السايق سافر ما يبي يرد كيف ألغي إقامته ؟

[yousef-1]

الموضوع باين من عنوانه

سافر من تقريبا شهر ولما وصل هناك هون ما يبي يجي

اقدر الغي إقامته الحين ولا لازم انتظر فتره ؟؟؟

انا بلغيها بس ما ادري اذا احد عنده معلومه يفيدني

 

[منافس]

إلى أعرفه ماتفدر أنت تلغيها 00 إهي من كيفها تلغى عن طريق الهجرة بعد ثلاث شهور أو ستة شهور ماني متأكد 00 الجهاز دايركت يلغيها بعد خروجه من الكويت ولم يرجع بعد المدة المحددة00
الله يعينك يقعد باسمك ليما يلغى

 

[وافى الوافى]

الموضوع باين من عنوانه

سافر من تقريبا شهر ولما وصل هناك هون ما يبي يجي

اقدر الغي إقامته الحين ولا لازم انتظر فتره ؟؟؟

انا بلغيها بس ما ادري اذا احد عنده معلومه يفيدني

بالضبط .... مثل ماقالك اخوى منافس ...!!

لااتعب نفسك ولا شى ... راح تلغى بعد ست شهور تلقائيا فى

حالة اذا مادخل الكويت ...!!!

بعد ست شهور اذا شيكت ولقيته موجود ضمن كفالاتك اعرف انه داخل

الكويت ... واشتغل عند واحد ثانى ....:d

 

[level-1]

اقولك فى الغالب شوفه تلقاه فى قطر لان راتب السايق هناك 200 دينار هنيه نعطيه60\70 دينار وشاخلينه عدل ماتلومونهم لكن يفترض انه كان يقولك من اول شى نفس الحاله صارت مع سايق البيت المفروض 13\9 واصل قبل المدارس ارسل لنا ولد عمه يقول قول حق بابا مايبى يشتغل فعرفت انه فى الغالب رايح قطر الله يوفقه ويهديه بعد مانكبنا على وجه المدارس

 

[ليث متواضع]

اذا سافر 6 شهور وتسقط الاقامه
واذا دخل البلاد تذهب الى المخفر وتسجل بلاغ تغيب
في هذه الحاله تخلي مسؤوليتك بالقانون

 

[yousef-1]

بيض الله وجيهكم

والله يعين

سبحان الله تخاف تظلمهم وآخر شي تجي على راسك

اللهم لك الحمد

 

[aloood10]

انزين ياشباب احد يفيدنا
ادا مابي تصيرفيني هالسالفة واتعلق 6 اشهر
يصير قبل لايسافر الغيها وارتاح ؟؟

 

[سلطان الخليج]

نعم

تاخذ جوازه واقرب خدمة مواطن تلغي الاقامة ويحطون اقامة لك الخيار شهر شهرين ثلاث اشهر كحد ااقصي
مجرد يخرج من المطار تلغي ماتبقي من لاقامة المؤقته