طلب ضروري ولاعليكــــــــــــم آإمــــــــر ..!

[دنياء غريبه]

صبـــــــــآإآإح الخير

كيفكم ي الغـــــــــوآلـــي ..! يالله عساكم مبسوطين ومرتــآحين دووَم



بعد كم ســــــــــــآإعه بمشي زيـــــــآإرة للكويت وآول مرهـ نكون مومستعدين بهالشكل

يعني بالعـــــــآإدهـ لم رح نسـآفر اي دولة بــآبــآ يكون حجز الفندق من النت وجآهــــــز بس هالمرهــ بـــــــآبــآ مشغول و اعتمد علي انو بدور فندق له جميل

الموهم انا لــي ســآعه آحوس بين فنـآدق الكويت في اكثر من من موقع للحجز والفنـآدق اشكآلهـآ لابــــــــــأس حلوهـ بس محتــآإرهـ اي فندق اختر


يعني لوسمحتو بلييز دلــــــــوني على فنـــــــآإدق حلوهـ ورآقيه

وآمــــــــآإكن سياحيه جميلة











. ​

 

[Low Fat]

.​

أهلين وسهلين يادنووو بتنورين الكويت

أنصحج بكراون بلازا بالفروانيه قريب ع أماكن التسوق بالفروانيه

والأفنيوز 10 دقايق بالسياره .. أتمنى لكم أقامه سعيده وممتعه ,,​

.​

 

[دنياء غريبه]

.​

أهلين وسهلين يادنووو بتنورين الكويت

أنصحج بكراون بلازا بالفروانيه قريب ع أماكن التسوق بالفروانيه

والأفنيوز 10 دقايق بالسياره .. أتمنى لكم أقامه سعيده وممتعه ,,​

.​

يـــــــآإآهلابك زود لوفــــــــــآإت آإلكويت منورهـ بوجودك

آكيد دآئم انـــو من آختيــآرك بيكون جميل .! بس بروح آلغاء نظرهـ عليه

مشكورآإ لــــــــوفـــــــآت سعيدهـ بمســـــــآإعدتك لــي


. ​

 

[بوالعيس بيك]

حياكم الله والساعه المباركه

تنورون الديره

في فندق راديسون ساس وفندق ريجينسي

وفندق المارينا

وبالنسبه للتسوق

المارينا مول والأفنيوز وسوق شرق

وحاليا في عدة مسرحيات تنعرض بالعيد اذا كنتوا تحبون هالسوالف

وبس هذا إللي أعرفه ​

 

[بور-صا]

صبــاح الورد وزخات المطــــــر الراآئعه

يا هلا وغلا بفراشة المنتدى والأسرة الكريمة ..

الكــويت وأهل الكويت يرحبون فيكم وفي زيارتكم المشرفة ..

أـهلاً وسهــلاً ويا مرحبا فيكم في بلدكم الثاني الكويت

بالنسبة للإقامة والأماكن التي تستحق الزيارة ، أنصح بالسكن في منطقة السالمية أو في مدينة الكويت العاصمة

وذلك لقرب هذه المناطق من شاطئ البحــر حيث الهدوء والإسترخاء والأجواء الرآئعة والنسيم العليل

وبالنسبة لأماكن السكن ، هناك عدة فنادق تنتشر بكثرة في منطقة السالمية والشعب البحري وبنيد القار وشرق ،

وللعلم أن هذه المناطق تتميز بموقعها الاستراتيجي القريب من البحر .

وتحتضن أشهر مراكز التسوق كـ المارينا مول .. وسوق شرق .. ومركز زهرة

ومراكز أخرى تقع على شارع فهد السالم بمدينة الكويت وأيضاً هناك مراكز أخرى تقع على إمتداد شارع حمد المبارك في منطقة السالمية .

==============


فندق بودل للشقق الفندقية يتميز بموقع مناسب على شارع سياحي ومكتض بالحركة والمطاعم

ويقع في منطقة السالمية ويبعد عن البحر مسافة لاتتجاوز 500 متر تقريباً ..

السالمية، شارع عمرو بن العاص ( شارع المطاعم)
الإيميل: boudl@boudl.com
الهاتف: 0096525757999
الفاكس: 0096525757886
النقال: 0096594443842 begin_of_the_skype_highlighting 0096594443842


============



وايضاً بنفس الشارع وبالجهة المقابلة توجد شقق رؤؤم إن الفندقية تعتبر من الفنادق الحديثة المصنفة فئة 4 نجوم ..

لمــزيد من المعلومات من هنــا



===========



وايضاً هناك فندق مارينا موول الساحر الذي يتميز بالهدوء وبالاطلالة المباشرة على البحر وبموقعه الاستراتيجي الفريد

وعلى مقربه من اشهر المرافق السياحية في الكويت ، ويعتبر من الفنادق المصنفة فئة الـ 5 نجوم

===================



وايضاً هناك فندق كويت يارد الجميل ( الراية )

ويقع الفندق بقلب مجمع الراية التجاري في مدينة الكويت

ويحتوي على مجموعة من المحلات والماركات العالمية ،

ويتكون من طابقين ، وكذلك مجموعة من المقاهي ونادي رياضي ، وكذلك يضم مجمع الراية مواقف متعددة الادوار


العنوان : شارع الهلالي, مدينة الكويت.
Tell : (+965)2997000
معلومات : يعد من الفنادق الأكثر إقبالا في الكويت


=================


وللإطلاع على الأماكن السياحية في الكويت والتي تستحق الزيارة

تفضلي آنستي العزيزة بالضغط على الرابط التالي

الأمــاكن السياحية في الكويت .

أتمنــى لكم رحلة سعيدة وموفقة وإقامة ممتعة

وأي سئوال أو إستفسار أنا حاضر وفي الخدمة .

بحفــظ الله ورعايته .

بورصـــــــا

 

[al3mlaaq]

ياهلا ومرحبا فيج اختي بالكويت وانصحج انج اتروحين حديقة الحيوان واتاجرون مخيم خاصة بالاحواء الحلوة هاليومين ونتمنى لكم اطيب الاوقات

 

[abo Rana]

ياااحياااج الله دنووو بالكوييت

صراااحة ماعرف فنادق بالكويت

والفندق يرجع الى عدد الاسرة​

 

[abdullah6868]

اهلا وسهلا مع تمنياتى لكم باقامه طيبه انتى والاهل

 

[جواهر]

تروحي وترجعي بالسلامه دنو ولاتنسي هديتي معك

 

[داشه عرض!!]

بورصا تصلح مرشد سياحي مسوي خوش دعايه خخخخخخخخخخخخخ

 

[جواهر]

ترا هديتج اللي من تركيا عندي

بعطيها دنوو اذا رجعت

​

هلا بورنا كيفك

اله كل هالوقت هههههه لازم تكون تدبلت وصارت اكبر

يعني تذكرة سفر لتركيــا

 

[جواهر]

لا لا الهديه لا تباع ولا تستبدل

​

لاتباع ولاتستبدل ايش هي خروف العيد

 

[away1979]

حياج الله الساعه المباركه إلي تنورين فيها الكويت

اعتقد الاخوان ماقصروا معاج كفو ووفو الله يعطيهم العافيه

وإذا احتجتي شي هذا رقمي (( 9000000x ))

والرقم الاخير اطرشه لج بالخاص عشان محد يتغزل فيني ​

 

[الذيبة]

دنو انتي بس دشي السالمييه وامسكي الخط الكوويت كلهاا بالكثير تلفينهاا

بــ ســاعــه وعيوونج راح تلقط وبتختااار الزيين كل الاماكن قريبه من بعض

والعييد بيكوون عيدين بزيارتج لناا تشرفين يالغااليييه



الــذيييــبــه


.

 

[كوهجي]

حياج الله دنيا

وأهلا وسهلا فيكم بين أهلكم

أتمنى لكم طيب الاقامه في الكويت ​

 

[waham]

حياج الله بين
أهلج واخوانج
ويا هلا ويا مسهلا
اذا ضاقت الدنيا وياج
الله لا يقوله عطيني خبر
سعدت بزيارتج لبلدج الثاني
الكويت​

 

[ورد و هيل]

دنووووووووووي



مرحباااااااا بك بين اهلك واخوااااااانك


اتمنى تقضين وقت ممتع عندددنا








-

 

[B-A-1983-A-B]

احسن الفنادق الي شفتها بالديرة ردسون ساس وموقعة حلو + المنشر حلو + فندق المارينا حلو


.......


الاماكن السياحية انصحج تروحين العبدلي ترسها فنادق ومنتزهات وسوبر ماركت وهم بعد حركة وعلى طول ناس رايحة ورادة واذا تدورين الماركات العالمية عليج بسوق الحريم الي بالمباركية شي مرتب وعلى مستوى عالي جدا من الجودة واذا انتي من النوع الي تحبين الكوفي شوب انصحج بقوة وان تو بمنطقة خيطان جدا راقية و حضارية وتطل على شارع الصعايدة ؟؟؟

...........

بالتوفيق دنو وحياج الله

 

[كوهجي]

احسن الفنادق الي شفتها بالديرة ردسون ساس وموقعة حلو + المنشر حلو + فندق المارينا حلو


.......


الاماكن السياحية انصحج تروحين العبدلي ترسها فنادق ومنتزهات وسوبر ماركت وهم بعد حركة وعلى طول ناس رايحة ورادة واذا تدورين الماركات العالمية عليج بسوق الحريم الي بالمباركية شي مرتب وعلى مستوى عالي جدا من الجودة واذا انتي من النوع الي تحبين الكوفي شوب انصحج بقوة وان تو بمنطقة خيطان جدا راقية و حضارية وتطل على شارع الصعايدة ؟؟؟

...........

بالتوفيق دنو وحياج الله

خوش حجي ..

أكيد موفقه ​

 

[هيفا]

دنووووو

انا حطيتلج طلبج عالخاص بتويتر

اتمنى انج قريتيه

وحياج الله بين اهلج نتشرف فيج