شسالفه ايجار المحلات ؟

[MaTaDoRy]

السلام عليكم ورحمة الله وبركاته


صارلي يومين افتر بين المحلات المعروضه للبيع
واستغربت من الايجارات !!
معقولة الايجارات ارتفعت للدرجة هذي ؟

امس شفت محل صغير بمجمع قديم .. ايجاره 600 دينار !!
لا ومكانه خايس حيل !!
من صجهم ولا يتغشمرون ؟

اتوقع الحين اقل شي تدفع 2000 دينار للخلو !!

السؤال المهم .. الناس شلون تربح ؟
لان بالطريقة هذي اقل مشروع - مشروع مش حالك - يكلفك 6000 دينار
هذا غير الايجار المبالغ فيه

شنو رايكم يا جماعه الخير ؟

 

[اندرتيكر]

اي والله يااخوي كل شي ارتفع بالاسعار
خلاص الحين الناس قامت تجيب بضاعه وتبيع عن طريق الانترنت او الاعلانات
مافي احد قام ياجر محلات بسبب الايجارات المرتفعه
وكله بسبب طمع وجشع ملاك العقار

 

[al3mlaaq]

المصيبة مو بالايجارات المرتفعة بس المصيبة الاكبر بالمساحات مساحات صغيرة لاسمن ولا تغني من جوع

 

[كيـوتـك]

ارتفاع الايجارات مشكلة خصوصا المحلات والمكاتب التجارية

ولكن مع مرور الوقت راح تلاقى تفتح كبير بالسوق الالكترونى حاليا العالم شغالين بالتجارة

الالكترونية انتظر فترة راح تلاقى العموم فتح محلات من خلال النت خصوصا انه مايكلفه ايجار محل

بـ السعر الفلانى ولا ولا بس حاليا بدأ التوسع بالتجارة الالكترونية بس بالنهاية اللى راح ياكلها

اصحاب الملاك اللى ذبحهم الطمع والجشع مو كلنا اغنياء فى ناس ع قد حالهم وفى ناس عندها

خير وفى ناس مو لاقين ياكلون وين ادفعلى ايجار محل بـ 600 ولا ايجار شقة ماتستاهل بـ 350 دينار

الايجارات بشكل عام ارتفعت بس عسى ربى يسهل الامور ويرزقك كل مسلم ع قد نيته

واعتذر عن الاطالة اخوى صاحب الموضوع

وتقبل مرورى

اخوك

ابو خالد

 

[Bo-3adel]

روح الري و شوف الاجارات اللي إن دلت تدل على الجشع

محلات 5 *10 بـ1500 و 1650 دينار.
السؤال هو شنو المشروع اللي بيدخل على المؤجر هالمبالغ....؟

أنا أقول حدوا الناس على الحرام أكثر بعد.

الله المستعان