الي يعرف حق تقارير الرمال الذهبية, تفضل رجاءا للظروره!!!

[a7md]

رحت فحصت سياره ولا القى بالملاحاظات الاتي :

تشيك ترشيح بنزين من تنكي بنزين.!!!!!!

يا جماعه يرحم والديكم, الي يعرف معناته يقولي ,,, وهل هذا شي خطير؟ لانه باخذ السياره و جديده صراحه بس مادري شنو هذا!!!

 

[VXR2009]

معنها ان تانكي البانزين فيه تهريب وهذا شي خطير اذا اهملته بس حله بسيط بدل التانكي وريح بالك والله يوفقك

 

[بووبدر]

لازم تبدله باسرع وقت واحد من الربع صارت معاه نفس السالفه ولعت السياره فيه

 

[msm]

اخوى عندك الجيب الانفوى و البليزر و الهمر كلهم يصير تهريب من تانكى البنزين وسبب القاعده ربل وانا عندى انفوى وكان فى تهريب من قاعده التانكى

 

[ابن ضعيان]

الأمريكي الجديد كله ربل بلاستيك .......... ديروا بالكم

 

[ليث متواضع]

الله يعينك أخوي لا تهمل

 

[mohammed-20]

السلام عليكم
طبعا اخوي هالشي لازم ما تهمله نهائيا لأن اي شراره راح تولع السياره مما يودي الى الانفجار لا سمح الله :-
الحل :-
ممكن الربل مو راكب عدل احتمال صاحب السياره مبدل طرمبة البانزين ومو مركبين ربل التانكي عدل علشان جذي فيه تهريب , طبعا راح يبين وياك الربل اذا مو راكب عدل بطريقه :-
اول شي اخذ السياره وفولها بانزين بالمحطه اذا خر البانزين بالارض معناته الربل مو راكب عدل واذا ماخر بانزين عندك مشكله بالتانكي نفسه احتمال يكون فيه شق او ثقب .

نصيحه مني اخوي ارجع حق الرمال الذهبيه واخذ معاك التقرير والسياره وكلم المهندسين هناك خل يشرحلك التقرير ويدخل السياره داخل ويرفعها على الجيك وخل يوريك مكان التهريب

وبالتوفيق يالغالي

 

[a7md]

يعطيكم العافيه يا اخوان ،

طلع طرنبه بانزين وعوامته