نبي نصايحكم يا اهل الخبره ( محتار )

[£ابومحمد£]

السلام عليكم جميعن
ياجماعه انا عندي مبلغ ومحتار اشتري سياره او اشتغل فيهم
للعلم ماعمري تاجرت ولا اعرف شي يعني ابيض
والحمدلله سياره عندي جديده والحين ابي منكم نصيحه
علمن انه المبلغ 15 الف
وانا رجال عسكري ما اقدر اسوي رخصه
ولا اعرف نظامها
والحين افكر بمشروع يدخل علي مدخول ثاني وثابت
وبصراحه فكرت في باص مدارس وتوهقت وين احصل السايق المضبوط
ارشدوني جزاكم الله الف خير والله محتار
وحرام اشتري موتر وانا عندي موتر 2009 لاند
انتظر ردودكم ونصايحكم
لا تبخلون علي اخوكم الصغير
وشكرا

 

[hdaf]

مرحبا اخوي

ارسلت لك رساله على الخاص

مع الشكر

 

[ابو عبدالله VIP]

مساك الله بالخير ابو محمد

اول شي انصحك تدير بالك من النصابين

اي واحد يقولك عندي فكره واحتاج تمويل عطه ديليت علطول و لا تفتح معاه نقاش

ثاني شي طال عمرك اذا عندك احد من الاهل مو متوظفين بإمكانك تطلع رخصه شركه بإسمها وتكون انت شريك بنسبه 99% وانت اللي تدير الامور كلها .

وابشرك ترى وزارة التجاره افتحت نشاط تجاره عامه و مقاولات بعد ما اغلقوه قبل سنتين .

واهم شي لا تستعجل ..

هذا اللي اقدر اقوله لك الحين ..

وأسأل الله تعالى لك التوفيق

 

[فؤاد سعد]

اشتري بيهم دهب كسر ولما الذهب سعرو يرتفع بيع ونصيحة اسال حد خبره حتى لا تتورط وتشتري الذهب بسعر غالي

او مثل ما قال ابو عبد الله وهذا الافضل
ولكن ابحث عن المشاريع المضمونة واختر المكان المناسب للمشروع
ونصيحتي ليك افتح محل صيانة كمبيوتر لان الكمبيوتر في تطور مستمر او مطعم في مكان حيوي

تحياتي......................
فؤاد سعد

 

[أبو راشد143]

حبيبي
شووووف لك تجاره مافيها إجارررررررر وانت الربحان
وبعد من التجاره اللي تاكل وتشرب مثل الحلال
الله لا يهييينك شهر 4 أركب طيارتك للصين في عندهم معرض لجميع الشركات
قبل لاتروح أفتر بالسوق وشوووف شنووو اللي يمشي بالسوووق وجيييبه وحلالك قدام عينك

وأنا إن شاءالله شهر 4مسافرررررر
والله يوفقك بالتجاره اللي تسرك

 

[khalid592]

اشتغل على هوايتك .. شنو هوايتك ؟!

اذا كانت السيارات .. حاول تشتغل بالسيارات ..

الامر الاخر .. لا تشتغل بشي انت ماتعرفه نهائيا .. ومو كل مشروع تشوفه يربح .. ولا تتوقع اذا اشتغلت بهالمبلغ راح تربح اكثر من 5% من فلوسك ..

 

[£ابومحمد£]

بيض الله وجيهكم
والله مثل ما قلتلكم انا ابيض
والدوام ماخلنا نعرف شي بس دوام وبيت ودوانيه
وبخصوص ترخيص للشركات والمؤسسات ما اعرف نظامها
ولا اعرف وين ابدي
من وين ابدي اذا بطلع
وبخصوص الذهب مرتفع وربحه دنانير
وشنو طلباتهم بخصوص بحطها باسم الوالده