لهدرجه إحنا مقصه ؟؟

[هيتس تيلكوم]

السلام عليكم ورحمة الله,,

موضوعي مثل ماهو مكتوب بالعنوان لى متى وفلوسنا تنقص ونخسر وإحنا ناطرين وساكتين إنها ترجع وفي أمل ؟؟ ياجماعه البورصه مثل القرقور وكله نصب بنصب فساد ماله أول ولا تالي ماكو شي إسمه إستثمار ولا أكو شي إسمه تنميه والله على ما أقول شهيد..

يمكن فيكم جم واحد ربحله 40 دينار لا او 5 دنانير رسوم يعني 35 دينار ومستانس فيهم وانا منهم بس خسارتنا جم ؟؟؟؟؟ 1000 ؟ 2000 ؟ 3000 ؟ والله العظيم لو أفتح موضوع الخساير مانخلص..


نصيحه نصيحه نصيحه كل واحد إلم فلوسه وإلي يبي يتزوج يتزوج وإلي يبي يشتري سياره يشتري وإلي يبي إكمل دراسته في جامعه خاصه بالكويت وإكمل باجر يتوظف بالنفط وراتبه لا يقل عن 1700 إلى 2100 ويعوض كل خسايره,, لا الله لا يوفقهم إلي نهبونا وكلوا حلالنا..​

وأتمنى الكل يريد بالموضوع..

 

[متدرب أصيل]

وأتمنى الكل يريد بالموضوع..

الله يعطيك العافية
أنا أول واحد أريد بالموضوع

 

[Moto]

انا بعد يريد بالموضوع بس مو الحين بعدين.

 

[ولد الديرة]

هم انا أريد
اذا الموضوع على خسارة الف ولا الفين ولا ثلاثة هذا شي هين بس لما تخسر 30 ولا 40 ولا 50 الف تشتري بشركة وتتوقف عن التداول كم سنة لا انت طايل سما ولا ارض ولا في قانون يحاسب اعضاء مجلس ادارة الشركة ويتركون المساهم يتحسر على فلوسة ويتركون مجلس الادارة لا رقيب ولا حسيب وبالاخر وفي احسن الاحوال يشطبون الشركة وجنة ما صار شي وعفا الله عما سلف وعلى المتضرر اللجوء الى القضاء وتعال راكض ورا القضية ولا تنسى توصي احفادك يكملون وراك

 

[broaker]

لما تفتح موضوع الخساير ما راح تخلص... بس هذا مو معناه إن اللي يدش البورصة ضامن يربح ويزيد فلوسه ( ما كانش حد غلب ) على رأي المصريين... الخسارة واردة بالحسبة مثل ما إن الربح مأمول,,,,, لكن المصيبة في شركات العفن وأعضاء مجالس إداراتها والنصب والإحتيال وتغليب المصالح الشخصية على مصالح المساهمين.. بمعنى إن هذول الناس مو كفو يديرون بقالة مو شركة,,, والله يعوض علينا وعليكم...