السلام عليكم اتمني تفيدوني

[شمعه الكويت]

انا متزوجه بالعقد الجعفري وانا سنيه وطلقت بالجعفري واهو سني الحين شلون اثبت او شنو الدعوه الي ارفعها عشان ابدل العقد وانا واثقه اهو راح يعترف انه سني ان وصلت للحلف وانا برفع دعوه سكن يصير ارفعها بالسني وشنو اقول لضباط الدعاوي اذا ارفضو ان يحولونها للسني

 

[بوفلاح1]

ما بني على باطل فهو باطل

{قُلْ هَـذِهِ سَبِيلِي أَدْعُو إِلَى اللّهِ عَلَى بَصِيرَةٍ أَنَاْ وَمَنِ اتَّبَعَنِي وَسُبْحَانَ اللّهِ وَمَا أَنَاْ مِنَ الْمُشْرِكِينَ }[1].

 

[شمعه الكويت]

مشكور علي الرد اخوي بس ممكن توضح القصد من الباطل ؟



والسؤال اقدر ارفع قضيه تحويل عقد؟

 

[mfa2202200]

انا متزوجه بالعقد الجعفري وانا سنيه وطلقت بالجعفري واهو سني الحين شلون اثبت او شنو الدعوه الي ارفعها عشان ابدل العقد وانا واثقه اهو راح يعترف انه سني ان وصلت للحلف وانا برفع دعوه سكن يصير ارفعها بالسني وشنو اقول لضباط الدعاوي اذا ارفضو ان يحولونها للسني

أختي
أخذي الرأي القانوني من القانونيين فقط

وشكرا

 

[silencee]

ما بني على باطل فهو باطل

{قُلْ هَـذِهِ سَبِيلِي أَدْعُو إِلَى اللّهِ عَلَى بَصِيرَةٍ أَنَاْ وَمَنِ اتَّبَعَنِي وَسُبْحَانَ اللّهِ وَمَا أَنَاْ مِنَ الْمُشْرِكِينَ }[1].

الاخ أبو فلاح

ليتك تأخذ بقول سيد البشريه
عن أبي هريرة رضي الله عنه عن النبي صلى الله عليه وسلم قال : " من كان يؤمن بالله واليوم الآخر فليقل خيراً أو ليصمت "

الاخت يا أخوي عندها مشكله مو حنا نقول لها بطال أو لاء

أنظر للموضوع نظره أخ ومحب لفعل الخير لا تحاسب البشر
ماتعرف أسكت أو أدعو لهم عن ظهر غيب

هذا رد ونصيحه من اخ لك ومحب أرجو ان تتقبله برحابة صدر

ولعلمك كل سائل أو سائله مادخلو للمنتدى ليسمعون اراء يبون نصيحه او مساعده فياريت نركز على هالجزئيه

الاداره حطت هالقسم مو للنقاش كثر ماهو للمنفعه وتقديم يد العون الاخوان والاخوات
​

 

[silencee]

انا متزوجه بالعقد الجعفري وانا سنيه وطلقت بالجعفري واهو سني الحين شلون اثبت او شنو الدعوه الي ارفعها عشان ابدل العقد وانا واثقه اهو راح يعترف انه سني ان وصلت للحلف وانا برفع دعوه سكن يصير ارفعها بالسني وشنو اقول لضباط الدعاوي اذا ارفضو ان يحولونها للسني

أختي الكريمه بالنسبه للمذهب الجعفري مع احترامنا للاخوه ال**** ماعندي خبر فيه واتمنى المستشارين يفيدونك

اما نصيحتي لج

اتجهي للمحكمه القريبه عندكم
واسألي عن ضابط الدعاوي كلهم نساء وكل وحده بمكتب مستقل وهم موجودين لخدمتكم أطرحي عليهم سؤالج ووريهم أوراقج وصدقيني ولا يهونون المحامين ضباط الدعاوي بيوجهونك للطرق السليمه ويكتبون لج الصيغه المطلوبه ويوجهونك وأما تثبيت الزواج والانفصال مو بعازة تثبيته لآن العقد اللي عندج ثابت وتقدرين تعرضينه على ضابطة الدعاوي


والاخوان المستشارين هنيه ماراح يقصرون معاج
بالتوفيق​

 

[qatel4]

اختي بخصوص قضيتك
ممكن ترفعين دعوى بالمحكمة السنية وعادي وطلبي منه حلف اليمين اذا نكر انه سني
اما اذا حلف بعد امرك لله.
محامي الاحوال الشخصية عندهم وايد مخارج فيها وغير جذيه ضباط الدعاوي عندهم خبره في هالمجال

 

[rahaly]

اختي الكريمة .. ترفعين دعواك في المحكمة السنية بطلباتك

واذا انكر انه سني المذهب واراد تحويلها للجعفري
فيقع عليك الاثبات انكما سنيي المذهب او احدكما سني كاي دعوى اخرى تحتاج لللاثبات

ولكن مالم افهمه - انك مطلقة
فلماذا تريدين اثبات عقد زواج تم طلاقك منه ؟

قد لا تقبل الدعوى لعدم المصلحة في الدعوى

الا اذا كان لك مصلحه تتعلق بالحقوق (مثل نفقة المتعه الموجوده في السني وغير موجوده في الجعفري)


والل هاعلم

 

[ابو عبدالله 32]

انا اتوقع وصلت لمرحلة العيال كبرووو
يعني صارت اعمارهم 7 سنوات
وبالمذهب الجعفري الاب ياخذهم اهاااااا
تفسير منطقي
بس هالطريقه راح تحرمين الاب من عياله!!!
يعني مانقدر نتدخل
الله يهديكم يارب ويوفقكم ويصلح امركم

 

[المشترك]

ماعرف ليش توافقي من الاول ان يكون العقد جعفري مع انكم سنة

 

[q8rottweilers]

والله هالديرة هذي مدلعة المطلقات على افا ازواجهم المساكين اهي تبي تثبت انه الزواج سني عشان تكسر ظهره وتاخذ نص معاشه