شلون اخذ فلوسي من الحراميه

[مدمن فلوس]

السلام عليكم


يااخوان انا عندي محل كهربائي
وعندي فنيين كهرباء
تجيني اتصالات من الناس على الاعلانات ويطلع الفني يصلح الاعطال الموجوده عندهم

قبل التصليح طبعاً يتفق مع صاحب البيت على سعر معين
لكن بعد التصليح وبعد مايخلص العامل يجحد مرات يعطونه نص القيمه
ومرات يجحدون بالمره

شنو الحل معاهم انا بصراحه مااقدر اميز بين صاحب الذمه وبين الحراميه
ولااقدر اني اتهاوش مع العالم على كم دينار لان الهواش مشكله
ممكن يصير فيها امور اكبر من الضرب ومااقدر اني كل واحد يجحدني
وامشي واخليه واترك حقي

مافيه طريقه قانونيه تجيب حقي بسرعه مثل ماحماية المستهلك تجيب
حق الزبون بسرعه؟

 

[الكويت2009]

وعليكم السلام ورحمة الله وبركاته

ان شاءالله يشوف لك الاخ رحالي مخرج قانوني

لكن مشاركتي

الله يعينك يااخي

متى ننتهي من مثل سماع وقراءه مثل هذه الاخبار

وكاننا نتعامل في بلاد كفر لا مسلمين ؟! اين الذمم .. الله المستعان

 

[khalid592]

خله ياخذ فلوسه قبل التصليح ..
مثلا يسجل فاتوره قبل التصليح وياخذ الفلوس منه ..

واذا قاله ليش .. يقوله هذا نظامنا ..

 

[q8rottweilers]

يمكن العامل نفسيته خايسة مع الناس او شغله مو زين اتوقع لو شغله مضبوط ونفسيته حلوة بالعكس الكل بيصلح عنده ويعطيه حسابة اذا مو زود، وبما ان الشغلة تكررت مع كذا شخص مو معقولة كلهم نصابين؟

 

[saeed]

والله دوخه ويعينك الله

الحل

الاعطال +شغل اليد

اذا القطع منك وتركيبها متفق عليه مثال تبديل بلاك كذا او تبديل شفاطات كذا

اهنيه انت استفدت من القطعه وتركيبها اشراح يقدر يبوق
اعتقد فى شركات تعطيك قطع وكفالتها بصفتك موزع

يبقى الشغل اللى يحتاج معاينه (يطلع الفنى يقيم شغل اليد لانه القطع خالصين منها ويكلم المؤسسه اللى هو انت وتكلم الزبون بعد ما تحسب القطع+شغل اليد)

يصير الاتفاق ويسجل الفاتوره والزبون يفهم انه الفاتوره فيها كفاله للقطع

وهم منت خالص لانه الامانه مفقوده

ولهذا السبب يحتم على المؤسسه تكون بالصوره


وسلامتك

 

[الكتكوت المتوحش]

يا خوي هذي تصير وايد
واقتراح الاخ خالد 592 جيد ، ولكن لن تجد من يعطيك الفلوس قبل ما يتم العمل
وكذلك اقتراح الاخ سعيد جيد جدا
عندي واحد من الربع يسوي الاتي :
يدز مع العامل فاتوره ، فيها تفصيل العمل بالكامل ويوقع عليها الزبون قبل لا يشتغل الفني ( واذا الفني اشتغل من غير ما يوقع الزبون ، والزبون رفض الدفع ، يتحمل العامل مبلغ الفاتوره ) اما اذا وقع الزبون ، وبعدين رفض الدفع فهناك المخفر
مثال علي الفاتوره :
- معاينه الوضع ومعرفة الخلل مثلا xx دينار
- القطعه الفلانيه سعرها xx دينار
- اجور تركيب xx دينار
- مصاريف اضافيه دينار

 

[sarheed]

الله يعينك على هالناس

هذا بدل ما يكرم العامل اللي مسوي شغله ما يدفع له فلوسه

لا حول ولا قوة الا بالله