سؤال برئ ؟

[نهار الواع]

السلام عليكم ورحمة الله وبركاته
انا متابع من زمان للمنتدى وصارحه كنت من اشد المعجبين بالطرح الي يقدم بالمنتدى ومن زمان ...
ولو سمحتم عندي كم سؤال برئ حاب اني اسائل اهل الخبره فيه ...
بغيت اسوي مشروع راس ماله ثلاثين الف دينار وربحه مضمون ومريح ..؟

شرايكم بالتاكسي الجوال ..؟

اذا حبيت افتح تاكسي جوال هل المبلغ المتوفر يكفي .. ؟

وعندي استفسار بخصوص رخصة تاكسي جوال ..؟ اذا موقفه مافيه مجال اطلعه حتى لو بالواسطه ..!!

واذا فيه مشروع ثاني يكفي لراس المال المتوفر عندي ياليت لاتبخلون على ..؟

واسف على الاطاله ودمتم بحفظ الله ورعايته ...

 

[نهار الواع]

سبحان الله وبحمده سبحان الله العظيم

 

[نهار الواع]

up
up
up

 

[ابو هيا]

اخوي اشتر فيها اراضي في السعوديه
وتحديد في الرياض
اسعار الاراضي هناك من تبدا من 9 الي 30 الف دينار
وبكرة انشاء الله راح انزل في قسم الاراضي جدول يبين
المساحه والموقع والسعر
الاسعار ترتفع كل اسبوع
والربح مضمون الابن البار
والله يوفق الجميع

 

[TALAL_4488]

والله انا اقول
افتح لك جم مصبغه فيهم
باليوم هذا محد يقدر يستغنى عن الكواي المصبغه

 

[.:. عطر .:.]

طالع اهني ممكن تحصل افكار جديدة عندهم طبعًا كويتيين

http://www.ideasowners.com/vb

 

[saadkuwait]

شوف أخوي أنا أعطيك مشروع ناجح بس يبيله شوية صبر وشطارة
تشتري 4 باصات ( كوستر مستعمله طبعا )
وتأجرهم
الباص ب 300 دينار شهريا صافي
أضرب 300 في 4 باصات يطلع عندك 1200 دينار شهريا في سنه يصير عندك 14 الف و400 دينار
يعتبر مشروع تأجير الباصات مشروع ناجح جدا باذن الله
أدرس الموضوع واستخير وتوكل على الله
والله يوفقكم
أخوك بوراكان

 

[نهار الواع]

بارك الله فيكم ..
اخوي ابو هيا مشروعك ناجح لكن الاراضي تأخذ وقت وانا ابي شي ملموس ..
عطر شاكر لك وانشالله تكون في ميزان حسناتك ...
طلال مشروع المصبغه مربح لكن في مكان فيه كثافه سكانيه والاماكن هاذي يبيله خلو ومصاريف ..
اخوي سعد المشروع الباصات ممتاز لكن وين اشوف لي احد يأجرها مني ..