ابي عزبة بر ... وين احصل شباب ؟

[اندرتيكر]

السلام عليكم

شباب وين احصل عزبة بر

قوري الشاي والشوله وادوات العزبه

بانتظاركم

 

[ابو سالم1]

تحصلهم بسوق الكويت قريب من المباركية عند الى يبيعون جناط وسليب باق وطرابيل والى يبيعون المواعيين وبالتوفيق ان شاء الله

 

[b07amod]

بسوق السلاح يالغالى

 

[كنوز المعرفة]

اذا تبي شي زين في عزبة السنيدي مكتوب علي الشنطة السنيدي صناعة سعودية اذا اتعرف احد رايح للحفر او الخفجي تنباع بالبقلات الي عل الخط او دورها بالكويت عند محلات الفحم الي بالشويخ

 

[joint.opration]

هلا اخوي في موقع اسمه توصيل اذكر قبل جم يوم حطو عزبه كامله مع الصور والمواد

 

[kw_tahoe]

مساك الله بالخير يا الغالي

اخوي راح تلقى اللي تبيه ان شاء الله في جمعيه سلوى بجانب المستوصف و برجركنك
لوازم البر و الرحلات

 

[Navigator]

السنيدي له فرعين بالشويخ واعتقد بجمعية الفحيحيل

جمعية سلوى فيها محل للوازم البر

بالجهراء فيه محلات اعتقد واحد اسمه كشته بالقيصرية

سوق السلاح بالديره تحصل فيه

 

[اندرتيكر]

بعد راسي كلكم على راسي تسلمون على المعلومات والمساعده يعطيكم العافيه ما قصرتو

 

[صاحبة ذوق]

وانا اضم الصوت لاخواني واقول مالك الا سوق السلاح

اذا تبي عزبة جاهزه او تبي تفصال على ذوقك

كل التوفيق

 

[Camaro]

ملاحظه لاتشتري اي شي من سنيدي الكويت لان الاسعار نااااار اشتر من استراحة الكويت اللي بعد حدود السالمي