عقد ضخم لمركز سلطان سيكون حديث السوق

[كويتي 2005]

يا أخوان هل سمع احد منكم إشاعة عن عقد ضخم لمركز سلطان سيكون حديث السوق ، وأنه سوف يكون أضخم من عقد المخازن . غير عقده بو 250 مليون .



هل لهذا السبب المحافظ اموقفه السهم على 1,500



ياريت تفيدونه ، وإذا أحد عنده علاقة مع احد المسؤولين الكبار بمركز سلطان يا ريت يستفسر منه هل يوجد شي كبير لسلطان بالقريب العاجل ، شي بعدة مليارات من الدولارات .



ودنه نكون على علم هل نبيع أو ننطر جم أسبوع .

 

[careful_invest]

الخبر صحيح واتمسك بالوطنية العقارية اذا عندك.

 

[El_Stocky]

الخبر صحيح واتمسك بالوطنية العقارية اذا عندك.

بس أخوي الوطنية العقارية ماتمتلك بمركز سلطان ! سلطان يمتلك بالوطنية ..
فا ممكن توضح ليش إتقول تمسك بالوطنية العقارية ؟؟

وشكراً ,,

 

[careful_invest]

بس أخوي الوطنية العقارية ماتمتلك بمركز سلطان ! سلطان يمتلك بالوطنية ..
فا ممكن توضح ليش إتقول تمسك بالوطنية العقارية ؟؟

وشكراً ,,

صحيح الوطنية لا تملك لكنها معلومة اضافية فوق البيعة تتعلق بالوطنية فقط. على العموم هذا رأي ولا تستند عليه 100% عند اتخاذ قرار الشراء أو البيع. لكن مصادري ثقة ان شاء الله.

 

[الرشيدي]

صباح الخير

اخي الفاضل careful_invest


لوسمحت تبين مدي مصداقية الخبر


وياريت ترد علي الخاص

 

[nasr 2]

لا تنساني

أنا كذلك الله يرضى عليك

 

[careful_invest]

اخي الفاضل careful_invest


لوسمحت تبين مدي مصداقية الخبر


وياريت ترد علي الخاص

انت خسران لما تبيع ونصيحتي لك انك تمسك باسهم الجناعات ولا تبيع. الموضوع يبيله شوية صبر لأن الجناعات وبعض المحافظ قاعدين يستغلون قلة الصبر اللي عند صغار المستثمرين علشان يشترون اسهمكم بسعر رخيص. خلك مستثمر وابتعد عن المضاربة الاشهر القادمة.

 

[دابس]

يا أخوان هل سمع احد منكم إشاعة عن عقد ضخم لمركز سلطان سيكون حديث السوق ، وأنه سوف يكون أضخم من عقد المخازن . غير عقده بو 250 مليون .



هل لهذا السبب المحافظ اموقفه السهم على 1,500



ياريت تفيدونه ، وإذا أحد عنده علاقة مع احد المسؤولين الكبار بمركز سلطان يا ريت يستفسر منه هل يوجد شي كبير لسلطان بالقريب العاجل ، شي بعدة مليارات من الدولارات .



ودنه نكون على علم هل نبيع أو ننطر جم أسبوع .

خير انشالله

 

[الحكمة]

صحيح الوطنية لا تملك لكنها معلومة اضافية فوق البيعة تتعلق بالوطنية فقط. على العموم هذا رأي ولا تستند عليه 100% عند اتخاذ قرار الشراء أو البيع. لكن مصادري ثقة ان شاء الله.

شدعوه careful_invest ... ياخوى علمنا شالخبر....
ترى اخوك مايترقع بالسوق ... ومعلومتك هذى متى تبين على السعر
... افيدنا افادك الله.....

 

[knpcMAA]

متــــــــــــــــــــــــــــــــــــــــــــــــ ــــي

انت خسران لما تبيع ونصيحتي لك انك تمسك باسهم الجناعات ولا تبيع. الموضوع يبيله شوية صبر لأن الجناعات وبعض المحافظ قاعدين يستغلون قلة الصبر اللي عند صغار المستثمرين علشان يشترون اسهمكم بسعر رخيص. خلك مستثمر وابتعد عن المضاربة الاشهر القادمة.

السلام عليكم ..

اخوي careful_invest ممكن تحدد الوقت من .... الي ...

لان زيادة راس مال المخازن اخر يوم 7-9-2005 ... واعتقد بعدها

الضغط التي تمارسه المحافظ او ملاك السهم او اي جهة كانت سوف

يخف و يأخذ السهم راحته شوي ... وهذا قريب مو بعيد وانت تقول

اصبروا جم شهر !!! اذا صبرنا جم شهر مانصير الكويتيين صج !!!

انا اعرف هندي معاي بالدوام صابر علي اسهمه من سنة 1982

صدق او لا تصدق جان اقوله صج هندي ......

اخوي لو تريحنا واتقولنا متي بالتقريب .. ولك جزيل الشكر والامتنان .


اخوك بو عبدالله

 

[nasr 2]

علقنا وقعد لا حس ولاخبر طلع مواهـــبك فضفض

 

[كويتي 2005]

يا شباب انا قلت سامعين إشاعة ، يعني ما قلت اكو إشاعة أو خبر .
وأشوف السالفة من سامعين إشاعة تحولت كأنه خبر حقيقي ، بسبب مداخلات المتداولين إلي كل واحد حط إشوي على الخبر من جيبه وخياله وأمنياته من غي دليل ، تره أنا كتبت جذي حبيب أشوف وأخليكم تشوفين مدى تأثير الإشاعات على المتداولين ، إتضح أن مو بس الإشاعات إتأثر بل حتى لو واحد قال ( هل سامعين إشاعة ) يعني لو تحط شي أقل من الإشاعة هم بأثر .
يعني بسهولة صار أي واحد يملك أسهم يقدر يحط خبر كذب بس علشان يمشي أسهمه أو يطيح سهم أو أو أو .
إحنه يبيلنه نبتكر طريقة تكون الأمور كلها واضحة وضوح الشمس بالدليل القاطع الموثق المكتوب الموقع المختوم ، ولا بالله عليكم هذا كلام ، الجرايد تكتب عن عقد لمركز سلطان بـ 250 مليون ومن ثم مركز سلطان ينفي مع بداية الريوغ ، أنا ودي أعرف الجرايد على أي أساس حطت هل الخبر ومنو قالها وشلون صار ، يعني منو الجهة الي بتحاسب هل الجرايد على الكلك الواضح هذا والصريح . (
عموما سلطان ما ادري اشفيه مو راضي يصعد ، بس ما نقول إلا ( في أحد منكم سامع إشاعة )

 

[nasr 2]

صبحك الله بكل خير يا كويتي 2005 حلوه منك حلوه

مع الاسف مافي جيه تحاسب الصحفي معطين الحريه

حق الجرايد .

 

[كويتي 2005]

هم اليوم سلطان نازل ، انا خايف يصير سلطان جيزان 2 ولا من 2،500 يصير 1,440 اشدعوه اشدعوه ، ديناااااااااااااااااار كامل نازل ، يا اخوان انا خايف هل النزول وراه شي موطبيعي ، يعني ممكن وراه عقد قوي

لو تشوفين السنة الي طافت نفس الشي ، كان ماشي على هل السعر وبعدين طمر طمره قويه
فشرايكم انتو بلي حاصل
وهم نقول ( محد سامع إشاعة ..... )

 

[bigener]

الرأي العام يستعد مركز سلطان للأعلان عن عقد توريد مواد غذائيه بقيمه تفوق النصف مليار دولار

 

[RaMaaY]

والله دوخونا الجرايد اهم ينشرون والبورصه تنفي غير شغله هذي صرنا مثل الكوره كل اشوي بملعب ( (

 

[كويتي 2005]

لالالالا هل المرة شي حلو ، مركز سلطان ما نفى خبر عقد نص مليار مع العراق الذي ذكرته صحيفة الرأي العام اليوم

الظاهر باجر راح يكون حد أعلى


ولا شرايكم

وينك أحمد بورصة اليوم يومكوينك يا يوسف غضنفري اليوم يومك
وينك يا نبيييييل اليوم يومك
وينك يا ( ..... ) اليوم يومك

ها نفرح باجر ولا بطلع هو فشوش شو رايكووووووووون

 

[كويتي 2005]

للتذكير بالخبر

تره مكتوب نص مليار دولار بالرأي العام

تذكر

 

[nasr 2]

يبه أشلون يرتفع سلطان والمخازن نازله لازم المخازن ترتفع وبيعدين سلطان

هذا راي..... مونصف مليار .....المخازن عندها من العقود ضيعنه الحسبه من المليارات وكل يوم عقد وماكو فايده يبه

لازم أكو صانع أهداف مع دفاع قوي

 

[ربحت]

ياملاك أسهم الجناعات

أشلونكم وشخباركم

ودى أساسركم بس مابى أحد يسمع..!!!!

حاولو تبيعون نص كمياتكم بأسهم الجناعات (شي يضيق الخلق بس ماعليه) حدونا الجناعات على الشر

وبعدين كل واحد يشترى شورت أصلى ويركب مع البحر (للحين المايه دهنه)

وطيروا مع البحر حتى نص شهر 9 ....وأقرب مويه تقطكم على سوق شرق روحو معاها

ودشوا مركز سلطان وناموا فيه ولاتطلعون لي أخر هذى السنه

والله يوفقكم

مع تحيات ...... أحد ضحايا كمال السلطان