الايفون الجديد هو فور اس والفايف اشاعه

[السـبيعي]

السلام عليكم ورحمة الله وبركاته

مؤتمر ابل اليوم كان مخيب للامال

وهنا اختصار كامل للمؤتمر واللي طرح فيه

والايفون 4 اس

ولاتصدقون الاشاعات

مافيه فايف

http://www.kuwait8.com/



وبالتوفيق للجميع

 

[abo Rana]

اي والله الناس نطرت شي وطلع شي ثاني

 

[مهرة بلا فارس]

يبا شفيكم هالخبر مصرحين فيه قبل جم شهر

وقلت هالحجي ومحد صدقني

قالو بالخبر لما صرحوه ان الايفون فور اس يشبه الفور لكن في جم شغله غير

قلناها محد صدقنا

 

[Abdulazeez]

الجهاز متغير بالكامل إلا الشكل

والشبه بين موديل 4s وآي فون 4 هوة الشكل الخارجي فقط

لسبب واحد فقط ، أبل تمتلك أسهم ببعض الشركات المصنعه للإكسسوارات

وبعد دراسة تم تعديل الجهاز مع إبقاء الشكل الخارجي عشان تتلائم مع الإكسسوارات القديمه


يعني توفير بمبالغ ضخمه

التغيير :

الكاميرا ( صارت 8 بدل ماكانت 5 )
البلوتوث ( الجيل الجديد 9
البطاريه ( سعة أكبر )
البروسيسور ( a5 )
البورد طبعا
الشاشه ( أنقى بنسبة 30% )
الجديد فيه 4 أرايل بدل 3
سرعة الأنترنت أسرع صارت 14 ميجا بدل ماكانت 7
تصوير الفيديو
تعديل أريل الإستقبال والإرسال بنسبة كبيرة
( صار فيه أريلين واحد للإستقبال والثاني للإرسال لزيادة السرعة ونقاوة المكالمات وسرعة الإنرتنت )

حتى القطع الداخليه تغيرت بنسبة أكثر من 90%

يعني مافي شي راح يركب ممكن إلا السماعة والمايك الداخلي

 

[داشه عرض!!]

يعني تنصحون ناخذه ونخلي الفور يولي عاد ماصارله خمس او ست شهور عندي

 

[مهرة بلا فارس]

هذا قبل يقولون لما نزلو الخبر

ايفون فور اس نفس شكل الفور مع تطوير بعض الخواص

 

[B-A-1983-A-B]

يايزنك يابو تريك تدش السوق بهدوء وتطلع بهدوء ولا ضجة ولا مؤتمرات صحفية ولا قالها الله ..... اي الله يديم بو تريك 9 دنانير وخلصنا

 

[away1979]

حطمني كنت ناطره على نار اذكر واحد من الربع يقول مافي ايفون 5 راح ينزلون 4 اس على ما اذكر
عاد انا مالي خلق للنجره وكنت اقول بيني وبين نفسي ياحرام حدك دايخ
طلعت انا الدايخ ​

 

[النايفه]

أهم شي عبالك أهو الدايخ

 

[away1979]

أهم شي عبالك أهو الدايخ

وبعد عليه من الله ظلال

 

[Faris]

نظام جميل وسلس ولكن ..

لا اعرف لماذا انتم مهتمين بهذا الجهاز ! رغم ان الشركة لها سلبيات كثيره جدا لمستخدمى ابل وكل شي تشتريه ولا يوجد شي مجانى وحتى فى ابسط الامور يجب ان يكون برنامج !!

صحيح ان نظامه قوي ورائع ولكن سلبياته اكثر بكثير من ايجابياته!

اتمنى الاتجاه او حتى للتجربه لـ نظام اندرويد او حتى ويندوز موبايل, لانه ابل وللاسف من الشركات الاحتكاريه من الدرجة الاولى ..

وجهة نظر .

 

[Faris]

خبر وفاة ستيف جوبنز

http://www.bbc.co.uk/arabic/worldnews/2011/10/111005_jobs_death_apple.shtml

 

[داشه عرض!!]

8
8
8
والله داشه كننت بكتب الخبر عاد


سبحان الله الخبر صدمني وصلني بالواتساب الصبح يالله صباح خير

 

[بو شيشه]

صكوه عين

 

[داشه عرض!!]

8
8
8
اي سبحان الله العين ماتغشمر

 

[Low Fat]

.​

أهم شئ السعر مايكون صلخ

في أشخاص حاطين أعلانات للي يبي يحجز ب350 و ب400 دينار


خلوه يصدي >> عاد تجارنا نفس شغل الساير مايوفرونه ألا ضامنين يصرفون ,,​

.​

 

[داشه عرض!!]

يايزنك يابو تريك تدش السوق بهدوء وتطلع بهدوء ولا ضجة ولا مؤتمرات صحفية ولا قالها الله ..... اي الله يديم بو تريك 9 دنانير وخلصنا

يعني انت ماعندك ايفون شكلك كاشخ بنوكيا الجسمي 6600 والله هالتلفون له ذكري ايام تخرجي من الثانويه حلو ومتبتب ودمه خفيف ليلحين احبه وتارسينه اغاني وفيدوات كان حزتها هبه الاغاني البرتقاله والرمانه والبديانه صج ايام حلوه

 

[B-A-1983-A-B]

^^^^

+

والله العظيم تلفوني بو تريك ومستانس عليه ومافكر اغيرة الا اذا اخترب او تطور الوضع وياني ايفون هدية يمكن جزتها افكر استعمل الايفون ولكن الى جان بو تريك لان هالجهاز حبيب قلبي خفيف الوزن سهل الاستعمال غير قابل للكسر وعمرة يدوم ويدوم ويدوم !!!! دعاية تايت مو تلفون ههههههههههههههه

 

[داشه عرض!!]

^^^^

+

والله العظيم تلفوني بو تريك ومستانس عليه ومافكر اغيرة الا اذا اخترب او تطور الوضع وياني ايفون هدية يمكن جزتها افكر استعمل الايفون ولكن الى جان بو تريك لان هالجهاز حبيب قلبي خفيف الوزن سهل الاستعمال غير قابل للكسر وعمرة يدوم ويدوم ويدوم !!!! دعاية تايت مو تلفون ههههههههههههههه

والله متمسك بالعادات والتقاليد مع تايد للغسيل مفيش مستحيل نظافه ريحه توفير خخخخخخ اللي يخليك لابو تريك بس تبي الصجج تفاجأت يعني اغلب الشباب يهتمون بالاجهزه اكثر من البنات بعد انا كنت قبل فتره وفيه لنوكيا واخواني يننوني لازم تشترين ايفون وقعدو يشوقوني ويقولون ميزاته وانا عمك اصمخ اقول لهم انا وفيه لنوكيا واطفرهم بالوفاء بعدين بدوا عاد بخطه ثانيه يقولون ياعرض ترا بريستيجج مايسمح فشلتينا غيري نوكيا يحاولون يزهدوني معنه ترا نوكيا يديد مو قديم وكامرته زينه عندي احسن من الايفون ليما عاد فجاه تغير مزاجي وشريت الايفون ومن يومها اقول شلون طول هالفتره عايشه بدونه !!! صج ونيس وبرامجه مسليه

 

[ليث متواضع]

حول وفاة مؤسس أبل ومدى جواز الترحم عليه اكد الشيخ د. عجيل النشمي
في حسابه على تويتر جواز مكافأة جوبز بمدحه مصداقا لقول الرسول
صلى الله وعليه وسلم " من صنع اليكم معروفا فكافئوه "
فيمدح على ما قدم لكن لا يجوز الترحم عليه .