شنو رايكم بهذا المشروع ؟

[ابو هجاج]

السلام عليكم

يااخوان في بالي مشروع

استغرب منكم مااحد ذكره

مع انه معروف لكن مااحد تكلم فيه

اشوف انه مفيد بصراحه

مشروع تاجير البقيات في البر والمخيمات

تاجير البقي الساعه على 3 دنانير

ولو تحط 10 بقيات صدقني كلها بتتاجر

اقل شي 5 ساعات يوميا

هذا انت طلعت 150 دينار باليوم

تخسر تقريبا 10 دنانير بنزين

اشرايكم شباب بالمشروع مفيد ؟

بس اللي مااعرف كم اسعار البقيات ووين احصلهم

وشكرا

 

[خالد34]

الاخ الكريم مليون واحد سبقك على هالمشروع والساعه ب4و5 لكن وانا اخوك مشاكله كثيره لوتروح لمستشفى العدان راح تشوف الهوايل بالعشرات يدشون بالويك اند مكسرين وفيهم حالات وفاة والبقي ماله رخصه وممنوع وكل يوم ساحبينك غير اللي يروح ومايرد اعرف شخص بدون يترزق الله مخباته مليانه بطايق مدنيه بتروح تشتكي روح اصلاً هو ممنوع ماراح يعبرك المخفر عموماً هذي نصيحه واذا انت معزم انا شفت هني واحد يبيعهم بالجمله اخذلك اثنين ثلاثه وطقطق صوب مقبرة صبحان عالاقل جدام عينك والمسافه قريبه واهلهم وياهم والله يرزق الجميع

 

[ابو هجاج]

مشكور اخوي خالد على الرد يعطيك العافيه ابو وليد
انا كويتي يالغالي وعندي واسطه بالبلديه اقدر اضبط الامور
وبعدين المكان يكون بالبر داخل يعني مافي بلديه
والتاجير يكون عند مخيمات العوائل عشان اهاليهم معاهم