اذا واحد عارض شي غالي وارخص بالانترنت نقول والا نسكت ؟!

[RichMan]

السلام عليكم

اذا واحد عارض شي غالي وارخص بالانترنت نقول والا نسكت ؟!

بمعنى :

واحد يعرض سلعه معينه للبيع ويحط سعر من كيفه .. وبالانترنت ارخص بكثر ويمكن ربع السعر .. نعلق بموضوعه ونقول بالانترنت ارخص ونحط لينك ونحذر الناس والا نسكت ونقول كلن عقله براسه ويعرف خلاصه ؟

اخاف نعلق ويقولون حسد وحسود وعينك ضيقه وقطع ارزاق ومن هالحجي !!

شرايكم ؟

نبي اذا في مشرفين يعلقوم ويقولن رايهم يكون افضل ... لان بصراحه في كم واحد باط جبدي ودي افضح اسعاره ::verymad::

بالتوفيق ..

 

[أبـو راشـد]

قطع الاعناق ولا قطع الارزاق

شوف ياخوي مره صار نفس موضوعك وواحد نزل حديث يرد على استفسارك

وكنت اتمنى اني اتذكره عشان افيدك فيده

المهم معنى الحديث لو شفت نفس الموضوع الي قلت عنه وانه عارض شي غالي

بس فيه حتى لو بنفس المنتدى ارخص المفروض انك تسكت

بس تدري متى اتكلم؟

لما الي بيشتري يشاورك او يستشيرك هنيه تقول لا غالي وفيه ارخص

اما انك تقطع الرزق من غير لا احد يطلب مشورتك فهذا مايجوز والله اعلم

 

[Camaro]

انزين اخوي بوراشد مثال
يعني عادي اشتري شغلات من سوق اليمعه واعرضهم بأربع او خمس اضعاف السعر لا ويمكن اكثر عشان استغل الناس اللي ماتروح سوق اليمعه ؟؟ او الناس اللي مامرت عليهم السلعه او ماعندهم خلفيه عن سعرها؟؟ وبرايك في احد من قبل سأل بالمنتدي وبنفس الموضوع (هاشباب شرايكم بسعر هالسلعه زين ولا شين)

 

[خدمة الشعب]

افضحوهم ولا تخلونهم ينصبون على الناس
قسما بالله مافيكم خير لو مافضحتو اي غشاش
انتبهوا من الوافدين البدون والمصريين
والله ثم والله ثقوا باليهود ولا تثقوا بهالفئتين

ياخوي أتق الله في نفسك ولاتعمم
كل الناس فيهم الخير و فيهم الشين
بس التعميم مايجوز ياخوي​

 

[أبـو راشـد]

افضحوهم ولا تخلونهم ينصبون على الناس
قسما بالله مافيكم خير لو مافضحتو اي غشاش
انتبهوا من الوافدين البدون والمصريين
والله ثم والله ثقوا باليهود ولا تثقوا بهالفئتين

حسبي الله ونعم الوكيل

يا اخي خاف ربك اتقي الله

شنو هالكلام البدون اخوانا وربعنا وماخذين منهم ومعطينهم

اذا فيهم احد نصب عليك روح شوف تجارك اصحاب الشركات

والسيارات الي يجيبون الايفون ب 100 دينار ويبيعه لك دبل سعره

والسيارة وغيره وغيره وماكلين خير الديره

بس الي نفسك لا انا ولا غيري نتشرف فيك

الله يحاسبك على كلمتك

بس من نكك الظاهر عمرك مايتعدى 15 سنه

 

[بتبوتااا]

؟؟؟؟؟؟؟؟؟؟؟؟..................؟؟؟؟؟؟؟؟؟؟؟؟؟؟

 

[احمد_7]

اخوي الدين النصيحة
ومن باب النصح تنور الناس

 

[الجندل]

والله يا اخوي الله بارك بالتجاره سواء انت تستورد من الخارج او تشتري و تبيع بالسوق الجمعه

وانا البايع لو كان رافع السعر من حقه و الناس عيونها ميزانها و الشاري يقدر يدور على السلعه في القوقل انا اشوف انك تبي تقعد قعده حق اي واحد يبي يبيع انا اسميه حسد

و لا تحكم على البايع من السلعه حتا لو كان مبالغ بالسعر و انت ما تدري شنو ضروف الناس يمكن انه شاريها غالي

والله يا اخوي انا اقول قول الله يرزق و يفق البايع و الشاري وايد ابرك من انك تحطم معنوياته و يمكن يدعي عليك و تكون دعوه صادقه والله العالم شصير عقبها

والله ولي التوفيق

اخوك بو خليل

 

[msm]

انا معاك يالغالى اشرايك نسوى حملة على النصابين
والله كلامك صحيح 100 فى 100 نص الشغالات موجوده فى سوق الجمعة وبسعر رخيص جداجدا يشتريها ويجى يطلب فيها سعر خيالى

 

[صقر3]

واذا واحد وكتب يا بلاش وهو نصاب سعره غالي ويحلف هو ارخص من سوق هذا مو نصب وحتيال يجب تقول لناس هذا سعر غالي جداً حرام يوهم ناس ويحلف ماله شغل بقطع الارزاق لي يبي يترزق يكون صادق

 

[F A L C O N]

من وجهه نظري ان الشخص اللي يبالغ بالسلعه ويطلب دبلات سعرها الواقعي لابد من تنوير الناس علي سعرها

النصابين واجد ولابد من اي وسيله لردعهم

واكثر الناس تعرض سيارات او هواتف او غيرها وهي اصلا ماتبي تبيع تبي تشوف جم تجيب

واخرون يسومون سلعهم بنكات ثانيه واصدقائهم يسومون طبعا قليل من الناس من هالنوع


في واحد جاني يشوف عندي جيب لاندكروزر ٢٠٠٣ وسامه ب ٤٥٠٠ وقالي هذا حده مع انه موتري نظييف نظيف وبعدها بفتره شفته عارض لاند ٢٠٠٣ ب ٦٩٠٠ والناس تسومه ب ٥٥٠٠ و ٥٦٠٠ وهو يقول مو سعره

يا شباب لا بد من تنوير الناس