسة
لأسباب عديدة :
رأس مالها كبير ويمكن التسجيل في المناقصات بسهولة والحصول على التصنيف اسهل ما يكون
عدد عمالة كبير وسهولة في الشؤون اكثر من المؤسسة
الموظفين اللي عندك حيلاقوا تسهيلات كثيرة سواء في البنوك او المعاملات المالية والأقساط لأن الشركة يجب عليها في العقد ان تذكر مكافأة نهائية الخدمة ومدة التعاقد --- يعني بالضبط كأن الموظف اللي عندك شغال في البترول مثلا ،،، له مكافأت وجزاءات ونهاية خدمة وبدلات وسكن إلخ
بالنسبة لموضوع المصبغة او البقالة فأنا من فترة كنت عاوز ابتدي مشروع زي ده ولكن انصحك بأنك ما تعمله لسبب
ان معدل الربح منه صغير ومش زي ما انت متخيل --- طبعا الرزق بتاع ربنا ولكن لازم يتعمل لاي مشروع دراسة جدوى ومسح كامل للمنطقة ده غير اعداد الميزانية المالية للمشروع حتى ولو كان صغير
نصيحة مني افتح شركة وخليها شراكة بينك وبين الوالدة بنسبة 60% للوالدة و 40% ليك وطبعا ماتنسى تعملك توكيل عام علشان تقدر تتحرك في اي معاملات في اي حته واعتماد توقيع خاص بيك للعمل به
ارجو اني اكون قد افدتك
مع خالص تحياتي
