تحديث الصفحة شباب ابي نصيحة الي مجربين جيب audi Q7 ضروووري

[sound blaster]

شباب ابي نصيحة الي مجربين جيب audi Q7 خاصه موديل 2009 او 2010


او جيب انفنتي

ادري بتقولون الاودي خرابات .. انا اتكلم عن الي جرب هذا الجيب وخصوصا هذا النوع والموديل

ياريت تعطوني تجاربكم

 

[دار الفلك دار]

طال عمرك q7 موديل٢٠٠٧
استعماله ممتاز وسيرفسه مو غالي بس عندك الميجر سيرفس يكلف ٦٠٠ دينار تقريبا وكل ٦٠ الف
ويتم تبديل اغلب القطع الاستهلاكيه
انا عندي واحد بفظل الله لاخرابات ولامشاكل
ومواضب علا السيرفس والي عندي ٨ سلندر
بعض الناس يقولون لاتاخذ اودي خرابات وتلقاه بحياته ماركبه

 

[sound blaster]

مشكور يالغالي

والشي الحلو انك مجرب الجيب .. حقيقه كنت محتار بينه وبين الانفنتي وبين السفاري الجديد

فقلت استفيد من تجاربكم

 

[sahran]

السلام عليكم

الأودي q7 سياره عملية جدا ونادرا ماتخترب معاك .....والقيادة ممتعة جدا خاصة v8 قطع الغيار مقارنه بالسيارات الالمانيه تعتبر معقوله بس تطول معاك

 

[b212]

افضل سياره الاودي بانواعه أنا جربت الجيب والصالون استعمال طيب ومريح لا تسمع كلام الناس من ناحيه السيرفس فهو مناسب شوف تويوتا السيرفس اغلا منه

 

[anonymes]

والله أخوي السيارات حظوظ

أودي بشكل عام من تجربه شخصية لا يحوشك

(الخدمة بس الفترة الصباحية ما عندهم العصر)
(مواعيد السيرفس بعد إسبوعين)
(الورشة للحوادث مظغوطة ويطولون على اتفه تصليح)
(الاسعار بالنسبة لي نار)
(التكييف مو قوي نفس الياباني)
(احس أنهم حرامية دخلت السيارة ما فيها شيئ وطلعوها لي خايسة يقولون خلال هاليومين ملوت السيرفس سكر فلتر التكييف وتبديل الفلتر 70 دك)

بشكل عام عندي الياباني وايد احسن واذا تبي ألماني البي ام لا يعلا عليه

 

[الاحمـد]

الانفنتي ممتاز الصراحة
وعن تجربة
والسيارة سعرها فيها ، وشكلها راقي
وعند البيع ما يطيح كثر الأودي
وانسى الخرابات ، يابانية ومايحتاج تحاتيها
والسيرفس ممتاز يبطلون لين 8 بليل ومكانهم عند الافنيوز
وتكلفة السيرفس 30 دينار
والسفايف 40 دينار (هذا اللي اذكره من قطع الغيار)

 

[أعرابي]

أخوي إذا تبي جيب بر و ديرة مالك غير اللاندكروزر أو نيسان سفاري أما كل السيارات الثانية إسم جيب بس و هذا مو رأيي الشخصي هذا راي الناس و الأرض و الجو و البيئة إلي إحنا فيها .و هذا موقع يعطيك راي المستخدمين لأي سيارة في بالك www.carsurvey.org
و أبشرك شفتلك راي الناس بالموقع كلهم و جيهم شهب يعني مكروهه بس واحد وجهه أصفر يعني عاجبته السياره لكن لأنها ديزل و تتحمل أكثر و أرخص, واحد يقول كابوس وواحد يقول ودي أبيعها , واحد يقول شكل حلو و كشنات جلدية متعبه و كفائة و خدمة خرطي , واحد يقول الديكور ماكل المساحه و السقف نازل و مضايق السايق و الراكب الأمامي و الكشن في الصف الثاني أريح بس شكل السيارة و جودة تشطيبها حلوين .

 

[sound blaster]

مشكورين يا شباب والله يعطيكم العافيه .,,

صَراحه أنا كنت أبي جيب شَكله زين وَيصلح للبر ..عندي لكزس 460 ومابي اتعبها بالبر

حمدلله شريت افلانش بعد إستشاره وإستخاره .. وماقصرتوا بنصايحكم واكيد كثير غيري استفادوا من تَجاربكم

شُكرًا لكم ..

يٌغلق المَوضوع ..