نصيحه بالاسكاليد

[560SEL]

السلام عليكم
انا ناوي اشتري اسكاليد او يوكن دينالي من 2003 الى 2006
الموتر عملي ولا مشاكل وخرابات وكيف السيرفس وقطع الغيار
الدبل يخرب فيه والهيدروليك الخلفي غالي ويخرب دايم
ارجو الرد بالتفصيل ما ابي اتوهق

 

[ابن ضعيان]

بالنسبة للأسكاليد ......... ستصبح زبون دائم للكراجات ....... السيارات هذه من حظ الكراجات

 

[560SEL]

شدعوه سياره نسخه من اليوكن اللهم اكسسوارت ودبل مستمر وهيدروليك خلفي هذا الفرق
والله المشكله كلما احط عيني على سياره يقولون ماتصلح
انا ابي سيارة كرف وتطون جيب وسعها معقول

 

[560SEL]

جزاك الله خير والمعلومات اللس ذكرتها لا تخفى علي لكن الكلام الموتر للكرف زين وعند البيع ما ينزل من سعره واجد
بالنسبه للبنزين يصرف واجد ولا فرق بسيط
المشكله اليوكن والتاهو اغلى من الاسكاليد نفس الموديل والواحد شاري شاري يركب شي عدل
وبالنسبه للقطع الاستهلاكيه نفس اليوكن والتاهو والهيدروليك يتحول عادي اللهم الاكسسوارت هي اللي غاليه والاكسسوارت اذا تحافظ على السياره ماراح تخرب
المشكله الحين سعره مبالغ فيه حصلت 2003 ب 3500 وقبل سنتين كان نفس السعر او زياده 100 او 200 دينار والسبب ان المستعمل ارتفع سعره بشكل مبالغ فيه وما ادري على شنو

 

[560SEL]

ارجو المشاركه والنصيحه

 

[Nokiaq8]

اخذ يوكن موديل 2007 وفوق

 

[560SEL]

ماكو ميزانية لموديل 2007 ولا موتر يسوى اشتريه

 

[S c O r P i O n]

الاسكاليد متعب وبيعور راسك مافية كدلك حق كد ومد السبب انها معقدة حيل فيها تعقيد كهرباء وميكانيكي واي خراب بسيط كل شي يخرب بالسيارة ومافي شي اسمة الكدلك نفس اليوكن
انا نصيحتي خذ اليوكن واذا تبي سيارة كد حتى لوموديل قديم سيارة بسيطة وسهله

 

[560SEL]

انا مريت كراجات وسألت يقولون القطع يوكن اللهم الماكينه والقير والدبل دينالي اذا ماكينه 6.0 اما 5.3 من 2004 وتحت يوكن خالص اللهم بدي واكسسوارات فقط وحتى من داخل انا راكبه يوكن من كشنات وسويتشات ومكيف حتى المفتاح والهيئهالاماميه يوكن اما الجديد من 2007 وفوق انا وياك معقد وانا ماحبيته يبي له مصاريف واجد اما القديم حلو وداخليته نسخه من اليوكن باكسسوارت كاديلاك
المشكله ان اليوكن 1999 وتحت ثقيل وقديم ومافيه نظيف ولا ببالي واحد لكن الجديد يطغى وحلو والواحد يبي موتر رزه مو قديم

 

[اسكاليد]

اخوي الغالي اول شي مايحتاج اعطيك نصيحتي الا وانا مجرب وشوف النك اشكره دعايه

المهم ندخل بالموضوع انا واحد من الناس استعملت الاسكاليد موديل 2005 استعملته 3 سنوات

الموتر اخوي الدينالي ولا يضحك عليك الي يقول خرابات وعوار الراس لانه بالعربي نفس اليوكن

والحمدالله ما اشتكيت منه والحين افكر اخذ الشكل الجديد نصيحه اخذ اسكاليد احلي من الدنالي وافخم وبالتوفيق ..

 

[اسكاليد]

عندي واحد من الربع عنده اسكاليد اسود 2005 مو ماشي محافظ عليه ماشالله

اذا لك خاطر فيه بلغني وحاضر

 

[560SEL]

انا ادري انه يوكن من الى شاصي وماكينه وقير وكهرباء ومكيف لكن انا اشوف ردود الاخوان وانت شايف وانا ردود كلها نفس رايك
عموم اللي عند رفيجك كم ماشي جيب قصير ولا طويل ولا وانيت اهم شي يكون دبل وفتحه
وارد وين وفيه شاشات قدام وورى ولا ديفيدي بس
كم طالب فيه وشرط نظيف حيل

 

[اسكاليد]

هلا بالغالي

شوف الي عند صاحبي جيب القصير لونه اسود فيه دبل وفتحه كامل المواصفات بس مافيه شاشه اماميه وارد الغانم بس اتاكد جم ماشي وردلك خبر

 

[560SEL]

شوف لي كم ماشي وكم طالب فيه واذا يناسبني اجي اشوفه
اهم شي يكو نظيف مرررررره وخالي من الدعمات

 

[اسكاليد]

هلا والله

الموتر ماشي 124 الف

ومافيه اي دعمه ماشالله

السعر 4700 وانشالله مايقصر معاك

هذا رقمه 55300090 اسمه نايف قوله من طرف علي

بالتوفيق

 

[560SEL]

غالي واجد يبه

 

[اسكاليد]

وين غالي شوف اسعارهم بره وانت تعرف

وثاني شغله الموتر مو ماشي شي ومو امريكي

ع العموم نهايته 4500

 

[560SEL]

تؤمن بالله اني محصل واحد وارد الوكاله موديل 2004 ولمالك الاصلي مطلعه من الوكاله يبي 3300 وفيه كراسي ماكينه تعبانه وحساس ضغط الزيت وشغلتها بالكثير 100 دينار او زود 20 ولا الموتر وكاله ونظيف ولون اسود
عموما انا جالس ادور واذا ما حصلت ابي اشوف مرسيدس ام ال
وانت ما قصرت بيض الله وجهك انت ورفيجك والموتر لو سعره يناسبني ما اتردد اخذه والله

 

[اسكاليد]

افا عليك عزيز وغالي

كل شي نصيب الله يكتبلك الي فيه الخير

 

[بدر بونايف]

عندي اسكاليد 2002امريكي ابيض نظيف

55949533